سلام الله على ربعي

[مشعاب]

السلام عليكم ورحمة الله وبركاته





سلام الله على ربعي وانا واحد من العتبان=سلامٍ يشمل القاصي من العتبان والداني


معي مشعابٍ محنا وابنزل ساحة الميدان=وابي لي شاعرٍ مطنوخ يقرب ويتحداني

[شاعر زمانه]

عليكم ورحمة الله وبركاته





اسمع؛




هلا يا مرحبا بك مير عممها على العربان=ولا تفرق عيال القوم واحدها عن الثاني
تقدم واذكر الله يا عتيبي والعن الشيطان=وسر الليل والميدان ميدانك وميداني

[المعتصم بالله]

الله الله

مشعاب وشاعر زمانه

هنا المكان الحقيقي لكم

صحت السنتكم اثنينكم

متابع

[آبـوحربه]

الله الله الله الله ...

مشعاب وشـاعـر زمانه عــز الله أبمسك الصف الليل كـله

سروها وأرقوا سـنود وأزهلوا الصفوف

وصحة الألسنه والـقلووب ..

[شاعر زمانه]

المعتصم بالله


ابو حربه


عزيزين وغالين


متابعتك وحضوركم شرف كبيرررر



لكم كل الشكر

[مشعاب]

استلم



يدوم لك البقا ياللي ترحب واذكر الرحمن=وراجع في حساباتك وتعرف من هو الجاني


نبا نلعن بليس ونضبط الحبه على النيشان=ونشعلها حريقه والعمر يالاجودي فاني

[مشعاب]

المعتصم بالله

ابو حربه


صحت ابدانكم


شرفنا مروركم

[شاعر زمانه]

اسمع؛




تنقص حسبة السكان ما تسلم من السكان=وطيت ابرجلك العرجا الخطر وان جاك ما جاني
تشّيل كسرة العود وتساوالك على البيبان=وطحت بواحدن من قوم اهل عمهوج بطراني

[سابق زمانه-]

صح لسانك يامشعاب وصح لسان شاعر زمانه

[(فهد العضياني)]

ياسلااام


مشعاب وشاعر زمانه


محاوره من الطراز النادر


صحت ألسنتكم يالمبدعين



متااااااابعين

[شاعر زمانه]

صح بدنك سابق زمانه


مشكوووووور على الحضور المتابعه

[مشعاب]

استلم



مدام انك بديت تعاند الزرقان و الحمران =تبا تاخذ ليالي ثم تحضر في بريماني


اشيل كسرة العود وبكسرها على العدوان=لكن احسب حسابك واحذر احذر ياعضياني

[مشعاب]

سابق زمانه


فهد العضياني


صحت ابدانكم وحياكم الله

[شاعر زمانه]

اسمع:





نويت أطينها معك لكن حذرا من الزرقان=حصلي مشكله معهم عسى ربي ما يبلاني
موصيني حياة العود قال احذر من التعبان=فشيله لن غلبته وان ذبحك اتروح مجاني



http://www.getsmile.com/emoticons/smileys-91853/aiw/grin.gif

[شاعر زمانه]

اعتذر عن اكمال المحاورة لظرف طارئ

وبكره نكملها ان كنا من الحيين

[مشعاب]

استلم




مدام انك بدون قرون ليه تناطح الضلعان=تعوذ من بليس وخل عنك فلان وفلاني


رحلنا عن ديار العمي حولنا على العوران=عسا الله يمسح العميان والعوران من داني

[سلطان بن دحيم]

صحة السنتكم



مبدعين اثنينكم

[(فهد العضياني)]

رحلنا عن ديار العمي حولنا على العوران=عسا الله يمسح العميان والعوران من داني

ههههههههههه


واااصلوووا

[شاعر زمانه]

اسمع؛




وعمرك شفت حرٍ يا عميلي لان للغربان=وهاذي دبرة الله يوم زودها بجنحاني
هذولا طالبان اللي رثعوا في عفش باكستان=ولا أشبّه عليك بشر خلك كنك أفغاني

[شاعر زمانه]

صح بدنك يا سلطان دحيم

شرفت لاهنت

[شاعر زمانه]

مشعاب


الله على ربعي وانا واحد من العتبان=سلامٍ يشمل القاصي من العتبان والدانـي
معي مشعابٍ محنا وابنزل ساحة الميـدان=وابي لي شاعرٍ مطنوخ يقرب ويتحدانـي

شاعر زمانه


هلا يا مرحبا بك مير عممها على العربان=ولا تفرق عيال القوم واحدها عن الثاني
تقدم واذكر الله يا عتيبي والعن الشيطان=وسر الليل والميدان ميدانـك وميدانـي
مشعاب


يدوم لك البقا ياللي ترحب واذكر الرحمـن=وراجع في حساباتك وتعرف من هو الجاني
نبا نلعن بليس ونضبط الحبه على النيشـان=ونشعلها حريقه والعمر يالاجـودي فانـي

شاعر زمانه


تنقص حسبة السكان ما تسلـم مـن السكـان=وطيت ابرجلك العرجا الخطر وان جاك ما جاني
تشّيل كسرة العود وتساوالـك علـى البيبـان=وطحت بواحدن من قوم اهل عمهوج بطرانـي

مشعاب


مدام انك بديت تعاند الزرقان و الحمـران=تبا تاخذ ليالي ثم تحضـر فـي بريمانـي
اشيل كسرة العود وبكسرها على العـدوان=لكن احسب حسابك واحذر احذر ياعضياني

شاعر زمانه


نويت أطينها معك لكن حذرا من الزرقان=حصلي مشكله معهم عسى ربي ما يبلاني
موصيني حياة العود قال احذر من التعبان=فشيله لن غلبته وان ذبحك اتروح مجاني

مشعاب


مدام انك بدون قرون ليه تناطح الضلعان=تعوذ من بليس وخل عنك فـلان وفلانـي
رحلنا عن ديار العمي حولنا على العوران=عسا الله يمسح العميان والعوران من داني

شاعر زمانه


وعمرك شفت حرٍ يا عميلي لان للغربـان=وهاذي دبرة الله يـوم زودهـا بجنحانـي
هذولا طالبان اللي رثعوا في عفش باكستان=ولا أشبّه عليك بشر خلـك كنـك أفغانـي

[مشعاب]

استلم




الا ياليت مرسيدس ماعاد تورد الحصنان=بلشنا فالمواتر بين جفالي وحصناني


اثر نصر الله يخطط لقلب الحكم في لبنان=يشوف الوضع متردي وشن الحرب طمعاني

[شاعر زمانه]

ههههه




أنا ما أشره على اليابان يوم تورد الجابان=كبنّ الوضع متلخبط بتايوته ونيساني
لو انّ البابه يحنّا يجمّع حوله الطليان=مصير الذيب يفرسهم جميع الشعب طلياني

[مشعاب]

استلم



يقولون العرب يالاجودي من خالط الجربان=يجيه من الجرب عدوى ولو مع مر الازماني



انا عارفك ياشاعر زمانه شاعرن طفران=ولاتملك عصا موسى ولاخاتم سليماني

[شاعر زمانه]

اسمع؛






عسى ربي يعيدك ياليالي رايد شعيفان=هنيّا لا تروغ ثمّ تجلد جلدة الزاني
تنشّد عن ضحايا القوم من كبشه ليا ميسان=أنا ما أبغاك مير أنته على ذبحتك تحداني

[مشعاب]

استلم




انا مارد نفسي ياطويل العمر للورعان=وبعض الناس يرفع من مقامي يوم يشناني


ابو عرام حالق شاربه والدقن والحجان=وتال الوقت جاله ريش ياربي لاتبلاني

[شاعر زمانه]

صح لسانك مشعاب وعلا شانك

تشرفت بمحاورتك

الحقيقه مقابلك ما يمل ولا فيك حيله


تصبح على خير وإلى لقاء

[مشعاب]

صح بدنك ياشعر زمانه واشكر جميع من تابعنا






مشعااااااااااااااااااااااااااااااااااب