سعدالعصيمي تقدم حياك الله

[عبدالله الاصعر]

مرحبا رحب نسوقه لوافين السبال=مثل سوق الشاذليه على شرابها
ليلة جت بالعصيمي من خيار الليال=والعلوم الطيبه حاسبين حسابها

[سلطان الجـذع]

الله الله الله


صح لسانك وفي انتظار المذكور أعلاه :)

[علي فلاح العضياني]

الله الله


صح لسانك يالاصعر



و صح لسان سعد العصيمي مقدماً



متاااابع

[سلطان بن دحيم]

الليل الليل

صح لسانك


وصح لسان سعد مقدما


كلكم مبدعين

تحياتي

[مرزوق حمدان العتيبي]

..
..
الف صح لسانكــ ياعبدالله

.. وننتظر قدوم العملاق سعد العصيمي وصح لسانه مقدماً ...
...

[ابو لمار]

صح لسانك ياعبدالله
شاعر جزل ولا غرابه

بدايه كايفه


في انتظار سعد ليكتمل الابداع
وصح لسانه مقدما



متاااابع

[عيد العازمي]

الله الله


صح لسانك يالاصعر



و صح لسان سعد العصيمي مقدماً

[سـعـد الـعـصـيـمـي]

عبدالله الاصعر

ماشفت مبداك الا هالحين اعذرني مار دقايق وجايك الرد

يامرحبا بالجميع كلن بسمة


وشرفتونا بحضوركم

[سـعـد الـعـصـيـمـي]

الله الله


البقا والطيب عندي وعندك لامحال=قلتها ويقولها الكل وانت ادرابها .. !!
ترقبون الشمس عند الطلوع مع الزوال=ماحسبتوا للمشاكل وكثر اتعابها .. !!

[عبدالله الاصعر]

ياسعد من يوم عندك رصيد وراس مال=خوت اصحاب المعالي تراك اولابها
وان تعدت حدها والرشا ركب المحال =عنك ردينا سباعا تحد انيابها

[عبدالله الاصعر]

يالربع ودي احيي كل باسمه



لكن مشكورين على مروركم الكريم


ولكم خالص التحيه والتقدير

[سـعـد الـعـصـيـمـي]

استلم .. ونكمل بكره انا برقد هالحين


كان راح الامر بين البناخي والخوال=العلوم الضايعه مافتحنا بابها .. !!
والذياب اللي تعاوى على روس الطوال=ابشر اني ذيب نابي يطاول نابها .. !!

[علي فلاح العضياني]

الله الله



واصلوا يعطيكم الف عافيه

[عبدالله الاصعر]

العلوم الضايعه مالها عندي مجال=ابشر بخوة رجال طوال اشنابها
خابرينك ياسعد طول عمرك فالضلال=والمعارك فالميادين ماتشقابها

[سـعـد الـعـصـيـمـي]

وش تسمي ناقةً لاهجار ولا عقال=ماوسمها الا جربها وكبر جرابها .. !!
لاتذم الذيب ابو ناب ياراع الحلال=جنب الضلعان واسلم شرور اذيابها .. !!