مرحبـــا ترحيبةٍ من نارنا موسومه ..محمــــد بن رشيد

[حاكم الغنامي]

مسيكــ بالخير يابن رشيد


للفائده من عملاق بحجمكــ


استلم طال عمرركــ





مرحبا ترحيبةٍ من نارنا موسومه =من تعرض دربها بسم الله الرحماني
يامحمد لو تعس الديره المرحومه =ماجلست تهز راسك فالبلد وحداني

[محمد بن رشيد]

البقا ياشاعر ٍ ياطيب كل اعلومه = من غلاه اعتبره انه واحد من اخواني
انت ياحاكم علومك كلها مفهومه = سم بالرحمن واتعوّذ من الشيطاني

[نوآف الغنامي]

الله الله


صحت السنتكم وعلى شانكم


ابداااع من عمالقة الشعر


واصلوا واصلوا

متاااابع ..



..

[حاكم الغنامي]

العرب في حقوقها ياصاحبي ملزومه =ماتكب حقوقها لو كان مهما كاني
يامحمد وانت سابح فالبحر وتعومه =ويش رد الباخره ياحضرة القبطاني؟

[محمد بن رشيد]

الله الله

الوطن محكوم والعالم بعد محكومه = ولاتضيع حقوقنا والعلم له برهاني !!

كثر الله خير وقت ٍ كاثرات غيومه = ماصفالك جو ياللي تنفض الجنحاني !!

[حاكم الغنامي]

من لذيذ الزاد نفسك وشبها محرومه =والقصر يابن رشيد مشرع البيباني
الصراحه كل نفسٍ بارضها مغرومه=والله انك ماتخلي ديرة البدواني

[محمد بن رشيد]

الله الله

يادمي مالك يكود اللقمه المقسومه = ولقمة ٍ ماهي بلك في فم ّ شخص ٍ ثاني !!

لد عينك يالعتيبي للسماء ونجومه = وانت تعرفني ولن دورتني تلقاني !!

[حاكم الغنامي]

لاتبرد عزمك... انظر للجبل وعزومه=اقّر في سيرة بخيت وشيخنا قشعاني
عارفينك ..مير دارِِك نفسك المظلومه=لاتغسلها وتدفنها بدون اكفاني