سلام

[عقاب الهيلا]

سلام من واحد(ن)يبغا عليك السلام

والكلمه الطيبه يالربع يازينها
وده يشارك ولاكن ماش مابه كلام

حتى التحيه ترد وينتهي حينها

[المكافح]

يامرحبا بك عدد ماناح ورق الحمام= قدمك رجال ترى دينك على دينها


الله يحييك وابشر بالعلوم السمان= ربعك عتيبه ترجحلك موازينها

[عقاب الهيلا]

الليل يامكافح اقبل والهمام الهمام
غلطت ياصاحبي عجل بتزيينها
قبل اتكلم وتثبت عند كل الانام
والناس تقرا المضارف مع عناوينها

[المكافح]

كلمتك هذي تراها لاحلال وحرام= والديره المسنيه يقلون يا شينها


انا نظامي واحب اللي مشى بالنظام= افرح صدور العرب مااحب تحزينها

[عقاب الهيلا]

النون وش جابها يالقرم وسط السنام
انصحك ياصاحبي ترجع لتحسينها


صورتك ياصاحبي بالعين قبل المنام
عليك ياصاحبي ماجوب تلوينها

[المكافح]

ترى العتب للنظر جاني عليه العسام= والمطبعه لخبطت يالذيب في حينها


عز الله انك حزامي يوم شد الحزام= سيوفنا للعدا يالذيب حازينها

[عقاب الهيلا]

العذر مقبول ياللي تعتذر ماتلام

لاكن تفقد حروفك قبل تدوينها

وابشر بعزك لياجيتوا لوقت الصرام

على المضاريف تلقاها مضامينها

[مشرف بن سعيد]

بيض الله وجيهكم على ابداعكم وصحت السنتكم

[عقاب الهيلا]

صح بدنك اخوي مشرف ولاهنت على المرور
لك تحياتي