الله يجازيك ياسعود \\\\ طيرت ريش الحمامه

[خوي السعد]

شاعرنا الكبير سعود مطلوب متى ماسمح وقتك


الله يجازيك ياسعود \\ مابه بقلبك مروفه = طيرت ريش الحمامه \\ ماعاد تقدر تطيري
اثرك شعله وباررود \\ واللي عرض لك تلوفه = لكن هاك الهلامه \\ صغير وانته كبيري

[عمر الدغيلبي]

صح لسانك يا خوي السعد


بدعه رائعه


وننتظر إمبراطور الهيلا سعود

[سعد حميد الثبيتي]

الكبير الله سبحانه وتعالى ولايجوز لك ان تطلق على الانسان صفة الكبر عموما صح لسانك وتقبل تحياتي بكل ود ومحبه

[سياف الروقي]

اثرك شعله وباررود \\ واللي عرض لك تلوفه
لكن هاك الهلامه \\ صغيـر وانتـه كبيـري



ياسلام عليك

ياخوي السعد


وصح لسانك


ولسان الشاعر سعود مقدما




ياشاعرنا سعيد


مافيه شك ان الكبر لله عز وجل


والبيت واضح ولايحتاج تاويل

[سعد حميد الثبيتي]

حياك الله وبياك ياسياف الروقي تقبل مروري بكل ود واحترام

[مرزوق حمدان العتيبي]

..
.
الله يجازيك ياسعود \\ مابه بقلبـك مروفـه
طيرت ريش الحمامه \\ ماعاد تقدر تطيـري


مبدع ياخوي السعد
وننتظر الامبراطور

...

[سعود العصيمي]

السيف للقوم محدود ،،، وكل رجلٍ سيوفه = في نجد والا تهامه،،،سيفي للاعداء شطيري.
وانته ترا مانت مجحود ،،، شاعر ودربك تشوفه= ولكل رجلٍ مقامه،،،والحر غير الخضيري.

[سعود العصيمي]

صح لسانك يا خوي السعد


بدعه رائعه


وننتظر إمبراطور الهيلا سعود



عمر الروقي

هلا والف غلا


يابن العم.

[سعود العصيمي]

سعد حميد الثبيتي


سياف الروقي

مرحبا ملايين

[سعود العصيمي]

..
.
الله يجازيك ياسعود \\ مابه بقلبـك مروفـه
طيرت ريش الحمامه \\ ماعاد تقدر تطيـري


مبدع ياخوي السعد
وننتظر الامبراطور

...




ابو محمد

مرحبا تراحيب المطر

يسعدني مرورك.

[عشقA]

صح لسانك ياخوي السعد وصح لسانك يالأمبراطور...


لكم تحياتي...

[سعود العصيمي]

صح بدنك وقلبك ياعشق

وحياااك ربي،

[فايز بن سرحان الثبيتي]

خوي السعد

ابو طايل سعود


صحت قلوبكم ياعتاااابة



متابعين للابداع

[سعود العصيمي]

مرحبا ومسهلا


يابن سرحاااان

وصح بدنك

يسعدني ويشرفني حضورك ومرورك.

[سعود العصيمي]

خوي السعد اذا انت متواجد اظهر

باسمك خلنا ندري انت فيه والا لا.


وعلى كلآ انا بتواجد من 10.30 الي 12


ولك تحياتي.

[نوآف الغنامي]

يا سلام يا سلام


صح الله لسانك يا خوي السعد

وصح الله لسانك يا سعود


شعار وما فيكم حيله


واصلوا واصلوا


متااااااااااااابعين ...


..

[خوي السعد]

السيف للقوم محدود ،،، وكل رجلٍ سيوفه = في نجد والا تهامه،،،سيفي للاعداء شطيري.
وانته ترا مانت مجحود ،،، شاعر ودربك تشوفه= ولكل رجلٍ مقامه،،،والحر غير الخضيري.


الشر والخير موجود \\ ودروبهن امعروفه = واللي شبيه النعامه \\ لاترحمه يالمديري
حسبي على كل مقرود \\ لاشفت هرجه تعوفه = عانه بريع الندامه \\ مقفي وعظمه كسيري

[خوي السعد]

الاخوان الله يبيض وجيهكم كل (ن) باسمه
شرفتونا وماقصرتم .

سعود معك واصل واصل .

[سعد حميد الثبيتي]

طاروق مميز وشعار مميزين متابع بشده لكم مني اخلص التقدير والمعزه

[خوي السعد]

الغالي سعد شرفتنا يالغالي
ولك خالص الود والتقدير

[سعود العصيمي]

الله الله





وانته تبا ايات ياعود ،،، العلم وضح حروفه = مافيه دايم سلامه ،،، يالله مقسوم خيري.

لك عندنا يوم ماعود ،،، لو مالحقنا كلوفه= قدام يوم القيامه،،، تراك مانته نظيري

[خوي السعد]

الله الله





وانته تبا ايات ياعود ،،، العلم وضح حروفه = مافيه دايم سلامه ،،، يالله مقسوم خيري.

لك عندنا يوم ماعود ،،، لو مالحقنا كلوفه= قدام يوم القيامه،،، تراك مانته نظيري


وضعت لك خط ممدود \\ ياسعود بالك تطوفه = صاحبك واضح كلامه \\ واللي يقوله يصيري
انذال وقلوبهم سود \\ وارواح فيها جلوفه = يوم ان درب الشهامه \\ على المنافق عسيري

[سعود العصيمي]

خلك معه واطلع سنود ،،، واحرص لاتصدم رصوفه = الرجل ملزم بزامه ،،، حتى الغني والفقيري.

ماضاع لك عندهم قود ،،، ولالي عليهم حسوفه= كلآ براسه حجامه،،، والامر عند الوزيري

[خوي السعد]

شهدت والعالم اشهود \\ والوقت بانت صدوفه = ذكرت حرب الرغامه \\ ذاك الزمان الشهيري
رجالهم تقل مطرود \\ يحذفك من خلف طوفه = وان شاف منك ابتسامه \\ جالك بسيفه مغيري

[سعد حميد الثبيتي]

لله درك ياابا طايل من شاعر فذ لافض فوك

[سعود العصيمي]

الله الله


مابه على ربعنا زود ،،، كلآ يبرهن وقوفه = حنا حمات الجهامه،،، يوم النهار الشريري.


مار انت ماجبت مردود ،،، عن علم جاك بظروفه= يابو عقال وعمامه،،، هات الجواب الاخيري.

[سعود العصيمي]

سعد حميد الثبيتي

مرحبا ومسهلا

اسعدني مرورك وحضوورك يالغالي

[سعود العصيمي]

خوي السعد =

الله يجازيك ياسعود \\ مابه بقلبـك مروفـه=طيرت ريش الحمامه \\ ماعاد تقدر تطيـري
اثرك شعله وباررود \\ واللي عرض لك تلوفه=لكن هاك الهلامه \\ صغيـر وانتـه كبيـري





سعوود العصيمي=

السيف للقوم محدود ،،، وكـل رجـلٍ سيوفـه=في نجد والا تهامه،،،سيفي للاعداء شطيـري.
وانته ترا مانت مجحود ،،، شاعر ودربك تشوفه=ولكل رجلٍ مقامه،،،والحـر غيـر الخضيـري.


خوي السعد =


الشر والخير موجود \\ ودروبهن امعروفـه=واللي شبيه النعامه \\ لاترحمـه يالمديـري
حسبي على كل مقرود \\ لاشفت هرجه تعوفه=عانه بريع الندامه \\ مقفي وعظمه كسيـري


سعوود العصيمي=


وانته تبا ايات ياعود ،،، العلم وضح حروفه = مافيه دايم سلامه ،،، يالله مقسوم خيري.
لك عندنا يوم ماعود ،،، لو مالحقنا كلوفه= قدام يوم القيامه،،، تراك مانته نظيري





خوي السعد =


وضعت لك خط ممدود \\ ياسعود بالك تطوفـه=صاحبك واضح كلامه \\ واللي يقوله يصيري
انذال وقلوبهم سود \\ وارواح فيهـا جلوفـه=يوم ان درب الشهامه \\ على المنافق عسيري





سعوود العصيمي=


خلك معه واطلع سنود ،،، واحرص لاتصدم رصوفه=الرجل ملزم بزامه ،،، حتـى الغنـي والفقيـري.
ماضاع لك عندهم قود ،،، ولالي عليهـم حسوفـه=كلآ براسه حجامـه،،، والامـر عنـد الوزيـري





خوي السعد =

شهدت والعالم اشهود \\ والوقت بانت صدوفه=ذكرت حرب الرغامه \\ ذاك الزمان الشهيري
رجالهم تقل مطرود \\ يحذفك من خلف طوفـه=وان شاف منك ابتسامه \\ جالك بسيفه مغيري





سعوود العصيمي=


مابه على ربعنا زود ،،، كـلآ يبرهـن وقوفـه=حنا حمات الجهامه،،، يوم النهـار الشريـري.
مار انت ماجبت مردود ،،، عن علم جاك بظروفه=يابو عقال وعمامه،،، هات الجـواب الاخيـري.

[خوي السعد]

ياخذ له ايام ويعود \\ لاتبتهج في ذلوفه = لكن جهز خطامه \\ وافتل قياد(ن) قصيري
ياسعود مافالحكي فود \\ ترى الامور محفوفه = وانا عطيتك علامه \\ مار افتهم ياخبيري

الخاتمه عندك ياشاعرنا الكبير وتصبح على خار

[سعود العصيمي]

ختامك خير

ختام بيض الله وجهك وصح لسااااانك



وتصبح على خير.

[سلطان بن دحيم]

صحة السنتكم

مبدعين الاثنين


تحياتي