محمد بن رشيد عليك الطلب

[نايف بن ملحق الثعلي]

مرحبا مليون ترحيب يامحمد رشيد=شد حيلك ثم هات السوالف كلها
يامحمد صاحبي عندكم علمً جديد=والله اعلم وش حرام العلوم وحلها

[بندر المرشدي]

الله...الله


جاكم الاعصار جنبوا عنه



صح لسااااانك يابن ملحق


وفي انتظار بن رشيد وصح لسااااااانه مقدما

[جمال العضياني]

مرحبا مليون ترحيب يامحمد رشيد=شد حيلك ثم هات السوالف كلها
يامحمد صاحبي عندكم علمً جديد=والله اعلم وش حرام العلوم وحلها

الله الله
صح لسانك يانايف
وبانتظار محمد رشيد

متاااابعين

[نوآف الغنامي]

الله الله

صح لسانك يبن ثعلي

وعلى شانك

وننتظر ابن رشيد ..

..

[سلطان بن دحيم]

صح لسانك يا نايف

وصح لسان محمد مقدما


واصلوا


متابع!!

[محمد بن رشيد]

الله الله


البقا يالشاعر اللي تفيد وتستفيد =والسوالف طيبه كلها في حلها !!

يابن ملحق لاتجيب الكلام الا الاكيد = والعلوم اللي بليا دلايل خلها !!

[محمد بن رشيد]

هلااا هلااا

بالجميع

كلن بأسمه شرفتواااا

[نايف بن ملحق الثعلي]

الليال دور والله يدبر مايريد=انتبة واللي يعقد الحبال يحلها
الدعاوي عندكم لاتدورها بعيد=ثابته واللي يعرف الدروب يدلها

[نايف بن ملحق الثعلي]

بندر المرشدي

جمال العضياني

خيال الصفراء

سلطان دحيم

مشكورين على مروركم المشرف لاعدمناكم

[محمد بن رشيد]

الله الله

حط في يدين المطيه عن السرقان قيد =ثم هل السالفه يالعتيبي هلها !!

ماجهل في علمكم غير ابو قلب ٍ بليد = منت لاقي لك ديار ٍ خلا تحتلها !!

[محمد بن رشيد]

بندر المرشدي

جمال العضياني

خيال الصفراء

سلطان دحيم

مشكوربن على مروركم المشرف لاعدمناكم

[نايف بن ملحق الثعلي]

السواير ثوبها يالعتيبي مايبيد = بارك الله في شجرةً يضلك ضلها
اعترف بالحق والموت في حبل الوريد=انت اضنك مابقى الا الدموع اتهلها

[محمد بن رشيد]

الله الله

لو تعرف الحق ماجبت واهيت العبيد = ردها ماحب كثر الهروج وقلها !!

لوتضوي كثر الاحلام للرجال فيد ؟؟ = كان كل اللي حلم غايته ياصلها !!

[نايف بن ملحق الثعلي]

من يغط النور ياصاحبي ملعون سيد=والهروج العوج ماجيبها وفطلها
المشاكل ياعساها تروح ولاتعيد=وانت ضاعت حجتك والكبود اتعلها

[علي فلاح العضياني]

الله الله

صح لسانك يا بو بدر

و صح لسانك يابو مالك


لله درّكم