الطارف يلعب مع الثعبان

[الثعبان]

السلام ابداه في مرسى عتابه= للرجال اللي لها مني وجيبه

جاكم الثعبان سمه جوف نابه= من يبا الثعبان يقرب للمصيبه

[احمد الزايدي]

مرحبا والمرجله وزعت شبابه=والرجــل مامــيزه يكـود طيبه


مـايـخــوفـــنــا تــراه ولانهابه=والمصيبه هينه ماهي صعيبه

[حاكم الغنامي]

الله الله


صحت الالسن والقلوووب

متابع

[الثعبان]

البقا عداد همال السحابه= ديس صريته وديس احلب حليبه



البلا فالليل ماواحد درابه= كيف ماتخشى مضاريبه عطيبه

[ماجد العصيمي]

صح لسانك يالثعبان

صح لسانك يالزايدي

[احمد الزايدي]

كل رجل (ن) يبا يقرا كتابه=وأنته اللي تصرها ماهي غريبه

ماكتب للادمي ملزوم صابه=والله يالمكتوب ملزوم يصيبه

[الثعبان]

صح بدنك ياالغالي شبل مرجحين الموازين وصحت ابدان الجميع والشاعر حاكم الغنامي ولكم من الثعبان اجمل لدغه اسف اجمل تحيه ههههههههههههههه

[احمد الزايدي]

شبل مرجحين الموازين


صح بدنك والله يسلمك

[الثعبان]

الكتب ياصاحبي ماهي تشابه= بعضها طيب والاخرى فيه ريبه


المشاكل عودت بين القرابه= كل واحد فاللقا مظهر حضيبه

[احمد الزايدي]

ماتشابهه والرجل يلقا حسابه=والله المعبود سبحانه حسيبه


القرابه كـانهم في وسط غابه=القريب اليوم يغدر به قريبه

[الثعبان]

من تقرب للمشاكل واعذابه= جاه رميه مايداويها طبيبه


القرابه تهترش مثل الذيابه= والمعادي منسدح يفتل شنيبه

[احمد الزايدي]

المشاكل سببت حرب ونشابه=كل موذيي فيه شك وفيه ريبه


فاخر الأيام وأتشوف الغرابه=العـــدو ذااليــوم صاحب تعتزي به

[الثعبان]

انت ذرب وتفهم علوم الذرابه= المواذي حط له قبر ونصيبه


الخطيب ادرى بما يحوي خطابه= وكل شعب ينعرف طيره وذيبه

[احمد الزايدي]

الصـحـابه ماقـتدينـا بالصحابه=ماعرفـنا لا جهــاد ولاكتيبه


فالقبر تسئل ومطلوب الأجابه=وشي قدمته كتابك ينلقيبه




الثعبان


صح السانك مليون ، وتصبح على خير يالقرم

[الثعبان]

وانت من اهل الخير