ياحاكم اسمع وش آقلّك من كلام !!

[سعود البرقاوي]

ياحاكم اسمع وش آقلّك من كلام
واليا احترمتك كون رجلٍ محترم


العام تاكل يالعتيبي من سنام
واليوم يمكن انك تبا تاكل شحم

[حاكم الغنامي]

هـــلا هــــلا


يابو فهد والعذر منكــ

دوبي شفت بدعتكــ يالغالي


ياسعود الك عامين وانته ماتلام=للطيبه تزرق مثل زرق السهم
العام ولا اليوم فالصف الامام =بين العرب نارٍ على راس العلم

[ظلام الليل]

صحة الالسنه


شعاااااار عماااالقه


متاااابع للختام

[حاكم الغنامي]

ظلام الليل


حياكــ الله


ووصح بدنكـــ


لاهنت

[سعود البرقاوي]

ماعندك مشكلة ياحاكم مير الليل الليل


زامك بدى يوم انتهى الشهر الحرام
داوم وانا آظنك تبا تبطي عظم


احسن لك بيوت الشعر والا الخيام
ياللي ورى حيد الجبل عند الغنم

[سعود البرقاوي]

ظلام الليل حياك الله وشرفتنا يالغالي

[سلوم الغنامي]

صحت ألسنتكم جميع . تقبلوا مروري المتواضع.

[حاكم الغنامي]

يمناً ضعيفه ماتقويها العظام =ماساعدت فرعون في بني الهرم
بث الخبر حصري لسبق وللوئام =ماعندنا من يزهيّ بخده وشم

[حاكم الغنامي]

سلــــــــــوم الغنامي


حياكـــ الله وصح بدنكــــ


منورنــــــــــــــــااا

[سعود البرقاوي]

ياشاعر الروقة ترى وضعك تمام
من يوم جالك راس وعيون وخشم




ناسٍ على فطرة لها شرب وطعام
وناسٍ مع البيداء يمصون العجم

[سعود البرقاوي]

سلوم الغنامي
شرفتنا بارك الله فيك

[حاكم الغنامي]

بنيت بيت الطيب مرفوع المقام=ياحافر الحفره ودفّان اللغم
احدٍ ورثله ورث من خال وعمام=واحدٍ يترجم من دواوين العجم

[سعود البرقاوي]

طيب طيب ياحاكم


آهم شيء ان جيتنا رد السلام
واليا عرفت العلم سلّم واستلم




ياسايق الموتر دخلت الازدحام
وش عاد تبغى بالطريق المزدحم

[حاكم الغنامي]

نبا نعيد الشرح لعيون الغلام =ان مافهم ولا ياجعله مافهم
الرجل لو مابان في وقت الزحام=يندم ولايشفا غليله لو ندم

[عبدالله الاصعر]

سعود البرقاوي



حاكم الغنامي


صحت اللسنتكم


على الطاروق الكايف



تحياتي