خالد المقاطي مطلوب على وجه التحديد

[عقاب العنزي]

السلام عليكم وصباح الخير يالزميل



ياسلام الله وانا تاجر ليا قابلت تاجر = يرتفع سعر الذهب والبورصه واللي صرفها

صاحبي خالد معه عمله تصرّفها المتاجر = ليه يخفي وجهها ويظهر لخلق الله طرفها ؟؟

[خالد المقاطي]

السلام ورحمه الله

وصباح النور والسرور .. حي الولدعي وحي ماجاب




الله الله






مرحبا ترحيبتً تبقا وتنحت بالخناجر = فوق صمات الصخور اللي على الغيمات رفها
يوم عاينت السواد اللي دبا حدر المحاجر = لاتحسبه من هموم العامريه مع شرفها !

[سلطان بن دحيم]

الله الله

صح لسانك يا عقاب


وصح لسانك يا خالد


تحياتي

[خالد المقاطي]

بن دحيــم





صح بدنك .. وادام مرورك





..

[عقاب العنزي]

البقا ياخالد


الله الله



شفت له صوره مع الويلان في ذيك المهاجر = خايف ٍ انه يقلب نفوس الآوادم ويحرفها

مير انا اول خابره مابين ظلم وبين ساجر = يامشالله ذا السنه لديارنا راح وعرفها

[عقاب العنزي]

سلطان دحيم

هلا ومرحبا وصح بدنك يالغالي

..

[مجري الذلان]

العنزي والمقاطي

بيض الله وجيهكم

وأنا في صف خالد

[عقاب العنزي]

مجري الذلان

وجهك ابيض وبصف خالد عدك بصفي

تقديري

[خالد المقاطي]

السموحه ياعقاب
رحنا نصلي ..


الله الله


..


ههههههههه




الله انه يضحك المنسر ياهاطير المهاجر = بعد ماضحكتني في صورتك يامحترفها !
كل ماطى في ديار العز لي فيها مآجر = فصرتً بالعمر جاتك قدم " خالد " وصطدرفها




:)

[خالد المقاطي]

مجري الذلان





صح الله بدنك .. والصف واحــد بلا شك






ابيض وجــه



..

[عقاب العنزي]

تقبل الله



رحت يم مطير لين انك تعدّيت الهواجر = اذبحك سعيك ورا الشهره وهوى النفس وترفها !!

نفرق اللي مهنته بين الحداده والمناجر = عن رجل وسط البحر غاص الدرر حتى غرفها

[صاهود]

صح السانك ياخالد المقاطي مبدع

عفاب العنزي يذكرني باسوار الذهب مبدع

متابع للنهاية

[عقاب العنزي]

ذيب عروا

صح بدنك وياهلا ومرحبا وتشبيهك لي بسوار الذهب اعتزاز ومحل تقدير لو اني ماامتلك نصف شاعريته


الف شكر

..

[خالد المقاطي]

كلمتك هذي لشاهر ( ابن عمً لك مواجر ) ؟ = كيف ابقنع لي عقولً مايغْير معترفها !
دام لي صوتً جهور الله يعينتس يالحناجر = لاتوردها بلا سرج و عنان لمحترفها !

[خالد المقاطي]

ذيب عروى





ارحب ارحب




صح الله ابدانك .. مرورك محل اعتزاز




..

[عقاب العنزي]

ابن عمي جامع الثنتين معنى وصوت زاجر = (لاجته دعواتكم) يوفي بوعده ماحرفها

انت شاعر نظم ليت انك عن القلطه تهاجر = لاتلوم اهل المبادي لو تدافع عن شرفها !

صح لسانك ياخالد وحقيقه اللعب معك له نكهه خاصه


وانت شاعر نظم ومحاوره من الدرجه الاولى لامجامله لكن حبينا نمزح معك والختام عند يالذيب


تقديري

[خالد المقاطي]

هههههههه




الله الله






لاختام اجمل من هذا الختام





صح الله لسانك يالولدعي شاعر مبدع يعلم الله والشهاده مجروحه من مبطي هههههههه



بس اهم شي



لاتلوم اهل المبادي لو تدافع عن شرفها !




هههههههه


مجرم حرب



ويامرحبا مليون فيك في محلك الثاني




..

[عقاب العنزي]

صح بدنك ياخالد والله يبقيك وبالفعل هذا محلي يالذيب

تقديري