قادح شرار .. والسر في الوسام !

[عقاب العنزي]

ياقادح اهل العلم ماتبغى ابو كف ٍ شحيح = لو كنت راعي خلق ومأدب وحسن التربيه

ترى الوسام اللي معك اسمه ذهب مير الصحيح = ان الوسام اللي معك اسمه وسام الترضيه

[مقهوي]

هههههه

صح لسانك يا عقاب بداية ماوراها الا قاف نخمخ عليه

وصح لسانك قادح شرار مقدمااا والشك بين الاخوان زايل

[قادح شرار]

عاقبنا العنزي هذه ..

الله الله



أنته أشوفك تحترك شهرين ما أنته مستريح = و وقت اللقاء ماخذك أنا للطقطقة والتسلية
الحج فعلا ً ف(اعرفه) صحيح يالقلب النصيح = لكن به يوم ٍ قبل ..والأسم يوم الترويه !!

[قادح شرار]

خروووج طارئ ... وإن شاء الله ما أبطي ...

[نوآف الغنامي]

ههههههههههههههههههههه


صحت السنتكم مدد بلا عدد

واصلوا لا تقطعونهااااا


متااابع ..

..

[عقاب العنزي]

العالم اللي تنفعل لاسمعت هروج الصريح = ماترتضي شرب الهماج ولا بشرب التحليه ؟

تبا تعلمك الليال السود يالقلب الجريح = فرق القلوب المستصحه والقلوب المعديه !

[عقاب العنزي]

مقهوي

صح بدنك وياهلا ومرحبا فيك يالغالي

والشك زايل بالفعل

..

[عقاب العنزي]

خيال الصفراء

صح بدنك وشرفتني بمرورك يالذيب

تقديري الجم

..

[قادح شرار]

هههههه .

عقاب وش رايك نكمّل بكرة إن كان إنك تسمح ..

عشان مثل ما أنت خابر الليل سرا .

[عقاب العنزي]

مايخالف ونلتقي غدا ً على خير

..

[قادح شرار]

الله الله


وش ننفعل له وأنت صدرك من فعايلنا يفيح = والوضع مزري بيننا ماهو بقابل تسويه
يا طيب قلبك صدق لكن لا لقيت إنك طريح = فوق الفراش توّن من حمّى تجيك معدّيه

[معجب العتيبي]

عاقبنا العنزي هذه ..

الله الله




الحج فعلا ً ف(اعرفه) صحيح يالقلب النصيح = لكن به يوم ٍ قبل ..والأسم يوم الترويه !!


لله درك وصح لسانك من شاعر


لم ارا اجمل من هالرد الرائع


صح لسانك ياعقاب

[قادح شرار]

لله درك وصح لسانك من شاعر


لم ارا اجمل من هالرد الرائع


صح لسانك ياعقاب

أنت ليش ما ترقد يا أبو سلطااااااان . :mad:

[معجب العتيبي]

نسيت اني مراقب ياقادح؟

[قادح شرار]

نسيت اني مراقب ياقادح؟

صح .

أجل أنا اللي يبالي أرقد .. :)

[عقاب العنزي]

يوم ٍ ظهر دين الصحابه اختفى دين المسيح = ارجع على نهج الصحابه كان تبغى تزكيه !!

ياللي هقاويكم كبار اعزومكم حذرا تطيح = عزالله ان طيحتك من بعد المعزه مخزيه

[سلطان بن دحيم]

الحج فعلا ً ف(اعرفه) صحيح يالقلب النصيح = لكن به يوم ٍ قبل ..والأسم يوم الترويه


صح لسانك يا قادح شرار وبيض الله وجهك على هالرد

بيت عن معلقه

صح لسانك يا عقاب لاهنت

[معجب العتيبي]

عقاب العنزي

ياقادح اهل العلم ماتبغى ابو كف ٍ شحيح = لو كنت راعي خلق ومأدب وحسن التربيه

ترى الوسام اللي معك اسمه ذهب مير الصحيح = ان الوسام اللي معك اسمه وسام الترضيه


قادح شرار

أنته أشوفك تحترك شهرين ما أنته مستريح = و وقت اللقاء ماخذك أنا للطقطقة والتسلية
الحج فعلا ً ف(اعرفه) صحيح يالقلب النصيح = لكن به يوم ٍ قبل ..والأسم يوم الترويه !!


عقاب العنزي

العالم اللي تنفعل لاسمعت هروج الصريح = ماترتضي شرب الهماج ولا بشرب التحليه ؟

تبا تعلمك الليال السود يالقلب الجريح = فرق القلوب المستصحه والقلوب المعديه !



قادح شرار

وش ننفعل له وأنت صدرك من فعايلنا يفيح = والوضع مزري بيننا ماهو بقابل تسويه
يا طيب قلبك صدق لكن لا لقيت إنك طريح = فوق الفراش توّن من حمّى تجيك معدّيه


عقاب العنزي

يوم ٍ ظهر دين الصحابه اختفى دين المسيح = ارجع على نهج الصحابه كان تبغى تزكيه !!

ياللي هقاويكم كبار اعزومكم حذرا تطيح = عزالله ان طيحتك من بعد المعزه مخزيه

[قادح شرار]

الله الله



أبلشتني يا عقاب كل شوّي جاي ٍ لي تصيح = وتسوّلف اعلوم ٍ كثيره .. مير ماهي مجّديه
عفيت عنك لوجه ربي يا هذه التيس النطيح = ما نذبح اللي ناطحة !! ما نذبح المتردّيه

[ناصر حامد الثبيتي]

صحت السنتكم مدد بلا عدد
لاهنتوا يالوافين ومتابع لكم ولاخلا ولاعدم

[عقاب العنزي]

غرّوك ربعك ياطويل العمر في كثر المديح = وانت الحقيقه ماتفرّق ( بالضحى والتضحيه !!

يااصحابنا ياللي بدار الفور وش داعي النبيح = مدري جهل بعقولكم ولا بسوء التغذيه


صح لسانك ياقادح وتشرفت باللعب معك والقلوب اصحاح والختام عندك

تقديري

[عقاب العنزي]

سلطان دحيم , معجب العتيبي . الثبيتي

الله لايهينكم جميع وصحة ابدانكم

تقديري

..