يالاصعر يا ليتك تركد ,,, و تترك الازعاج ,,,

[علي فلاح العضياني]

يالاصعر يا ليتك تركد ,,, و تترك الازعاج=تكدّر منام الناس دايم و تزعجها
و نفسك توقّفها على ماقف الاحراج=أظنّك من اللي عن يمينك تلامجها !!!

[عبدالله الاصعر]

انا منهجي طيب وخلك على المنهاج=وانا مزعج الا من تغير مناهجها
ما يحرجني اللي كل ليل احمسه فالصاج=لكن ياعلي خلك بهونك ودرجها

[علي فلاح العضياني]

لا و الله يالاصعر منهجك فالزمن منعاج=معاريفنا صارت خساره نتايجها
عليّ الحرام إنّي لا أشرّف عليك سراج ,,,=بناخيه ,,, منه الناس ربّي يخارجها

[ماجد العصيمي]

صح لسان يابو فلاح ولسان الاصعر

[علي فلاح العضياني]

شبل الموازين


صح بدنك يالغالي

[عبدالله الاصعر]

مانحسب حساب لهرجة الصاحب الهراج=وناس تزل الدرب والله لحبجها
وانا فيك ابا اعلم شجاع ومعه فلاج=بني عمك اللي تعرف القوم منهجها

[عبدالله الاصعر]

شبل مرجحين الموازين

صح بدنك

ولك تحياتي

[علي فلاح العضياني]

هروجك يالاصعر ردّها داخل الادراج= بعد طحت لك في ناس دايم تدبّجها !!!
أنا فوق متني بالوفا نجمتين و تاج=و الاصعر حياته في زمانه مسمّجها

[عيد العازمي]

صح لسان يابو فلاح ولسان الاصعر


لاوصيك ياعبدالله هنا


وازهله هناك


ههههه

[عبدالله الاصعر]

انا اورد الهرجه وانا ارد على هداج=وبعض الرجال اشوم عنها ماهرجها
تراك انت شاوي مانته ابيوسف الحجاج=نجومك وتاجك ياعلي وين ناتجها

[عبدالله الاصعر]

العازمي صح بدنك


وزهله

لك تحياتي وتقديري

[ابو لمار]

ابو فلاح

عبدالله الاصعر

صحت السنتكم وقلوبكم

متااابع

[عبدالله الاصعر]

ابولمار


حياك الله


وصح بدنك


ومشكور على المرور


لك خالص التحيه

[علي فلاح العضياني]

بغبّة بحر قامت تصافق بك الامواج=لكنّ اطلب الله يالعتيبي يفرّجها
تراني طبيبٍ للمصخّن لقيت علاج=و مثلك يجينا ناس واجد نعالجها

[عبدالله الاصعر]

اعرف المداخل ياعلي واعرف المخراج=وكم غبة طبيتها وانت تسهجها
ماينفعك طبك لو يصيبك مرض وزعاج=وكم من طبيب مات ماشاف مخرجها

[محمد بن رشيد]

الله الله الله


هذا والله الكلام



أنا فوق متني بالوفا نجمتين و تـاج
و الاصعر حياته في زمانه مسمّجهـا





تراك انت شاوي مانته ابيوسف الحجاج
نجومك وتاجك ياعلـي ويـن ناتجهـا

[مرزوق حمدان العتيبي]

..

.
ابو فلاح ... وعبد الله وطاروق كله ابداع
لاهنتم ....

[آبـوحربه]

ابداع لايستغرب

صحة الألسنة والقلووووب