يشرفني مرورك ومشاركتك ..!! [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : يشرفني مرورك ومشاركتك ..!!

حسن إبراهيم الدجيماء

11-Jun-2009, 09:10 PM

ياباغ الطواريق القديمة تقدم واتكل = على منهو أمره بين حرفين (( رفرف ياعلم ))

يقولون وقت العلم ولّى وجا وقت الجهل = وراح الغناء ملح الميادين (( رفرف ياعلم ))

مقهوي

11-Jun-2009, 10:38 PM

الله الله

اسمحلي بمجراتك

قديمك نديمك يازميلي على قال المثل = ولوٌ الجديد اغناك ذالحين رفرق ياعلم
الارض اصبحت متساويه ماش تل ٌ ولا جبل = بعد روٌحوا عنها هل الدين رفرق باعلم

حاكم الغنامي

11-Jun-2009, 10:42 PM

الله الله

صحت السنتكم اثنينكم

مبدعين

لله دركم

حمد بن جوباح

11-Jun-2009, 10:43 PM

.
..

الله الله

تعيش الطواريق القديمه وأهلها :)

صحت ألسنتكم يا النشاما

متابع

.
.
.

تحياتي لكمـ ،،

المعتصم بالله

11-Jun-2009, 10:46 PM

الله الله

صحت السنتكم الدجيما ومقهوي

شعار كبار ما فيه شك

متابع

@ـايل

11-Jun-2009, 10:51 PM

ياسلاام ياسلاام ياسلاام ..

طاروق من اجمل الطواريق ..

واصلو يامبدعين

الدجيما و مقهوي ..

صحت السنتكم ..

.......

عشقA

11-Jun-2009, 11:31 PM

صح لساااااااااااانكم مبدعين بلاشك فانتم أهل الشعر

واصلوووو...

متااااااااااابع...:)

حسن إبراهيم الدجيماء

12-Jun-2009, 01:15 PM

أتشرف والله يالمقهوي .. وان شاء الله اني اتعلم منك اللي ينفعني ..!!
وبيض الله وجيهكم يالمتابعين (( حاكم الغنامي - حمد بن جوباح - المعتصم بالله - هايل العتيبي -
عشقa )) .. والله اني اتشرف بكم اخوان وشعار ..!!

ما بظلم عباد الله ترى الدين باقي مابطل = مادام انك وشرواك حيين (( رفرف ياعلم ))

عسا الله يبيض وجهكم ياهل الرد الجزل = تعيشون قدم أيام وسنين (( رفرف ياعلم ))

أبو مرحبا

12-Jun-2009, 01:20 PM

الدجيماء - مقهوي

صح السانكم

الله لايهينكم

حسن إبراهيم الدجيماء

12-Jun-2009, 01:22 PM

الدجيماء - مقهوي

صح السانكم

الله لايهينكم

صح بدنك ... لاهنت يابومرحبا .. ومتابعتك لنا وسام على صدورنا ...

مقهوي

12-Jun-2009, 08:12 PM

الشرف لي والفائده لي من شرواك ياطويل العمر

ليا كثرو الركاب ياصاحبي طاح الجمل = ومن غير طعنات السكاكين رفرف ياعلم
ولا يا زميل ٍ طعم بيته كما طعم العسل = عسانا نحصل مثلك اثنين رفرف ياعلم

مقهوي

12-Jun-2009, 08:15 PM

حاكم الغنامي

حمد بن حوباج

المعتصم بالله

هايل العتيبي

عشق a

ابو مرحباا

صحت ابدانكم جميعاااا

واكبر شرف مرورك هذي الاسماء العملاقه الي يستاهل فيها كل واحد ترحيب مستقل

الله لايهينك

حسن إبراهيم الدجيماء

13-Jun-2009, 10:17 AM

ياخوفي ياوقت فيه يطرح جملنا ما حمل = زمان يغطي شينه الزين (( رفرف ياعلم ))

يجور الزمن والوقت قاسي وكل شئ محتمل = وحنا على الشّدّات ضارين (( رفرف ياعلم ))

مقهوي

13-Jun-2009, 06:05 PM

ليا سلمت الساحه مشافيح شعار الغزل = تبي تضبط الاوضاع وتزين رفرف ياعلم
مدام الفضاء مفتوح كلن يحصله محل = ولا كل نجم ٍ يبهر العين رفرف ياعلم

حسن إبراهيم الدجيماء

13-Jun-2009, 06:46 PM

سلم فمك يامقهوي على الدرب تمشي ماتزل = يومن الهمل تسلك طريقين (( رفرف ياعلم ))

تشرفت بمقابلك شاعر جزل قول وفعل = انا أشهد وكل الناس دارين (( رفرف ياعلم ))

مقهوي

13-Jun-2009, 07:31 PM

زمان التطوٌر جاب للسوق محدود الدخل = من الهند والبنقال والصين رفرف ياعلم
انا الي يشرفني مجارات مثلك يارجل = وصح الله لسانك ملاين رفرف ياعلم

الدجيماء

صح لساانك ياطويل العمر

وتشرفت بمجراتك والعذر على القصور

حسن إبراهيم الدجيماء

16-Jun-2009, 07:34 AM

صح بدنك .. الله يسلمك .. ولا حصل منك قصور طال عمرك.. شاعر جزل قول وفعل مافيها جدال ..