معجب العتيبي أقرب جاي"

[احمد الزايدي]

سلام رده وافيه على الرياجيل الكرام=أوهل الوفاء دايم فعلهم كل نشمي يعجبه
الحر بجناحه يطير والايحب الأنهزام=حر قطامي يصيد اليا تعلا مخلبه

[معجب العتيبي]

يامرحبا باهل الوفا واهل النقا والاحترام=والاحترام من الصفات بكل نفس مهذبه
الحر لامنه كفخ تنزل شواريد الحمام=وليا بغا الصيده يحقق ياعميلي مطلبه

[احمد الزايدي]

الله يبقيك أنت يامعجب والك مني سلام=وراع الوفاء وافي وفـعله للرجال امحببه

تنزل شواريد الحمام والحر دايم مايظام=مخلابه اللي يفترس به ياعميلي ما أعطبه

[معجب العتيبي]

وش فيك يا احمد غايب ولاجيت خربت النظام=شاعر مع الشعار يلعب كيف يا احمد تطلبه؟
حاول تركز ياعميل الخير جعلك للرحام=قلبك من حروف القصيد العذب وشبك متعبه

[احمد الزايدي]

المعذره منك أنت يامعجب وأباانهيها قوام=مدامت أنك منشغل القاف لازم نشطبه

شيبت يا معجب تراني ماني بصاحب غرام=قلبي ماعاد ايدور الحلوين ليش اتانبه

[معجب العتيبي]

هههههه ياسلام ياسلام



لا بالله الا سرها ياصاحبي مابه منام=هذا عتب مشرف لزوم انه هنيا يكتبه
قلبك خضر ياصاحبي وتدور في دنيا الزحام=ياليت قلبك قبل تبدا فاللزوم ترتبه

[احمد الزايدي]

الله يسلمك ويغليك


أبشر بمايرضيك يالغالي ويازين الكلام=أن جاك من رجال غالي كل شي مجربه

الله يقدينا على حسن العمل والا التزام=أبطاعته وارضاه والله من يحبه قربه

[سلطان بن دحيم]

صحة السنتكم


مبدعين اثنينكم

واصلوا

متابع

[معجب العتيبي]

ياطيب قلبك ياوسيع العرف يالذرب الهمام=للحق والمعروف دايم في طريقك منتبه
الله يقبل منك دعوتك ويجنبك الحرام=انا طلبت الله عزيز الشان وانته تطلبه


صح لسانك يا احمد


ماودي نكمل عقب هالدعوه الطيبه هههه

وتصبح على خير

[احمد الزايدي]

ابوسلطان


صح بدنك يالغالي والله يسلمك ويديمك ،وتصبح على خير


لك مني جزيل شكري وتقديري

[احمد الزايدي]

ابن دحيم

صح بدنك والله يسلمك

الاابداع هوحضورك يالقرم