هلا يامرحبا يالشاعر الطيار صح النوم !!

[عيد العازمي]

:):)




هلا يامرحبا يالشاعر الطيار صح النوم = اشوفك لابسٍ ثوب الحيا والدار محكومه!!



مادامك من عتيبه يالعتيبي مايجيك اللوم = حرارٍ فالفضا تشهر وغصن الظل للبومه!!

[حاكم الغنامي]

هههههههه

طيب طيب

يالرادار


صح لساااانكـــ وننتظر الكبتن الطيار



ووصح لسانه مقدماااااا

[ابو لمار]

ههههههههههههههه
الله الله الله
صح لسانك يابو طلال

بدايه استفزازيه


في انتظار الطيار ليكتمل الابداع
وصح لسانه مقدما





متااابع

[%الصامل%]

صح لسانك يالعازمي

[ناصر الجلاه]

..

العازمي

..

ياسلااام يابوطلال .. صح لساانكـ ولسان الطيار مقدمآ

واصلووا متابعين

سلام

..

[عيد العازمي]

حاكم


ابولمار



الصامل



الجلاه




صحت ابدانكم


ولاهنتو فردا فردا

[الطيار..]

طيب طيب


لعلك للبقا يالعازمي وانا ضديد القوم=تحت فية عصاى احوشها ماهيب بمرحومه
ترى اليومه يحالي لامس وامس يصير مثل اليوم=ولانعطي خشاش الارض غار سهوم مسمومه

[سلطان بن دحيم]

الليل الليل

صح السنتكم


ابداع في ابداع

متابع

[مرزوق حمدان العتيبي]

..
.
مادامك من عتيبه يالعتيبي مايجيك اللـوم
حرارٍ فالفضا تشهر وغصن الظل للبومه!!


صح لسانكــ يابو طلال

...
ترى اليومه يحالي لامس وامس يصير مثل اليوم
ولانعطي خشاش الارض غار سهوم مسمومـه
..
صح لسانكـ يالطيار ..
...

[الطيار..]

ايه ياحاكم صح بدنك


منور ولو عندي حساسيه من المشرفين


سلمت ودمت

[صقر جعيد]

الليل الليل

صح السنتكم


ابداع


متابع

[الطيار..]

صح بدنك يابو لمار


حياك ومنور



دمت بود

[الطيار..]

صح السانك ياناصر

لاهنت

[الطيار..]

ابن دحيم هلا

اسفرت وانورت

[الطيار..]

مرزوق صح بدنك



لاهنت

[الطيار..]

صقر جعيد


صح بدنك


لاهنت

[عيد العازمي]

ماشفنالك فعل . في كل ليله تاخذ المقسوم = وهاذي عادة اللي مايعز الراس في قومه!!



ترى ستر العقول الصمت مثل الجسم تحت هدوم = يقوله شاعرٍ خد المطيه ماقع وسومه!!

[الطيار..]

مابي منكم شهاده عزتي للطايح المهزوم=لكنك روح يالمنجوم تلقى ناس منجومه
انا اللي مالقيتك في ديار اهل الشمال تحوم=تذرا عند ابن مكتوم والاحوال مكتومه

[عيد العازمي]

ههههههه



بعد سرّاك عود القوم زاد الوضع فيك هموم = وخليت اسمك اللي كنت تنطحبه هل الزومه!!



ديار النمنمه عن زادها ياصاحبي معصوم = مراتع للنفاق وبالهزل فالوجه موصومه!!

[الطيار..]

طيب طيب ههههه





متى صارت ياخو مره تسويلك علي علوم=انا اللي يصدر المرسوم ماحد يرد مرسومه
اجيك مع السماء ولا يشيلك سيلنا المعلوم=اسامينا لنا بصكوك شرعيه ومختومه

[عيد العازمي]

غبينة ربعك الظاهر منه وصلت جبال الروم = يبا يخلصلك اللي فالمواقف رافع الهومه!!


اساميكم تدنسها يمانيكم ولا مطعوم = ولن جيتو على سيفٍ من الارقاب مطعومه!!

[رعد الروقي]

مادامك من عتيبه يالعتيبي مايجيك اللـوم
حرارٍ فالفضا تشهر وغصن الظل للبومه!!


ترى اليومه يحالي لامس وامس يصير مثل اليوم
ولانعطي خشاش الارض غار سهوم مسمومـه




العــــــــازمي // الطيار


قاف غير ونقاش حاد



صحت السنتكم



متابع للابداع والمبدعين

[عيد العازمي]

استاذي الطيار,,


صح لسانك والختام عندك


ابطي ماوصلت لمستواك شهادة حق


وشكرا للجميع وتصبحون على خير

[الطيار..]

تكبر لقمتك لكنها نشبت على الحلقوم=وهاذي من سبايب نيتك قشرا ومشئومه
يمانينا نظيفه وانت مثل البرطم المشروم=تشيل سيوف ناخرها الصدأ حدبا ومثلومه

[الطيار..]

العمده

صح بدنك

منور


لاهنت

[الطيار..]

صح بدنك يالعازمي

وتشرفت بلقائك واللعب معك

لاوالله الا حنا اللي نستفيد منك طال عمرك

اشكر واشكر من شاركنا هذا اللقاء

تصبح على خير

[بيكهام]

الله



كلااااااااااااااام كبير