سلام الله سلامن يوازي للمحيطات !!

[حمود الحمود]

امسي على جميع الاخوان بالخير والطارف سداد


سلام الله سلامن يوازي للمحيطات =يوازي للمحيطات من حسنه وطيبه

سلامن للشجيعين واصحاب المروات =هذولا اللي نبا غير ذولا وش نبيبه

[مقهوي]

هلا يامرحبا فيك ياراع المهمات = نيابه عن معازيبنا عزوة عتيبه
تبون الصدق مافالسماء غير المجرات = ونجم ٍ طاح من فوق ماشاله نصيبه

[الطرقي العجلان]

صح لسان الحمود ومقهوي
الصف ازهلوه

[حمود الحمود]

يدوم الك البقا وارق في روس الطويلات =على روس الطويلات كلن له ضريبه

تقوله مير من فوقها شهبٍ مضرات = مضراتٍ مخاليبهادايم عطيبه

[مقهوي]

ولا ياحمود مانحسب احساب المسافات = على غيري بعيده على مثلي قريبه
ترا من فوقها كلها رب السموات = وانا ماقول في صاحبي شك ٍ وريبه

[حمود الحمود]

استلم لاهنت واسف على التأخر



وانا مالد ياكود لاصحاب الجمالات = وغير اهل الجمالات يمي وش يجيبه

سوات اللي لهم دور راعين الشكالات = هذولا مطلبي غيرهم وش ينبغيبه

[معجب العتيبي]

الله الله

حمود الحمود نورت المنتدى

ومن طول الغيبات جاب الغنايم

صح لسانك

ولسان المبدع مقهوي

[حمود الحمود]

الله الله

حمود الحمود نورت المنتدى

ومن طول الغيبات جاب الغنايم

صح لسانك

ولسان المبدع مقهوي


النور نورك لاعدمتك اخوي معجب

صح بدنك ياكبتن وشرفتنا بحضورك

لاهنت .

[مقهوي]

زمان الطيب والمرجله ياصاحبي فات = وطيب الرجل هذا الزمن من طيب جيبه
ولا ياحمود لو راحت الدنيا ولو جات = ترا ماقدر الله على المسلم يصيبه

[مقهوي]

معجب العتيبي

صح بدنك ولاهنت اخوي الغالي