العااازمي ((كابرٍ زومه))

[الذريب]

ابو طلال متى سمح وقتك ودي استفيد منك لاني معجب بشاعريتك.

استلم لاهنت

سلام من الذريب اللي يحب الذرب وعلومه = يحب الذرب وعلومه مع اصحابه يذربها.
اشوف العازمي تالي زمانه كابرٍ زومه = لكن اهل المناصب محتديته عن مناصبها

[علي فلاح العضياني]

ابو طلال متى سمح وقتك ودي استفيد منك لاني معجب بشاعريتك.

استلم لاهنت

سلام من الذريب اللي يحب الذرب وعلومه = يحب الذرب وعلومه مع اصحابه يذربها.
اشوف العازمي تالي زمانه كابرٍ زومه = لكن اهل المناصب محتديته عن مناصبها


الله الله الله

صح لسانك و الصف يالذرب


و صح لسان ابو طلال مقدماً


متااااااااااااابعين

[حاكم الغنامي]

الله الله


صح لساااااااااانكـــ


وننتظر العازمي

وصح لسانه مقدماااااا

[بندر المرشدي]

صح لساااانك وحياك الله


في انتظار ابو طلال وصح لسااانه مقدما

[الذريب]

علي العضياني
صح بدنك

والصف يتشرف فيك.

حاكم

صح بدنك.



بندر المرشدي

صح بدنك


وابقاك الله.

[عيد العازمي]

مرحبابك يالذريب ولم اكن متواجد الا الان::



هلا يامرحبا ترحيب منه الارض ماسومه = يسمّي ثم يجهّي عقب ماتصفي مشاربها!!


ليامنّك جزعت من الحقيقه كمّل النومه = يازين النوم للي عزوته يخفي مناسبها!!

[ابو لمار]

الذريب

العازمي

صحت السنتكم وقلوبكم

واصلواااا متااابع



تحياااتي لكمااا

[عيد العازمي]

والصف يتشرف فيك.

حاكم

صح بدنك.



بندر المرشدي

صح بدنك


ابو لمار


صح بدنك


متابعتكم شرف

[الذريب]

تبقا يابوطلال


عسى فيك البقاء لو السماء ماجهت غيومه = تبا ترعد وتمطر من على راسك سحايبها.

انا خصم الخصيم اللي يهد الضلع بعزومه = عتيبيٍ بعيد شبوح والطالات كاسبها.

[عيد العازمي]

هذا سوق الغلا وابشر بشاعر يصخي السومه = انا وياك والدنيا تعلمكم تجاربها!!


انا ماخبر عتيبيٍ عريب ويرخي الهومه = عتيبه عزوةٍ دايم تنومسها مذاهبها!!

[الذريب]

ليا شفتك فرقت السوم حطمنا لك ا رقومه = علي من حزامي يابن عاصي ماتفووز ابها.


لياحصلت مرخي هومته طقه بزلقومه = تهرج والعباه اللي تناسب لك تنكبها.

[عيد العازمي]

وكاد الارنب اللي من طردها تشلع القومه = تبا درب السعه مار العشا من حيد غاربها!!

يازين الرجل من عرفه ياشين الرجل بهدومه = ذلولٍ فالخفا وش فايدتنا لوّ نشعبها!!

[الذريب]

العاازمي


استأذنك

النوم فضخ عيوني


نكمل غدآ او اختم اللي يناسبك ولك تحيتي.

[عيد العازمي]

شكرا لك


يالذريب


وصح لسانك



وانا بعد النوم سلطان

تصبح على خير

[الذريب]

والا يالعازمي ماهي من اسهومي بمحرومه = ليا اخطت بندقك لابد بندقنا تصوبها.




ماهو منجيك عذرك من ذريب الفعل واسهومه= هذا عذر الرجال اللي ضربها الخوف بركبها.

تصبح علي خير

اختم طال عمرك.

[سعود العصيمي]

الذريب =


سلام من الذريب اللي يحب الذرب وعلومه = يحب الذرب وعلومه مع اصحابه يذربها.
اشوف العازمي تالي زمانه كابرٍ زومه = لكن اهل المناصب محتديته عن مناصبها



العازمي =


هلا يامرحبا ترحيب منه الارض ماسومه=يسمّي ثم يجهّي عقب ماتصفي مشاربها!!
ليامنّك جزعت من الحقيقه كمّل النومـه=يازين النوم للي عزوته يخفي مناسبها!!




الذريب =


عسى فيك البقاء لو السماء ماجهت غيومه=تبا ترعد وتمطر من على راسك سحايبها.
انا خصم الخصيم اللي يهد الضلع بعزومه=عتيبيٍ بعيد شبـوح والطـالات كاسبهـا.



العازمي =


هذا سوق الغلا وابشر بشاعر يصخي السومه=انـا ويـاك والدنيـا تعلمكـم تجاربـهـا!!
انا ماخبر عتيبيٍ عريـب ويرخـي الهومـه=عتيبـه عـزوةٍ دايـم تنومسهـا مذاهبهـا !!



الذريب =


ليا شفتك فرقت السوم حطمنا لك ا رقومـه=علي من حزامي يابن عاصي ماتفووز ابها.
لياحصلت مرخي هومتـه طقـه بزلقومـه=تهرج والعباه اللي تناسـب لـك تنكبهـا.





العازمي =


وكاد الارنب اللي من طردها تشلع القومـه=تبا درب السعه مار العشا من حيد غاربها!!
يازين الرجل من عرفه ياشين الرجل بهدومه= ذلولٍ فالخفـا وش فايدتنـا لـوّ نشعبهـا!!



الذريب =

والا يالعازمي ماهي من اسهومي بمحرومـه=ليا اخطت بندقـك لابـد بندقنـا تصوبهـا.
ماهو منجيك عذرك من ذريب الفعل واسهومه=هذا عذر الرجال اللي ضربها الخوف بركبها.


صحت السنتكم

طاااروق راائع.