سعد حميد الثبيتي

[مقهوي]

سلام يالصاحب الي ماعرفناله = احيان فيه الرضا واحيان زعلاني
مدري علام الثبيتي قاعد لحاله = من عقب ماكان مثل الذيب سرحاني

[علي الثبيتي]

ياوجه الله وش هالبدعه صح لسانك
وننتظر ابو فواز وصح لسانه

[سهم الليل]

الله الله
مقهوي مبدع
ولا فيه شى غريب
صح لسانك ولسان الثبيتي
تحياتي

[مقهوي]

ياوجه الله النشمي بكبره هنا ههههه

صح بدنك شرفت ونورت يالشايب

[مقهوي]

سهم الليل

شرفت ونورت والابداع منك واليك

صح بدنك ولاهنت

[سعد حميد الثبيتي]

يامرحبا والثبيتي راعي الطاله = ماهزته كلمة(ن) جت من عريباني



انا مع الطيبين ومحكم القاله= واسل سيفي على ملحد ونصراني

[مقهوي]

انته كذا دايم ٍ نيتك بطاله = اليا عطيناك حبل اتقول ثعباني
الضيق خلا الحليم يذكي عياله = مدام راكب عليه اللفين شيطاني

[سعد حميد الثبيتي]

اعرفك يامقهوي الضيفان ببياله=السم في قاعها والكاس ملياني



مسلم واصلي وصدري منشرح باله= مار المقهوي على الميقاف خلاني

[مقهوي]

ترا مقهوي مقهويكم بفنجاله = تشرب فناجيله الاول ورى الثاني
ماني من الي يمدٌ الطيب بشماله = الطيب ميراث جدانك وجداني

[سعد حميد الثبيتي]

انا ثبيتي رفيع القدر منزاله= عدي قراح(ن) ولا اشرب شاهي(ن) حاني



علم(ن) ينقدك كبه مالك وماله= وان كان تبغا التحدي ماتحداني

[كايدالاجرب]

صحت السنتكم

متابعين

[سعد حميد الثبيتي]

صح بدنك ياكايد

[المرواني1]

لاهنتوا يالذيابه

امتعنونا الله يمتعكم بالعافيه

[عشقA]

صح لسانك يامقهوي وصح لسانك يالثبيتي شعراء مميزين ولاغريبه عليكم هالابداع الرائع...

متابعين:)

[سعد حميد الثبيتي]

المرواني وعشقaالله يصبحكم بالخير والعلم الزين وصحت ابدانكم


وبدن اخوي الفاضل العزيز مقهوي



وانا استأذنكم بكره ورانا دوام عاد تعرفون دوام المدرسين وغثا الوراعين الله يصلحهم


واستأذنك اخوي مقهوي وماقصرت عز الله انك كفيت ووفيت ولا جا منك قصور الله يعز مقدارك ويرفع شانك

وسامحني ان حصل بعض الهفوات دمتم في حفظ الرحمن

[مقهوي]

والنعم فيكم وكلن لابس عقاله = المرجله ماحكرها فلان وفلاني
حنا نجيب الدوا ونشخص الحاله = ونداوي الي من الاوجاع مرضاني

[مقهوي]

اخونا الغالي الاستاذ سعد الثبيتي

حبينا بس نمزح مع الطيبين شرواك هههه

وطبعا الفائده لنا اولا واخيرا

وانت وافي وطول عمرك وافي واخلاقك العاليه تجبرنا على احترامك

الله يسهل دربك ويعينك على الدوام وإن شاء الله نشوفك وانت بألف خير وعافيه


صح بدنك واعذرنا على القصور وتشرفت بمجاراتك ياطويل العمر

[مقهوي]

عشق a

صح بدنك ياطوبل العمر ويكفي طلت الحلوه الي تنور الصفحه

لاهنت

[مقهوي]

كايد الاجرب

صح بدنك والمعذره فقزت اسمك مانتبهت والله

شرفت ونورت ياعزيزي

[سعد حميد الثبيتي]

وافين يااحبابنا الغالين ونراكم على خير ان شاء الله


بيض الله وجهك يامقهوي والله اني مبسوط باللعب معك فانت شاعر متمكن غزير المعنى ويعلم الله اني استفدت منك دروس مفيده وابا ادرسها للطلاب الا وهي الاخلاق الفاضله والتعامل الحسن والادب في الحوار


تقبلوا تحيات ابو فواز