مقهوي جوه الضيوف

[سعد حميد الثبيتي]

سلام رديه كما بيض السيوف=اللي تنومسني رهيف حدها


مقهوي البارح بعد جوه الضيوف= وزى بعشه واندعس في سدها

[نوآف الغنامي]

ههههههههه


صح لسانك يالثبيتي ..



وفي انتظار مقهــوي ,,

..

[سعد حميد الثبيتي]

صح بدنك ياخيال الصفرا والدعوه مزوح مع اخي وزميلي مقهوي اطال الله عمره

[مقهوي]

يامرحبا ترحيب ماهو للضعوف = وان جاتني في واجبي ماردها
اليا نصاني ضيف اذكي له خروف = لو كان بعض الناس ماهو قدها

[مقهوي]

خيال الصفراء

صح بدنك ولا هنت


عاد اخوي سعد الثبيتي الايام هذي اقشر ماينقاله شي ههههه

[سعد حميد الثبيتي]

صح لسانك واخذ راحتك ياعزيزي

[سعد حميد الثبيتي]

دام البقا بك عد همال القنوف=من عزوة(ن) معروف يقدح زندها


خابرك ذباح الرباع مع النصوف= مار اعمر البنيه حذار تهدها

[مقهوي]

ياصاحبي حط النقط فوق الحروف = ترا الخطا ماينحسب ظمن الدٌها
السالفه مابين شعٌار وصفوف = لاتكفي الطاسه ونفسك هدها

[سعد حميد الثبيتي]

السالفه ماهي بهزات الكتوف= ماهي بجيب صحون والا ودها



السالفه مابين حاذف ومحذوف= حذفتني حذفه يا كيف اصدها

[مقهوي]

مدٌ النظر فوق السماء وانظر وشوف = غير السماء عينك بلاش تلدها
ماجاك غير الي حذفته بالكفوف = اكسر ذراع الي يديه يمدها

[صقر المقطه]

صح لسانك يا الثبيتي
ومشكورعلى القصيده

[سعد حميد الثبيتي]

انته عيونك تحت وانا فالردوف= مزحتك مااعرفها ولا اعرف جدها


زرع(ن) زرعته تحصده وانت معروف= بالغلطه اللي جبتها من فندها

[سعد حميد الثبيتي]

صح بدنك ياعضد جنبي

[مقهوي]

يالصاحب الي ودٌك بكتم البلوف = السالفه ماهي قرون تكدها
قدامكم لوحات (ممنوع الوقوف) = أبتل وبتٌل فالطريق وعدٌها

[سعد حميد الثبيتي]

الظاهر مقهوي مكثر بالسفوف= مدري اشتهى لقمه بلعها جدها


اشارتك حمرا ومعفي لاتطوف= اثر المطيه وسمها في خدها

[سعد حميد الثبيتي]

الرجاء بدون زعل يامقهوي الدعوه مزوح

[مقهوي]

لو جيت ابا وصفك ياكثر الوصوف = اخير اصك حلوقها واسدها
اليا بغيت اطوف ..من رغم الانوف = لكنٌ طالع فالنجوم وعدها



صح لسانك ياسعد انت الايام هذي مشكلجي ههههه

لاهنت وشرفني مجاراتك للمره الثانيه

[سعد حميد الثبيتي]

تصبح على خير ياعزيزي يامقهوي والله يعلم انني احبك فالله والسموحه السموحه واعذرني على القصور يالغالي

[مقهوي]

وانت من اهل الخير , مافيه قصور وافي وعلومك جزله طال عمرك

الطيٌب الي مثلك ياسعد ماحد يزعل منه والشعر كلام مايزعل احد وانا اخوك والي يزعل لايلعب

[سعد حميد الثبيتي]

الله يبيض وجهك عز الله انك وافي يالغالي