سلام رده غالية

[محمد الحريص]

سلام رده غالية والزين ماهو بالرخيص = حتى يدلك للخيول الطيبات أثمانها
ترى المعاني ياعلي لازم نلبسها قميص = والبندق العوجا تجي من فوقها ووزانها

[@ـايل]

حياك الله يا محمد الحريص في منتدى الهيلا ..والمحل محلك ..

وصح لسانك على الطاروق

..وننتظر الشاعر علي ..

وصح لسانه مقدما ..

.............

[علي فلاح العضياني]

هلا والله بمحمد

و الله يحييك و يبيض وجهك و وجه ابو سعد

واستلم


يا مرحبا و أنا على تكميلة الواجب حريص=هذي عوايد ربعي العتبان مع ضيفانها
انته تعلمني وانا رجّال بالدعوى بخيص=البندقيّه نازن الحبّه على نيشانها

[محمد الحريص]

اللي معه عقله يميز فالزمن ماهو نقيص = والناس شافت دربها ياصاحبي باعيانها
من يعرف الجيلوجي اللي متجه يمة خريص=يعكس مسار الخط ويروح على ضلعانها

[علي فلاح العضياني]

أمر الله ليا صار ما ينفع مرور و لا ( بوليص )=و مع الهوى ما تثبت الخيمه على عمدانها

بالله يا أهل المجمعه شدّوا تعالوا في خليص=اللي ثمار أشجارها معها تميل أغصانها

[محمد الحريص]

احداً يون من المعاني مثل وانات القريص=واللي مشى فالارض ما يخبط على شيرانها
مايطلع السابق يالين انه يدربه القليص=ومن بعدها يحسب حساب اللي طوال أرسانها

[علي فلاح العضياني]

المشكله ما غير دوب سراجكم يوبص وبيص=و الناس فالظلماء تولّع للعرب نيرانها
و انا رميت غليص و الرميه قريبه من غليص=و الظاهر إنّه يصبح جنازه بوسط أكفانها

[غالب الذيابي]

صحت السنتكم شعرانا


الحريص .و, العضياني.


بيض الله وجيهكم.
.
.

.
.
.

[محمد الحريص]

السالفه ياشاعر العتبان ماعنها محيص=مدري سفينة نوح منهو فالبحر ربانها
وان كانها راحت وجات وعودت في حيص بيص=تبى تجيك رسالة ترجع على عنوانها

[علي فلاح العضياني]

لك مثلها و صفوف لعب الملعبه ترقص رقيص=فالسوق يا كثر البضايع تشتبه فالوانها
فالمملكه يا صاحبي ما فيه غير العيص عيص=و رسالتك قدّام ترسلها اثمرتها عانها

[علي فلاح العضياني]

هايل العتيبي




صح بدنك و لاهنت على المرور

[علي فلاح العضياني]

غالب الذيابي


صح بدنك و لاهنت

[سلطان بن دحيم]

صحة السنتكم


اثنينكم مبدعين