شبل مرجحين الموازين مطلوب على وجه السرعه

[المكافح]

سلام تسليم المزون اللي لها برق ورعد= منشا مخيلتها من القبله وساقتها ازيبي


تعال ياشبل الرجال اللي لهم صيت وعدد= عندي لكم قاف ينومس يالحبيب ويطربي

[ماجد العصيمي]

اعداد منهو طاف بالكعبه وفالمسجد سجد=يامرحبا ترحيبتن تاصلك حيث انك تبي
ان كان عندك علم هاته وابشر انا فالوعد=واللحيه اللي ماتعز الرجل تخسا وتهبي



آسفين على التأخير ماانتبهت

[فايز بن سرحان الثبيتي]

ايو الله

اللحية اللي ماتعز الرجل تخسا واتهبي

صح لسانك ياشبل مرجحين الموازين

صح لسانك يالمكافح

[ماجد العصيمي]

صح بدنك يابن سرحان

مرورك شرف

[المكافح]

دام البقالك يالمرحب عد زخات البرد= جتك الرساله عاجله حييت ياهذا الصبي


انا متابع للصحافه والخبر وسط البلد = اثلجت صدري يازعيم القوم طيب المنسبي

[المكافح]

صح بدنك يابن سرحان ولايهون اخوي الشبل

[ماجد العصيمي]

ابليس فوقه نجم دايم والبنا عكس الهدد=وترك صبين مايحفظ القول ولا عقبي
اللي عدا واللي هذب واللي مشى واللي قعد=ماافلح ياكود اللي معه حيله يحب المنكبي

[المكافح]

سج المطيه ياوسع العرف فالحزم الجلد= وجنب عن الاعور والاعرج يافتى والاجربي


دنياك صلفه والمواقف ياولد تبغى ولد= واللي يحاكيك عربي يالذيب حاكه بعربي

[المكافح]

نستاذنك نبي نصلي ولنا عوده

[معجب العتيبي]

المكافح

سلام تسليم المزون اللي لها برق ورعد= منشا مخيلتها من القبله وساقتها ازيبي


تعال ياشبل الرجال اللي لهم صيت وعدد= عندي لكم قاف ينومس يالحبيب ويطربي


شبل مرجحين الموازين

اعداد منهو طاف بالكعبه وفالمسجد سجد=يامرحبا ترحيبتن تاصلك حيث انك تبي
ان كان عندك علم هاته وابشر انا فالوعد=واللحيه اللي ماتعز الرجل تخسا وتهبي



المكافح

دام البقالك يالمرحب عد زخات البرد= جتك الرساله عاجله حييت ياهذا الصبي


انا متابع للصحافه والخبر وسط البلد = اثلجت صدري يازعيم القوم طيب المنسبي


شبل مرجحين الموازين

ابليس فوقه نجم دايم والبنا عكس الهدد=وترك صبين مايحفظ القول ولا عقبي
اللي عدا واللي هذب واللي مشى واللي قعد=ماافلح ياكود اللي معه حيله يحب المنكبي


المكافح

سج المطيه ياوسع العرف فالحزم الجلد= وجنب عن الاعور والاعرج يافتى والاجربي


دنياك صلفه والمواقف ياولد تبغى ولد= واللي يحاكيك عربي يالذيب حاكه بعربي



ابدعتوا


صحة السنتكم


ومتابعين لكم عقب الصلاه

[ماجد العصيمي]

حنا نبا نستاقها والله يوفق فالسدد=تارد على البحر الحمر ولا الخليج اليعربي
ياراع الشركه اللي كل طاقمها ضعفة جهد=اللي قرب منا بشبر اذراع منه نقربي




أسفين على التاخير

[ماجد العصيمي]

حي الله معجب العتيبي ومشكور على الترتيب

[فهد بن عقيل]

بيض الله وجيهكم على المحاوره متابعين

[المكافح]

قدمك بحور مغرقه اصحى وخلك مستعد= والضاميه من ما البحر ياشبلنا ماتشربي


الله يعديك العيون القشر وعيال الحسد=انته شبل لكن تقدر فالعريف الاكلبي