فواز السعيدي وأول لقـــاء ...!!!!!

[ناصر الجلاه]

:)


:)


..


مرحبابك يالسعيدي في محل عتابه=جيت غالي في محلٍ بالمعرفه غالي !!

دام تشقا في زمانٍ كلنا نشقابه=لاتنقص وزن كيلك لا وفا مكيالي !!

[حاكم الغنامي]

الله الله

صح لسااااااانكـــ يابو محمد

كلام كلام


بدعه فاخره من شاعر جززل


وننتظر السعيدي ووصح لسانه

[سعود العصيمي]

مرحبابك يالسعيدي في محـل عتابـه
جيت غالي في محلٍ بالمعرفه غالي !!
دام تشقا في زمـانٍ كلنـا نشقابـه
لاتنقص وزن كيلك لا وفا مكيالـي !!


الله الله

صح لسااانك ياعلم مبدع مبدع

وصح لسااان الشاعر
المبدع فواااز السعيدي مقدمآ

[عيد العازمي]

الله الله


مبدع يانجم الهيلا


ولاهان فواز المبدع


صحت السنتكم


ومتابعينكم

[ناصر الجلاه]

..

حاكم الغنامي

..


صح بدنكـ يابوعيد .. حضوركـ يزيدي شرفآ :)


لاهنت


..

[ابو لمار]

الله الله الله
صح لسانك ياناصر


وصح لسان فواز مقدما


والصف هذلي مايحتااج




متااابع

[ناصر الجلاه]

..

العازمي

..

صح بدنكـ يالعازمي .. حضوركـ غايه فالأهميه :)

لاهنت


..

[ناصر الجلاه]

..

ابولمار

..

صح بدنكـ يابولمار .. حضوركـ يسعدنا :)

لاهنت


..

[ناصر الجلاه]

..

سعود العصيمي

..

صح بدنكـ يابوطاااايا ياأستاذ الجميع :)

حضوركـ فخر لي


لاهنت

..

[فواز السعيدي]

الله الله



البقا ياشاعرٍ قابلني بترحابه = والكريم اليا دعانا " نشرب الفنجالي " !!

الرّجال الها طرايق والزّمن متشابه = وانت من جور الزّمان الشين " كيف الحالي " ؟ !!

[سلطان بن دحيم]

صحة السنتكم

مبدعين اثنينكم

تحياتي

[ناصر الجلاه]

..





الكرم واجب علينا فاللقا نبدابه=يالسعيدي جاك فالي مقتفيه عقالي !!

مابقالك غير سيفي سلته ونصابه=الولا لله وأنته في زمانك مالي !!

[ناصر الجلاه]

..

سلطان بن دحيم

..

صح بدنكـ ياسلطان .. الابدااع تواجدكـ


لاهنت


..

[فواز السعيدي]

طيب طيب



والله انّا مانعذرب في عريب اللّابه = وانت رجّالٍ كريم وتكرم الرّجّالي !!

يالشّجيع اللي تشيل السّيف لاتضرابه = الزّمان اليا نفخ ذربه عطاك الصّالي !!

[ناصر الجلاه]

..



هههههههه طيب طيب



ماني أكرم منك في علمٍ فتحنا بابه=أنت فالديكور يافواز عال العالي !!

الزمن مايحسب اللي مايحسب حسابه=في زمان الاولين وفالزمان التالي !!

[فواز السعيدي]

الله الله


انت من طيبك مليت الطاسه المحلابه = صرت يادرب الوفا لاهل الوفا مدهالي !!

ماعلى بنت الهوى لو كثرو الخطّابه = وانت طلاّتك قليله يا مذنّب هالي !!

[ناصر الجلاه]

..


انت من عرفك تدس السيف وسط جرابه=والشعيب اللي غشاه السيل عندك "سالي" !!

من يصدق في كلام العالم النصابه=يالسعيدي فك عينك للبعيد الخالي !!

[الصاطي,,]

الله الله




ياسلااااام يا مبدعيييييييين








متاااااابع

[فواز السعيدي]

طيب طيب



كل سر الملعبة تدريبه اللعّابه = وانت تدري بالمراره والّحيق الحالي !!

يالجلاه الصّبح قرّب " ياحكيم الجابه " = والله ان علومك الزينه تسر البالي !!



تصبح على خير يامبدع


الى اللقاااء

[ناصر الجلاه]

..

الصاطي

..

الابدااع حضوركـ الكريــم يالصاطي


لاهنت

..

[الطيار..]

ناصر الجلاه

والسعيدي

صحت السنتكم

لاهنتم

[ناصر الجلاه]

..

هههههههه طيب طيب يافواز

صح لسااانكـ ولنا لقاء آخر إن شاء الله

لاهنت على تلبية الدعوى

دمت

..

[ناصر الجلاه]

..

الطيار

..

صح بدنكـ حضور شرواكـ يشرفنا يالطيار :)


لاهنت..