@ـايل
29-Jun-2009, 02:58 PM
السلام عليكم ورحمة الله وبركاته ..
اسعد الله جميع اوقاتكم أعزائي أعضاء وزوار منتدى عتيبه الهيلا ...
أقدم لكم هذه الابيات التي لها مناسبة ،وهي للاخ / عايض ماطر العصيمي ، بعد ان قالها تمجيدا ً لموقف ربعة وبني عمه في قضية حدثت له ، وبعد ان سمعه الشاعر / عبدالله الهديريس قام بمجاراته ، وهذه ابيات الاخ عايض ماطر العصيمي يقول فيها
نخيت ربعي ثم رموا بالعمايم = ربعي بني مخضار كسابة الطيب
اهل الوفاء والمرجلة والعزايم = قامو بساعة عسرها بالمواجيب
في ساعة ٍ من دوني السجن قايم = ربعي بني مخضار حضنن مناجيب
للكايدة والطايلات العضايم = يوم انها كثرة علي المناشيب
شفت الدروب اللي تجيب الهزايم = جوني بني مخضارقبل المناديب
اصغرهم اللي كنه الصقر حايم = ربعي سيوفي باترات ٍ محاديب
بوجيههم نشوف كل الغنايم = اكفوفهم عند الملاقا معاطيب
عوق الخصيم اللي يطيل الخصايم = اسلالة اللي تعبواشمخ النيب
يماقطعو مع كل فرجه خرايم = ربعي بني مخضار لاشك لاريب
عون الذي شاف بزمانه ثلايم = مثل الاسود اللي جفل منها الذيب
العز فيهم بابيض الطيب دايم = واللي نخاهم لايخلى ولايخيب
ومعهم من الشفعان ربع ٍ صرايم = رجالهم يحضر عند المطاليب
واختامها عداد هب النسايم = بتحية ٍ لاهل الوفا والمواجيب .
------------------------------------------
وهذه قصيدة الشاعر/عبدالله الهديريس اتمنى ان تحوز على رضاكم ..
يالله ماغيرك على الكون دايم = يارازق ٍ خلقه وياعالم الغيب
لاجاء العميل اللي للارواح سايم = وعن باعته مالي ملاذ ومهاريب
شوفي طفح واستسلمنّ القوايم = وضاعت حكايا اهل الدواء والاطابيب
مالي غنى عن وسع رحمتك دايم = بدنياي ولا ّ يوم نشر المكاتيب
عبدك ومليان ٍ سجلّه قسايم = ماغيرك الجآ له ولاادعي ولآنيب
اليوم شفت وعفت وامسيت شايم = عن متعة ٍ مامن وراها مكاسيب
من عايس الدنيا يشوف الهضايم = ان كان له ميزة وعقل ٍ وتجريب
كم عاش فيها من رجال ٍ عدايم = واليوم يظهر ذكرهم يوم ويغيب
شادوا صروح ٍ فوقها الغيم غايم = ومال ٍ عنه ذاقوا مرار المشاريب
راحوا وخلوها عشاش ٍ هدايم = ماتقل داجوها شروق ومغاريب
دنياك مافيها متاع ٍ مدايم = يجي لها لو ساعفت لك مقاليب
في ساعة ٍغافل ومركبك عايم = غبة خيال ولك مراد ومطاليب
ضحكاتها للرجل كذب أوّهايم = وانيابها لاكشرت لك محانيب
ما اغترّ فيها إلا ّعقول البهايم = اللي ما اخذ منها العبر والتجاريب
فتّانة المظهر سريعة سهايم = ومصيوبها تبدي عليه المصاويب
تلقاه لاواعي ولاهوب نايم = يمشي وهو حاضر مع الناس ومغيب
اخذت لي منها دروس ٍ عظايم = وسجلت ماشفته على دفتر الجيب
أيام ذاريها حرور وسمايم = وساعة ذواريها براد وهباهيب
وايام نقضيها حروب وهزايم = وساعة نوقع عقد هدنة واصاحيب
خلك مسايم كان وقتك مسايم = ساير زمانك لو تشوف المغاليب
واليا كشر نابه وجاله حدايم = لاتظهر الذلة واخذ عنه تجنيب
ان هاش ماانتب له ضديد ٍ ملايم = وان زان خوان ٍ يجي له عراقيب
لاتامنه وانته منه لاتشايم = خلك مابين وبين رغبة وترهيب
احذر يغرّك حال بعض الهلايم = بعض الهتول الغافلين الدباديب
اللي يحسب صفوة الوقت دايم = وجاله من النعمة لجون ولغابيب
يسعى بلاميزة بدنياه هايم = حتيش لو انه كبر عنده الجيب
صدام راح وراح ملكه حطايم = ومثله من اصحاب الثرى والمناصيب
ويش انت ياللي معك بعض اللمايم = أما سكن ولا ّ رصيد ومراكيب
انت بمسيل وفوق راسك غمايم = وديم المطر بعضه يجي له عواقيب
اخذت حكمة من رجال الحكايم = واخذت في ايامي دروس وتجاريب
دجت وسمعت أوقت في كل زايم = وسجيت رجلي في ديار الاجانيب
واعطيت عن مااعرف دروس وعلايم = والرجل في دنياه خطاي ومصيب
الرزق عند الله وفوق وقسايم = والعمر زاير والمنايا معازيب
قلته بعد جتنا البيوت العوايم = في غبة اللي جاد معنى وتركيب
عايض لقا شكره لربعه لزايم = من شان موقفهم معزة وتوجيب
وهذي من اطباع الرجال الحشايم = وهو من رجال ٍ يكملون المواجيب
وعن واقع ايامه رسم له رسايم = تلميح علم بدون شرح ٍ وتسهيب
ولانيب له عاتب ولاني بلايم = كل ٍ معه ورّد طوال المجاذيب
لكن شفت ان المجارا ملايم = واجب يجازا راعي الطيب بالطيب
وربعك مواقفهم تراها قدايم = ميقافهم يعرف ولافيه تغريب
يوم السنين عجاف وإلها وحايم = وعوج الليالي خلّصن ّ المزاهيب
هم عون من يشكي الدهر والسقايم = وهم ملتجى الجاني وملفا المراكيب
وان جاء المزاحم في نهار الزحايم = وثار العسام وفرعنّ الرعابيب
وركبو مداغيش الرجال القرايم = مثل ثواب وناشي القرم ومثيب
من فوق سرد ٍ بالأعنه كضايم = اسبق من البارق لياجت هواذيب
كم راس شغموم ٍ وريثة شغايم = كزّوه للي في الرقيبة مقانيب
بدهم ٍ لهب بارودها له عسايم = ولاّ بحد محودبات الغواريب
غاراتهم يفرح بها كل حايم = لاجاء نهار ٍ يخلف الورع ويشيب
وان جاء المزاعم هم رجال الزعايم = بالراي والحجة تفك اللواليب
ماأخذو نعم من باب بايع وسايم = ورثن قديم ؤوثقوه الكتاتيب
ماهوب من صيد النفوس الرخايم = اللي خلاف اهل الفعايل شواذيب
الضلع ثابت والهبايب زوايم = والروس ماتسبر مواطي العراقيب
ربعك بني مخضار عزم وحزايم = يمنى بني شافع عداة الاصاعيب
شفعان لاجاء للمشوّك عشايم = والشمس غيّبها سحاب اللواهيب
وركبو على اللي مثل وبل الغشايم = لاهلّ من صاف المزون المناصيب
عاداتهم في الكون صبر وعزايم = والحكم لله ثم بحد المذاريب
قدامهم تلقى الجماجم كوايم = مركاضهم يشبع به النصر والذيب
ركن ٍ من اللي يقتضون الظلايم = يوم النقا جت به ركاب المناديب
آلاد عاصم بالفعايل عصايم = إلهم على نجد المسمى مواجيب
يوم المغازي والظروف الوخايم = إلهم بعالي سلّم المجد ترتيب
كم دقلة ٍ جات أوراها دعايم = والحرب ناره لحّقوها المشاهيب
وكل ٍ لساعات الملاقا ولايم = والخيل عنّوها القروم الذواريب
من فعلهم جمع المعادي قسايم = بصنع الفرنج وساطيات المضاريب
الهم بديوان البليهد علايم = تقرا ليا يوم البعث والمحاسيب
يوم إن الاشقر جاء لريشه وشايم = وجاء للجموع بيوم عرجاء محازيب
خلّوه لاريش ٍ ولاله قوايم = وفارق مبادي روس هاك المراقيب
قدامهم كنّ الجنايز هشايم = يوم البعير اللي بهاك الضحى جيب
فوقه : ومزيد : ماسكه بالخطايم = بنت الامير اللي تشوق الخطاطيب
عنها الجبر راحت علومه همايم = وتبدّلت حدب السيوف بمشاعيب
محد ٍ نفض عنها غبار اللوايم = إللي قضى واللي جروحه معاطيب
والشيخ مما صار ضاق وتضايم = والمنع ماله عن حباله مهاريب
وهاك الرديف اللي علومه جسايم = اقفى يحث مكسرات المصاليب
سَلّم وشاف الامر جاله حسايم = ماتنفع اللحية بدون الاشانيب
افعال قطمان المحازم حزايم = من ثقلها تتعب يدين الحواسيب
بقيادة اللي ينعرف في اللزايم = في الموقف اللي منه بعض العرب هيب
أبا العلا نسل الشيوخ العظايم = زيزومها في سِلْم ولا ّ محاريب
تلقاه في اولها ليا جت رزايم = وتلقاه تاليها ليا اقفت جناديب
هو مزبن اللاجي كبير الجرايم = ويامن عقب ضاقت عليه المكاريب
إشيوخنا عند المكارم كرايم = وعند الحرايب هم سهوم الحراريب
وان جاء الخطا بين القبيلة رحايم = ينهون بالحكمة كبار المناشيب
بديتها دعوى عظيم ٍ ودايم = واختم بذكره عالم السر والغيب
وسلامتكم ...
تحيتي لكم ..
اسعد الله جميع اوقاتكم أعزائي أعضاء وزوار منتدى عتيبه الهيلا ...
أقدم لكم هذه الابيات التي لها مناسبة ،وهي للاخ / عايض ماطر العصيمي ، بعد ان قالها تمجيدا ً لموقف ربعة وبني عمه في قضية حدثت له ، وبعد ان سمعه الشاعر / عبدالله الهديريس قام بمجاراته ، وهذه ابيات الاخ عايض ماطر العصيمي يقول فيها
نخيت ربعي ثم رموا بالعمايم = ربعي بني مخضار كسابة الطيب
اهل الوفاء والمرجلة والعزايم = قامو بساعة عسرها بالمواجيب
في ساعة ٍ من دوني السجن قايم = ربعي بني مخضار حضنن مناجيب
للكايدة والطايلات العضايم = يوم انها كثرة علي المناشيب
شفت الدروب اللي تجيب الهزايم = جوني بني مخضارقبل المناديب
اصغرهم اللي كنه الصقر حايم = ربعي سيوفي باترات ٍ محاديب
بوجيههم نشوف كل الغنايم = اكفوفهم عند الملاقا معاطيب
عوق الخصيم اللي يطيل الخصايم = اسلالة اللي تعبواشمخ النيب
يماقطعو مع كل فرجه خرايم = ربعي بني مخضار لاشك لاريب
عون الذي شاف بزمانه ثلايم = مثل الاسود اللي جفل منها الذيب
العز فيهم بابيض الطيب دايم = واللي نخاهم لايخلى ولايخيب
ومعهم من الشفعان ربع ٍ صرايم = رجالهم يحضر عند المطاليب
واختامها عداد هب النسايم = بتحية ٍ لاهل الوفا والمواجيب .
------------------------------------------
وهذه قصيدة الشاعر/عبدالله الهديريس اتمنى ان تحوز على رضاكم ..
يالله ماغيرك على الكون دايم = يارازق ٍ خلقه وياعالم الغيب
لاجاء العميل اللي للارواح سايم = وعن باعته مالي ملاذ ومهاريب
شوفي طفح واستسلمنّ القوايم = وضاعت حكايا اهل الدواء والاطابيب
مالي غنى عن وسع رحمتك دايم = بدنياي ولا ّ يوم نشر المكاتيب
عبدك ومليان ٍ سجلّه قسايم = ماغيرك الجآ له ولاادعي ولآنيب
اليوم شفت وعفت وامسيت شايم = عن متعة ٍ مامن وراها مكاسيب
من عايس الدنيا يشوف الهضايم = ان كان له ميزة وعقل ٍ وتجريب
كم عاش فيها من رجال ٍ عدايم = واليوم يظهر ذكرهم يوم ويغيب
شادوا صروح ٍ فوقها الغيم غايم = ومال ٍ عنه ذاقوا مرار المشاريب
راحوا وخلوها عشاش ٍ هدايم = ماتقل داجوها شروق ومغاريب
دنياك مافيها متاع ٍ مدايم = يجي لها لو ساعفت لك مقاليب
في ساعة ٍغافل ومركبك عايم = غبة خيال ولك مراد ومطاليب
ضحكاتها للرجل كذب أوّهايم = وانيابها لاكشرت لك محانيب
ما اغترّ فيها إلا ّعقول البهايم = اللي ما اخذ منها العبر والتجاريب
فتّانة المظهر سريعة سهايم = ومصيوبها تبدي عليه المصاويب
تلقاه لاواعي ولاهوب نايم = يمشي وهو حاضر مع الناس ومغيب
اخذت لي منها دروس ٍ عظايم = وسجلت ماشفته على دفتر الجيب
أيام ذاريها حرور وسمايم = وساعة ذواريها براد وهباهيب
وايام نقضيها حروب وهزايم = وساعة نوقع عقد هدنة واصاحيب
خلك مسايم كان وقتك مسايم = ساير زمانك لو تشوف المغاليب
واليا كشر نابه وجاله حدايم = لاتظهر الذلة واخذ عنه تجنيب
ان هاش ماانتب له ضديد ٍ ملايم = وان زان خوان ٍ يجي له عراقيب
لاتامنه وانته منه لاتشايم = خلك مابين وبين رغبة وترهيب
احذر يغرّك حال بعض الهلايم = بعض الهتول الغافلين الدباديب
اللي يحسب صفوة الوقت دايم = وجاله من النعمة لجون ولغابيب
يسعى بلاميزة بدنياه هايم = حتيش لو انه كبر عنده الجيب
صدام راح وراح ملكه حطايم = ومثله من اصحاب الثرى والمناصيب
ويش انت ياللي معك بعض اللمايم = أما سكن ولا ّ رصيد ومراكيب
انت بمسيل وفوق راسك غمايم = وديم المطر بعضه يجي له عواقيب
اخذت حكمة من رجال الحكايم = واخذت في ايامي دروس وتجاريب
دجت وسمعت أوقت في كل زايم = وسجيت رجلي في ديار الاجانيب
واعطيت عن مااعرف دروس وعلايم = والرجل في دنياه خطاي ومصيب
الرزق عند الله وفوق وقسايم = والعمر زاير والمنايا معازيب
قلته بعد جتنا البيوت العوايم = في غبة اللي جاد معنى وتركيب
عايض لقا شكره لربعه لزايم = من شان موقفهم معزة وتوجيب
وهذي من اطباع الرجال الحشايم = وهو من رجال ٍ يكملون المواجيب
وعن واقع ايامه رسم له رسايم = تلميح علم بدون شرح ٍ وتسهيب
ولانيب له عاتب ولاني بلايم = كل ٍ معه ورّد طوال المجاذيب
لكن شفت ان المجارا ملايم = واجب يجازا راعي الطيب بالطيب
وربعك مواقفهم تراها قدايم = ميقافهم يعرف ولافيه تغريب
يوم السنين عجاف وإلها وحايم = وعوج الليالي خلّصن ّ المزاهيب
هم عون من يشكي الدهر والسقايم = وهم ملتجى الجاني وملفا المراكيب
وان جاء المزاحم في نهار الزحايم = وثار العسام وفرعنّ الرعابيب
وركبو مداغيش الرجال القرايم = مثل ثواب وناشي القرم ومثيب
من فوق سرد ٍ بالأعنه كضايم = اسبق من البارق لياجت هواذيب
كم راس شغموم ٍ وريثة شغايم = كزّوه للي في الرقيبة مقانيب
بدهم ٍ لهب بارودها له عسايم = ولاّ بحد محودبات الغواريب
غاراتهم يفرح بها كل حايم = لاجاء نهار ٍ يخلف الورع ويشيب
وان جاء المزاعم هم رجال الزعايم = بالراي والحجة تفك اللواليب
ماأخذو نعم من باب بايع وسايم = ورثن قديم ؤوثقوه الكتاتيب
ماهوب من صيد النفوس الرخايم = اللي خلاف اهل الفعايل شواذيب
الضلع ثابت والهبايب زوايم = والروس ماتسبر مواطي العراقيب
ربعك بني مخضار عزم وحزايم = يمنى بني شافع عداة الاصاعيب
شفعان لاجاء للمشوّك عشايم = والشمس غيّبها سحاب اللواهيب
وركبو على اللي مثل وبل الغشايم = لاهلّ من صاف المزون المناصيب
عاداتهم في الكون صبر وعزايم = والحكم لله ثم بحد المذاريب
قدامهم تلقى الجماجم كوايم = مركاضهم يشبع به النصر والذيب
ركن ٍ من اللي يقتضون الظلايم = يوم النقا جت به ركاب المناديب
آلاد عاصم بالفعايل عصايم = إلهم على نجد المسمى مواجيب
يوم المغازي والظروف الوخايم = إلهم بعالي سلّم المجد ترتيب
كم دقلة ٍ جات أوراها دعايم = والحرب ناره لحّقوها المشاهيب
وكل ٍ لساعات الملاقا ولايم = والخيل عنّوها القروم الذواريب
من فعلهم جمع المعادي قسايم = بصنع الفرنج وساطيات المضاريب
الهم بديوان البليهد علايم = تقرا ليا يوم البعث والمحاسيب
يوم إن الاشقر جاء لريشه وشايم = وجاء للجموع بيوم عرجاء محازيب
خلّوه لاريش ٍ ولاله قوايم = وفارق مبادي روس هاك المراقيب
قدامهم كنّ الجنايز هشايم = يوم البعير اللي بهاك الضحى جيب
فوقه : ومزيد : ماسكه بالخطايم = بنت الامير اللي تشوق الخطاطيب
عنها الجبر راحت علومه همايم = وتبدّلت حدب السيوف بمشاعيب
محد ٍ نفض عنها غبار اللوايم = إللي قضى واللي جروحه معاطيب
والشيخ مما صار ضاق وتضايم = والمنع ماله عن حباله مهاريب
وهاك الرديف اللي علومه جسايم = اقفى يحث مكسرات المصاليب
سَلّم وشاف الامر جاله حسايم = ماتنفع اللحية بدون الاشانيب
افعال قطمان المحازم حزايم = من ثقلها تتعب يدين الحواسيب
بقيادة اللي ينعرف في اللزايم = في الموقف اللي منه بعض العرب هيب
أبا العلا نسل الشيوخ العظايم = زيزومها في سِلْم ولا ّ محاريب
تلقاه في اولها ليا جت رزايم = وتلقاه تاليها ليا اقفت جناديب
هو مزبن اللاجي كبير الجرايم = ويامن عقب ضاقت عليه المكاريب
إشيوخنا عند المكارم كرايم = وعند الحرايب هم سهوم الحراريب
وان جاء الخطا بين القبيلة رحايم = ينهون بالحكمة كبار المناشيب
بديتها دعوى عظيم ٍ ودايم = واختم بذكره عالم السر والغيب
وسلامتكم ...
تحيتي لكم ..