الله يامحلا جمـــال الطبيعه ... !!!!

[ناصر الجلاه]

..


نتواصل معكم بما عندنا عسى مانطرحه ينال اعجاب الجميع ,,,



سريت ليل أهل .. المحبه والاشواق =والبرق فالمنشا جذبني لميعه
ياليل لاتسري وانا أخيل براق=لحظتك من زود السعاده سريعه
ذكرتني ياليل حبٍ بالاعماق=مبداه مايخلف نظام الشريعه
للي من أجله دافع الشوق ينساق=سوق البكار الغفل بأرض شبيعه
في ديرة أهل الطيب راقين الأذواق=مرعية في حد قوم شجيعه
قلبي هواوي والهوى سلكه دقاق=والنفس تحت القلب دايم مطيعه
اغيب لامن سلهمت لي بالأحداق=في عينها نظرة بتيعٍ مريعه
مزيونة فيها من الحسن مالاق=ياليتها في حكم نفسي وديعه
عديمة الأوصاف .. زاهيت الأطواق=(( الله يامحلا جمال الطبيعه )) !
فكري مشتت يامنى الروح ماراق=وبعدك .. دهور الحال قربك .. ربيعه
مكانتك فالقلب ياتلع الأعناق=اليوم .. واللي راح .. واللي تبيعه
الروس تخضع من تحت موس حلاق=والحب يسطي لو سدودي منيعه
وانا حقيقة حق في بحرها ((خاق))=لكن تردعني .. سلوم رفيعه
مادام تملكنا المشاعر والأخلاق=الطيب ميراث لنا مانبيعه
أمسيت .. في وصلك متيم وسباق=وأصبحت .. بأظروف الزمان الشنيعه
الله ياضوق الأراضي والأفاق=في عين من ضاقت عليه الوسيعه
أجلس على الركبه وواقف على الساق=وابذل بأحاسيس الغلا ماأستطيعه
هذا كلامٍ ترجمه قلب عشاق=ماعاش عيشة .. مكر وألا خديعه
اما تجي مشتاق لعيون مشتاق =وألا تحمل .. للجفا والقطيعه

[@ـايل]

ياسلااااااام ..

صح لسانك ياناصر ..ولاهنت على الابيات المعبره ..

والله يعافيك ..ولاتحرمنا الجديد والقصيد ..

...........

[(فهد العضياني)]

الله الله


صح لسانك يالجلاه


عز الله أنك مبدع


لاهنت,,

[ابن صنهوت]

صح السانك ياناصر

[المعتصم بالله]

ناصر الجلاه

صح الله لسانك ملايين مبدع لاهنت

تحياتي

[خالد المقاطي]

ياسلام سلم :)





صح الله لسانك ياناصــر مبدع كما عاهدناك




ارق تحيه


..

[سلطان المفرجى]

صح لسانك يا الجلاه

وتقبل مروري

[فايز بن سرحان الثبيتي]

عديمة الأوصاف .. زاهيت الأطـواق
(( الله يامحلا جمـال الطبيعـه )) !



الله الله


ياسلام ياناصر


رائعة تستحق الشكر على التواصل والابداع


لا هنت



تحيتي لك

[أبو مرحبا]

مادام تملكنـا المشاعـر والأخـلاق
----------------------- --- الطيـب مـيـراث لـنـا مانبيـعـه


الله عليك ياناصر الجلاه

قصيدة رائعه


صح السانك واعتلى شانك

تقبل احترامي

[عبدالله الجـــذع]

اما تجي مشتاق لعيون مشتاق
ولا تحمل للجفا والقطيعه


صح لسانك يالشاعر النخبوي

ماشاء الله مخيله ذهبيه ياناصر

صح كلك

محبك
.

[عبد الله@العتيبي@@]

صح السانك يا العصيمي ابداع بلا حدوووووود



تحيــــــــــــــــــــــــــاتي

[الــوآفــي]

الله واكبر يا ناااصر


والله انك جزل

صحّيت ملايين

[ناصر الجلاه]

..

هايل العتيبي

..


صح بدنكـ ياهايل .. حضوركـ وتصفحكـ يشرفني

لاهنت

..

[محمد النخيش]

اما تجـي مشتـاق لعيـون مشتـاق
وألا تحمـل .. للجـفـا والقطيـعـه


الله الله ياناصر




صح لسانك مليون



قصيده رائعه

[محمد العتيبي]

ناصر الجلاه

صح الله لساانك يامبدع .. قصيده رائعه جدا ..

تحيتي لك
...

[ناصر الجلاه]

..

فهد العضياني

..

صح بدنكـ يافهد .. حضوركـ كريـــم ولاعليكـ زود

لاهنت

..

[ناصر الجلاه]

..

ابن صنهوت

..

صح بدنكـ يالغاالي .. حضوركـ شرفني

لاهنت

..

[ناصر الجلاه]

..

المعتصم بالله

..

صح بدنكـ يالثعلي .. حضوركـ زادني شرفآ

لاهنت

..

[ناصر الجلاه]

..

خالد المقاطي

..

صح بدنكـ يالبناخي .. حضوركـ كريـــم


لاهنت


..

[ناصر الجلاه]

..

سلطان المفرجى

..

صح بدنكـ ياسلطان .. تصفحكـ وزيارتكـ تشرفني


لاهنت

..

[ناصر الجلاه]

..

ابن سرحان

..

صح بدنكـ يافايز .. يشرفني ويزديني فخرآ تصفحكـ الكريـــم

لاهنت

..

[ابو فارس 511]

صح السانك ياناصر

[ابو محمد الدعجاني]

قلبي هواوي والهوى سلكـه دقـاق
والنفس تحت القلـب دايـم مطيعـه

صح السانك ياناصر مبدع

[معجب العتيبي]

وانا حقيقة حق في بحرها ((خاق))=لكن تردعني .. سلوم رفيعه


خاق هههههههههههه


اكره هذه الكلمه وانتقد كل من يقولها



الا ان ناصر الابداع حببني فيها


جمال التوضيف وحسن الصياغه


تجبر القاريء على متابعة ناصر الجلاه


صح لسانك ياناصر

[ناصر الجلاه]

..

أبومرحبا

..

صح بدنكـ يابومرحبا .. شرفتني يالغاالي :)

لاهنت

..

[ناصر الجلاه]

..

عبدالله الجذع

..

صح بدنكـ يابوعابد حضوركـ يزيدني فخرآ :)


لاهنت

..

[ناصر الجلاه]

..

عبدالله العتيبي

..


حضوركـ كريـــم ياعبدالله ,, صح بدنكـ

ولاهنت

..

[ناصر الجلاه]

..

ذيبان

..

صح بدنكـ ياذيبان .. حضوركـ كريـــم


لاهنت

..

[ناصر الجلاه]

..

محمد النخيش

..


صح بدنكـ يابوغازي .. حضوركـ شرفني ياشاعر القلطه


لاهنت

..

[سلطان بن دحيم]

صج لسانك

مبدع نظم ومحاوره

تقبل مروري

تحياتي

[بندر المرشدي]

صح لسااااااانك ياناصر


جزل جزل

[سعود العصيمي]

عديمة الأوصاف .. زاهيت الأطـواق
(( الله يامحلا جمـال الطبيعـه )) !




الله الله

بيض الله وجهك يابومحمد راائع اينما كنت

صح لسانك ملايين