ابن دحيم مطلوب حالا

[المكافح]

سلام يابن دحيم يارفيع المقام= عز الله انك عريف وللقبيله علم


سمعت فاخبار لندن يارفيقي كلام= لكن ابنشدك قرب يافتى واستلم

[مقهوي]

المكافح

صح لسانك يامبدع على البدعه الجميله
وصح لسان سلطان مقدما وبدون شك انه مثل ماقلت وزياده

متابعين معاكم للفائده

[المكافح]

اشكرك اخوي المقهوي على مرورك العطر وبلا شك اخوي سلطان شاعر متمكن كيف لايكون علما لقبيلتنا ونحن نفتخر به وبغيره من ابناء القبيله حفظهم الله

[سلطان بن دحيم]

سلام يابن دحيم يارفيع المقام= عز الله انك عريف وللقبيله علم


سمعت فاخبار لندن يارفيقي كلام= لكن ابنشدك قرب يافتى واستلم





يا مرحبا يا هلا ياللي ترد السلام = عداد ما بان فوق الطرس جرة قلم
اخبار لندن ما تدري عن حلال وحرام = لكن حد المهند يا ولد ما انثلم

[المكافح]

دام البقا والعلوم الها بطين وسنام= وانا قصدت السنام اللي مقامه شحم


اثرك ماانته متابع للخبر باهتمام= لكن شيل السواري ياولد واحتزم

[سلطان بن دحيم]

دام البقا والعلوم الها بطين وسنام= وانا قصدت السنام اللي مقامه شحم


اثرك ماانته متابع للخبر باهتمام= لكن شيل السواري ياولد واحتزم

اسف على التاخير



يالصاحبي يالمكافح ما يجيك الملام = لكن سج القدم وانا بسج القدم
يا كثر الاخبار تال الوقت شرق(ن) وشام = يا راعي البوصله وين اتجاه السهم

[سلطان بن دحيم]

مقهوي


لاهنت على المرور

[المكافح]

انا اعرف انك عريب الجد ذخر الكرام=ابشر بعزك وبيت العز ماينهدم


سمعت لي علم جاني في جناح الحمام= قالوا جمال (ن) تناصت في وسيع الحزم

[سلطان بن دحيم]

انا اعرف انك عريب الجد ذخر الكرام=ابشر بعزك وبيت العز ماينهدم


سمعت لي علم جاني في جناح الحمام= قالوا جمال (ن) تناصت في وسيع الحزم


انته وانا من رياجيل(ن) عزاز(ن) حشام = والله يعز البيوت ام الذراء والكرم
دامه خفيف ما يازن نصف كيلوا جرام = تراي ما ادري عنه يالصاحب المحترم

[سعد حميد الثبيتي]

صح لسانك يالمكافح وصح لسان ابن دحيم والله ان السالم منكم يضلع

[سلطان بن دحيم]

صح لسانك يالمكافح وصح لسان ابن دحيم والله ان السالم منكم يضلع

صح بدنك

وابشر ك سالمين كلنا يا سعد

[المكافح]

انته حزامي ولا غيرك لقينا حزام= تسدنا فالعرب وتسدنا فالعجم



لا والله كبير كبر قمة سنام= لكن منهو تعلم جاه نص العلم

[سلطان بن دحيم]

انته حزامي ولا غيرك لقينا حزام= تسدنا فالعرب وتسدنا فالعجم



لا والله كبير كبر قمة سنام= لكن منهو تعلم جاه نص العلم




ما فيه شك احتزم بي يا صليب العضام = وانا احتزم بك على شان العدو يخدم
ان كان تقصد بعير(ن) بان فيه الخطام = المشكله كلها ما بين عين وخشم

[المكافح]

اثلجت صدري بقول(ن) ماعليه العسام= الله يبارك بيمنى للرفيق تخدم


هذا هو العلم دامنك فهمت العلام= الحي حي(ن) ومنهو مات ربك رحم

[المكافح]

استأذنك ياسلطان الصلاه وجبت عز الله انك شاعر من الصعب مجاراته ولكن الفائده منه شي اكيد والسموحه ان كان جا غلط غير مقصود

[سلطان بن دحيم]

صح لسانك والله ما عليم زود ولا حصل غير الطيب

تشرفت باللب معك

تحياتي