ياسيدي سلمان وشلون سلطان

[ابو وصايف]

ياسيدي سلمان وشلون سلطان

http://www.alriyadh.com/2009/05/20/img/190843.jpg

للشاعر/قاعد بن زبن الثبيتي العتيبي


يا سيدي سلمان وشلون سلطان

عسى المرض عن شخص سلطان زايل

يامير حنا ننتظر منك الإعلان

أسعد خبر يعلن بكل الوسايل

عن صحة اللي كن ما مثله إنسان

سلطان أبو خالد وافي الخصايل

بحر العطاء راعي السخاء وافي الإحسان

كف الندى سلطان راعي الجمايل

حر تنكس له من الجو عقبان

يلوي ولا تلوى عليه الحبايل

يا سيدي متى يجي طير حوران

ونشوفكم يا كاسبين النفايل

الطاير الميمون لا جا مسيان

يرفرف علمها وكل الأمة تخايل

نزين مطار القاعدة بكل الألوان

ويفرح لعودتكم شعوب وقبايل

خلاف أبو متعب ونايف والأخوان

وكبيرنا وصغيرنا والحمايل

يا سيدي يا هامة المجد سلمان

غيبتك سوت بالقلوب الهوايل

حب الرجال اللي لهم بالوطن شان

ماهو حب منقضات الجدايل

أنتم ذرانا يوم روغات الأذهان

وحنا الجبر حنا العضود الجلايل


منقول من جريدة الرياض
http://www.medhal.com/fncms/Portals/0/pic/RIYADH-LOGO.jpg
رابط القصيدة
http://www.alriyadh.com/2009/05/20/article431063.html

[أبونواف]

صح لسانه ومشكور على النقل .

[نايف خلف العضياني]

بيض اللة وجهك يابو وصايف على النقل وصح السان الشاعر

[ابو وصايف]

صح لسانه ومشكور على النقل .

صح بدنك يابو نواف ولاهنت على التواجد

[ابو وصايف]

بيض اللة وجهك يابو وصايف على النقل وصح السان الشاعر

ووجهك ابيض ياخوي نايف وصح بدنك
وحياك الله ياغالي