لا والله ألا بينـت هبـت الصـيـف وأصفرلون القاع عقـب الخضـاري

[خالد بن متروك]

لا والله ألا بينت هبت الصيف
وأصفرلون القاع عقب الخضاري
عقب الربيع اللي عليه التحاسيف
تبدلت حلو الفياض بصحاري
وقامت تهب اليوم قشر العواصيف
وراع الحلال أصبح يشيل المذاري
وأهل الغنم صارت تدوج المشاريف
من عقب منزال بجنب الخباري
وراع الأبل زادت عليه المصاريف
برسيم وشعير ومعها شواري
وراع القنص له خمسة أيام ماشيف
يدور المقناص وسط البراري
وراع البحر صرنا نشوفه على السيف
ويقول محلى الصيد وقت العصاري
وأنا عذابي من حسين التواصيف
اللي على كل العذارى يماري
حبه سكن وسط الضلوع المناحيف
وأصبح غلاها داخل القلب جاري
والهم فيني صاير كأنه الضيف
ضفته وعيا لا يفارق دياري
طرت علي حزم الجلاميد وطريف
ياجعلها دايم وهي بإزدهاري
أخذت فيها عام روح كما الطيف
لامن تذكرته طرت لي طواري
ياالله يامالك جميع التصاريف
بأمرك يدور الليل عقب النهاري
تلم شمل أهل القلوب المواليف
عقب البطا ياجعله يصير جاري
والخاتمه بانت هبايبك يالصيف
وتبدلت حلو الفياض بصحاري

[@ـايل]

ياسلااام ياسلاام ياسلاام ..

صح لساانك. مدد بلاعدد ..قصيده رائعه ..

لاهنت يابن متروك والله يعافيك..على النقل..

ولاتحرمنا القصيد

.......

[محمد الذيابـــي]

..

صح لساااااااانه..

[عزارم]

صح لسانه الحين ماعاد فيه عشب على شان يابس تساوت وامحلت وشكرا لك ياطيب