اخي مقهوي مطلوب حالا

[سعد حميد الثبيتي]

سلام ياعز الطلب ياراعي القلب النظيف= يامقهوي الضيفان جوك ضيوف ماقهويتها


فتح عيونك زين والا قلت ذلحينه كفيف= جاتك رساله عاجله وش فيك مافكيتها

[مقهوي]

يامرحبا ياطيٌب الاخلاق يالضلع المنيف = اضيوفنا ياصاحبي راحت بعد عشيتها
المشكله فالخط مابين المزٌود والمضيف = والعالم لله ياسعد من عصر انا رديتها

[عشقA]

صح لسااانك يالثبيتي وصح لسانك يامقهوي

[سعد حميد الثبيتي]

دام البقا ياصاحبي ياراعي الراي الحصيف=وصلت علومك كلها والبني ماهديتها


انا اشهد انك من رجال كنها البحر المطيف= سليم اهل قول وفعل تفزع ليا ناديتها

[مقهوي]

والنعم فيكم ياثبيت الخيل والسيف الرهيف = ياهل الفعول الي تنومسني ليا عديتها
من عقب ما مات الجبرتي والثبيتي يالطيف = جاتك مطوٌحت العقوم الي يصبصب زيتها

[مقهوي]

عشق a

صح بدنك شرفت ونورت الله لايهينك

[سعد حميد الثبيتي]

الله اكبر الله اكبر وش ذا الابداع هذا هو الشعر اللي عليه الكلام صح لسانك مليون مدد بلا عدد



ما قول فيك قصور وثبيت وسليم رجال كيف= اهل الكرم واهل الفعول اللي يذعذع صيتها



ان مات ذيب يجيك ذيب يرهب القوم ويخيف= سيفي وسيفك يارعد فوق العدا حديتها

[مقهوي]

صح بدنك ملياار والله الابداع منك وإليك ياطويل العمر

واعذرني على التأخير تخبر اختبارات وانتم يالمدرسين اسألتكم دايم تصلع بالراس ههههه

علشان كذا اروح واجي على الجهاز نص مذاكره ونص لعب



لعلها عقب الدهر ترجع كما جنة جنيف = الوضع متشابه وذكر الحي ٌ يعقب ميتها
مهما يطول الوقت لابدٌ الخليفه له خليف = وثبيت مثل سليم يوم سليم مثل ثبيتها

[سعد حميد الثبيتي]

اسأل الله العظيم ان يوفقك ياالغالي ويعينك على الامتحانات تقبل تحيات ابو فواز



الله يقبل دعوتك والله بعباده لطيف= وابشرك جات الرجال اللي تمجد صيتها



ماللشريفه ياصبي المجد ياكود الشريف= والوقت والساعه موقت يولد توقيتها

[مقهوي]

آمين وياك ان شاءلله يابو فواز عسى الله لايحرمك الاجر





الحمدلله دام شرواكم على الدين الحنيف = الله على الطاعه مثبتها وعامر بيتها
الوقت داير والليالي بين برد وبين صيف = والمسعد الي حاشها ما قال ليت وليتها

[سعد حميد الثبيتي]

بيض الله وجهك ياخوي مقهوي انا اشهد انك كفيت ووفيت وغلبتني بطيبك الله يوفقك ويسعد ايامك امين



تقبل تحيات اخوك ابو فواز والمعذره فالقصور ولنا لقاء بأذن واحد احد وتصبح على خير ياالغالي

[مقهوي]

ووجهك ابيض يا استاذنا العزيز سعد الثبيتي


وانا المستفيد والاول والاخير من شخصك الكريم في كل شيء والله يكثر من امثالك ويسعد ايامك

القصور مايجي ابد ياطويل العمر

صح بدنك وتشرفت بمجاراتك والاستفاده منك