يالعصيمي خش فالمسجد وصل مع الجماعة

[سعود البرقاوي]

سعود العصيمي للاستفادة بارك الله فيك


يالعصيمي خش فالمسجد وصل مع الجماعة
الفريضة واجبه والدين عز وراس مالي

قبل لاننشر علومك عبر موجات الاذاعة
ثم تصبح سالفة عند المطرّف والموالي

[سعود العصيمي]

فالصفوف الاوله وليالقيت اهل الشجاعه = مايريع راسي القاسي جمل بين الجمالي

ياسعود سعود رجالٍ وعزه من ذراعه = وانته اختر يالنفيعي فالخفاف وفالثقالي

[نوآف الغنامي]

يالعصيمي خش فالمسجد وصل مع الجماعة
الفريضة واجبه والدين عز وراس مالي

قبل لاننشر علومك عبر موجات الاذاعة
ثم تصبح سالفة عند المطرّف والموالي





فالصفوف الاوله وليالقيت اهل الشجاعه
مايريع راسي القاسي جمل بين الجمالي
ياسعود سعود رجالٍ وعزه من ذراعـه
وانته اختر يالنفيعي فالخفاف وفالثقالي





يا سلام يا سلام


صحت السنتكم مدد بلا عدد


واصلوا واصلوا

متاااابعين ...

..

[سعود العصيمي]

خيال الصفراء

مرحبا مليووون

[سعود البرقاوي]

خابرين وشايفين وكان ماعندك مناعة
مانقول الا تحرّص من مقابيل الليالي


روّح البابور مع وسط البحر يومي شراعة
وانت في ظهر السفينة لاحرام ولاحلالي

[سعود البرقاوي]

خيال الصفراء
حياك الله وشرفتنا

[سعد حميد الثبيتي]

سعود البرقاوي اهنئك على هذه البدعه الجزله التي تنم عن شاعريه فذه

اخوي سعود صح لسانك على الرد الوافي الشافي وهذا ليس بغريب على شاعر متمكن امثالك


واصلوا ونحن متابعين معكم بكل شغف

[سعود العصيمي]

انت شايف بس اشوفك كن ماعندك قناعه = مالك البن الاشقر من مباهير الدلالي.

استرح ياصاحبي لالا يهمونك خزاعه = حاسبين حسابنا للاولات وللتوالي.

[سعود العصيمي]

سعد حميد

مرحبا ومسهلا

مرورك يعطر الصفحه

[سعود البرقاوي]

الله الله

ماعليك قصور شاعر فيك قدرة واستطاعة
تضرب الشعار فالشعار وتضد الرجالي



ياعتيبة سيفكم مصنوع فالمصنع صناعة
والحقيقة ضايعه من بين عم وبين خالي

[سعود البرقاوي]

سعد حميد الثبيتي
شاكر لك ومقدر مرورك واشادتك

[سعود العصيمي]

ههههه



ماعليكم زود ياهل الفود عدوان المجاعه = صرفوها بالجنيه وصرفوها بالريالي.

العتيبي ماتروح قوته دجه وضاعه = ابشروا بالخير لكن لاتصد ولاتبالي

[سعود البرقاوي]

مادريت انك ملكع ومتمرس فاللكاعة
لين شفتك يالعصيمي فيك مر وفيك حالي





لو نبا نكشف عليك اليوم ونشوف الاشاعة
فوق راسك مانلبسك العمامة والعقالي

[فواز السعيدي]

الله الله


قاف ذهبي



متابع للابداع

[سعود البرقاوي]

فوازي السعيدي
حياك الله ومتابعتك مهمة

[سعود العصيمي]

الله الله

استلم واستأذنك مضطر للخروج يابن العم


انته ملكع وقلبك لايصيبك فيه راعه = لاتغشك لحمة الخنزير وتضلي تلالي

ابك انا سبعٍ مع سباع الجبل يسبع سباعه = استرح فالموقف الغصاب واسدك لحالي.

[سعود العصيمي]

فوااز السعيدي


مرحبا بك


مليووون.

[سعود البرقاوي]

على اقل من مهلك بارك الله فيك


ياحليل الشايب اللي صار في سن الرضاعة
ماهوب بصاحب مقام ولاهو بصاحب معالي



اشهد انك ذيب لكن فيك وسط القلب راعة
خابرينك فالجنوب وخابرينك فالشمالي

[محمد العامري]

سعود البرقاوي


سعود العصيمي




صحت السنتكم والله يعطيكم العافيه....

[عشقA]

النفيعي & العصيمي




صح لسااااااااااااااانكم....



وتقبلوا مروري...

[سعود البرقاوي]

محمد العامري
صح بدنك والله يعطيك العافية

[سعود البرقاوي]

عشق a
صح بدنك وشاكر لك مرورك

[صاهود]

اشهد باللة انك مبدع ياسعود البرقاوي وصح السانك

وصح السانك ياسعود العصيمي شاعر مايحتاج

[سعود البرقاوي]

جعلك تحيا ياذيب عروا وشهادة اعتز فيها
لاهنت لاهنت

[مرداس]

سعود النفيعي // ابو طايل شا عر الهيلا



ماتركتو باب للابداع الا وطرقتوه






صحت السنتكم ياعمالقه