قايد القوات و الرتبه عقيدي

[عمر الدغيلبي]

السلام عليكم ورحمة الله وبركاته

أسعد الله مسائكم بكل خير

هذه القصيده كتبت وفاء ً وتكريما ً في :

قائد القوات الخاصه في الجوف العقيد / بدر بن موسى بن راجي الحويفر الدغيلبي العتيبي


وأقول :






يا قلم سجل على الدفتر قصيدي = سجل الأشعار فالقرم السنافي

في من الأشعار في مدحه تزيدي = من فعوله قالوا العربان وافي

قايد القوات و الرتبه عقيدي = شايل ٍ رتبته من فوق الكتافي

ياحزام الربع يا نعم العضيدي = ماقفك مشهود من دون اعترافي

لا مدحت البدر ابن موسى رصيدي = يمتلي واكتب ولا اعد القوافي

الشجاع اللي يمينه من حديدي = راعي الوقفات و العلم المشافي

تشهد العربان مع رب ٍ شهيدي = بالفعول اللي كسبها باحترافي

كم عجوز ٍ تطلب الرب وتعيدي = يحفظه رب السما من كل هافي

يابدر عن مدح مثلك ما نحيدي = كيف وانت اللي تحل اكبر خلافي

أشهد أن الجوف دايم في مزيدي = يوم بدر أصبح لساكنها لحافي

يابدر فعلك عن العالم فريدي = والثقال تشيلها مثل الخفافي

قايد ٍ بالراي لك راي ٍ سديدي = ايه تبطي ماتوصلك الضعافي

إيه أبفخر و أتغنى بالنشيدي = وأقدح الأبيات و الهوجاس صافي

يايزيد ابوك فالوقفه شديدي = ما ارتخا في يوم ولا قال كافي

من سلايل من لهم ذكر ٍ حميدي = كاسبين العز بسيوف ٍ رهافي

من بني منعر هل المجد التليدي = لابة ٍ ماهزها جور العجافي

فالختام اطلبك يا رب العبيدي = تحرسه لا حان ميعاد التصافي



وسلامتكم

[@ـايل]

يستاهل العقيد/بدر الدغيلبي ..

وصح لسانك ياعمر ..ولاهنت ..

...

[عمر الدغيلبي]

تستاهل الطيب ياهايل

وصح بدنك طال عمرك

ولاهنت على الحضور

[فايز بن سرحان الثبيتي]

لا مدحت البدر ابن موسى رصيدي
يمتلي واكتب ولا اعـد القوافـي



انا اشهد انك وافي


صح لسانك ياعمر قصيدة تستحق ان تقرأ اكثر من مرة .... لا هنت

[عمر الدغيلبي]

ابن سرحان الثبيتي



صح بدنك وماعليك زود يا ابن العم


واشكرك على الاشاده


ومرور مثلك شرف


لاهنت

[شامان]

يستاهل العقيد / موسى بن حويفر الدغيلبي ،، ولا تفيه حقه في الثناء ..

.

عمر

كتبت وأبدعت ،،

رائعة بالفعل يا رائع ،،


كل الودّ ..:)

[الأمير الأسعدي]

ونعم بك وبالحويفر ويستاهل هالقصيدة صح لسانك والله لا يهينك

[عمر الدغيلبي]

يستاهل العقيد / موسى بن حويفر الدغيلبي ،، ولا تفيه حقه في الثناء ..

.

عمر

كتبت وأبدعت ،،

رائعة بالفعل يا رائع ،،


كل الودّ ..:)


تستاهل الطيب يا شامان

ايه بالله ماتوفيه حقه

واشكرك على اطرائك

وعلى مرورك الذي

اسعدني وشرفني

لا خلا ولا عدم

[عمر الدغيلبي]

ونعم بك وبالحويفر ويستاهل هالقصيدة صح لسانك والله لا يهينك


ماعليك زود يا الاسعدي


وصح بدنك


ولاهنت

على حضورك يا ابن العم

[أبونواف]

صح لسانك ويستاهل الممدوح كل خير

[عمر الدغيلبي]

ابو نواف

صح بدنك


ولاهنت

على

المرور

احترامي

وشكري

[سعود الجعفري العنزي]

السلام عليكم ورحمة الله وبركاته

أسعد الله مسائكم بكل خير

هذه القصيده كتبت وفاء ً وتكريما ً في :

قائد القوات الخاصه في الجوف العقيد / بدر بن موسى بن راجي الحويفر الدغيلبي العتيبي


وأقول :






يا قلم سجل على الدفتر قصيدي = سجل الأشعار فالقرم السنافي

في من الأشعار في مدحه تزيدي = من فعوله قالوا العربان وافي

قايد القوات و الرتبه عقيدي = شايل ٍ رتبته من فوق الكتافي

ياحزام الربع يا نعم العضيدي = ماقفك مشهود من دون اعترافي

لا مدحت البدر ابن موسى رصيدي = يمتلي واكتب ولا اعد القوافي

الشجاع اللي يمينه من حديدي = راعي الوقفات و العلم المشافي

تشهد العربان مع رب ٍ شهيدي = بالفعول اللي كسبها باحترافي

كم عجوز ٍ تطلب الرب وتعيدي = يحفظه رب السما من كل هافي

يابدر عن مدح مثلك ما نحيدي = كيف وانت اللي تحل اكبر خلافي

أشهد أن الجوف دايم في مزيدي = يوم بدر أصبح لساكنها لحافي

يابدر فعلك عن العالم فريدي = والثقال تشيلها مثل الخفافي

قايد ٍ بالراي لك راي ٍ سديدي = ايه تبطي ماتوصلك الضعافي

إيه أبفخر و أتغنى بالنشيدي = وأقدح الأبيات و الهوجاس صافي

يايزيد ابوك فالوقفه شديدي = ما ارتخا في يوم ولا قال كافي

من سلايل من لهم ذكر ٍ حميدي = كاسبين العز بسيوف ٍ رهافي

من بني منعر هل المجد التليدي = لابة ٍ ماهزها جور العجافي

فالختام اطلبك يا رب العبيدي = تحرسه لا حان ميعاد التصافي



وسلامتكم





صح لسانك ويستاهل الممدوح كل خير

[عمر الدغيلبي]

صح لسانك ويستاهل الممدوح كل خير


صح بدنك يا سعود

وتستاهل الطيب


ولاهنت على المرور


احترامي

[سيف عنزه]

صح لساااانك ويستاهل الممدوح كل خير
ماقصرت يا الغالي