مقهوي ومنضمة السلام

[سهم الليل]

اقلط يا مقهوي تعال نبا نلعبها بالحال=ماجا مطر وادي سال والليل ساري ساري
بيني وبينك علوم يا جعلها دايم دوم=بالشريعه بالسلوم والليل ساري ساري

[مقهوي]

نادى المنادي وجيت والخير فما لقيت = في كتابه الي قريت والليل ساري ساري
انا على ماتريد والشر عنٌا بعيد = منكم ترا نستفيد والليل ساري ساري

[سهم الليل]

نادا المنادى حضر والسفر يالوجه المسفر =شفة الساحه هل تنظر والليل ساري ساري
ودي ابرجل افره ومسه لين اضره=لينه مايتبع كره والليل ساري ساري

[مقهوي]

حنا نشوف ونعاف لكنٌ مهنا خلاف = احسن لنا الانصراف والليل ساري ساري
ياسهم مهما حصل لاتغرف إلا عسل = خله يقطع بصل والليل ساري ساري

[سهم الليل]

المقفى مقفى جعله والله يهفى=مير حسابه بصفى والليل ساري ساري
يرفع كبده مامن لون والعرب تدري ملعون=لا جيته قله بالهون والليل ساري ساري

[مقهوي]

مدام ماله قيمه أكيد ماله شيمه = انفخ تطير الخيمه والليل ساري ساري
ياصاحبي مالومك من بعد شفت علومك = احذف عليه سهومك والليل ساري ساري

[سهم الليل]

اظنك مثلى داري لاهو عتيبي لا مطاري=وظنه بعد جاري والليل ساري ساري
لو املكه ونوشه والله لنتف رموشه=لو هو ما يحمل هوشه والليل ساري ساري

[مقهوي]

ياكثر مافالبلاد من قوم لوط ٍ وعاد = اسراب مثل الجراد والليل ساري ساري
الجيب خالي خالي والثوب بالي بالي = والنجم عالي عالي والليل ساري ساري

[سهم الليل]

اخوي مقهوي العب معك لا يمل لكن الصلاه جت
نبا نصلى ونتعوذ من بليس الله لا يهينك وصح لسانك
تحياتي

[مقهوي]

الله لايهينك

وصح لسانك تشرفت بمجاراتك ياطويل العمر

وتقبل الله منا ومنك صالح الاعمال