عقاب العنزي اقلط على الطاروق

[فهيد الايدا المورقي]

عقاب العنزي حياك الله ودنا بطاروق معك لاهنت


استلم



هلا يامرحبا بالوايلي في منتدي العتبان=نرحبه نحييبه وهو من جملة اخواني


نبا منك العلوم وكل كفه تحتها الميزان=انا خابرك من قوم ن لهم تاريخ شجعاني

[عقاب العنزي]

اتشرف والله يالذيب

استلم



عسى فيك البقا حنا ترانا كل ابونا اخوان = تجمعنا العوايد والسلوم وقو الايماني

لنا تاريخنا وانتم بعد من ماضي الازمان = شهد لفعولكم رمح وبعير وسيف وحصاني

[فهيد الايدا المورقي]

استلم



علامك يوم تسرقني وانا روقي من اليديان= نبا منك الصكوك وقدم الحجه وبرهاني


نويت اشكي واقدم حجتي للحاكم السلطان=تواريخ ن قديمه ورثوها لي جداني

[عقاب العنزي]

معليش على التأخير صلاة العشاء



يابن روق الاسامي نوب تركب في بعض احيان = واسامينا معروفه وانشد القاصين والداني


لوان تشكي تبا ترجع يالايداء وخاطرك زعلان = ترى العرّيف تعرف من فلان ومن فلنتاني !!

[فهيد الايدا المورقي]

استلم



ترانا من شيوخ اربوعنا وانتم بعد شيخان=لكن المشكله تكمن من الاول من الثاني


لك الله لي تواريخ ن تبا تشهد بها العربان=تواريخ ن نسطرها بحد السيف شماني

[@ـايل]

ياسلاااام ياسلااام ياسلااام ...

ابداااااااع ..شعراء جزلين ..

ابو عبدالرحمن صح لسانك ...

عقاب العنزي صح لسانك ..

واصلوو يالنشاما ...متابعين ...

........

[فهيد الايدا المورقي]

ابو مقعد صح بدنك يالغالي


والصف عندك لاهنت


تحيتي

[@ـايل]

ازهله ولاتشيل هم ..

بدوون قصوور في عقاب ..:)

........

[نوآف الغنامي]

الله الله الله


ونعم ونعم ونعم ابكم الثنين

وصحت السنتكم مدد لا عدد

واصلوا واصلوا

متااابع ..

..

[فهيد الايدا المورقي]

خيال الصفراء نعم حالك وصح بدنك



تحيتي

[عقاب العنزي]

لو اجمع كل قبيله ثم اسوي معهم استبيان = تبا ترجح لنا الكفه لكن ّ اسكت على شاني

ونعم ٍ فيكم وحنا هلا السيف الحدب والزان = مواقفنا غدت قصه تناقل عبر الازماني

[عقاب العنزي]

هايل العتيبي

صح بدنك وشرفتنا يالذيب

تقديري

[عقاب العنزي]

خيال الصفرا

ماعليك زود يالقرم واتحفتنا بحضورك الراقي

تقديري

[ابن مشيب]

الله الله

صح السانك يالايداء وياعقاب , طاروق اكثر من رائع :)


تحياتي

[فهيد الايدا المورقي]

عقاب العنزي صح بدنك والله يبض وجهك على المحاوره الطيبه



تصبح على خير



تحيتي

[عقاب العنزي]

ابن مشيب

الروعه تكمن في حضورك الراقي

تقديري

[عقاب العنزي]

بناخي الايداء

صح بدنك وتشرفت باللعب معك حقيقه

وجهك ابيض

..

[فهيد الايدا المورقي]

ابن مشيب صح بدنك والله لايهينك على المرور



تحيتي

[فلاح القحطاني]

صحت السنكم


متااابع حتى النهاااية

[حاكم الغنامي]

الله الله


صحت الالسن والقلووب

[عقاب العنزي]

فلاح القحطاني

صح بدنك وياهلا ومرحبا

[عقاب العنزي]

حاكم الغنامي

شرفتنا بمرورك يالذيب

..

[فهيد الايدا المورقي]

فلاح القحطاني


حاكم الغنامي


صحت ابدانكم جميع


تحيتي

[حمود الحمود]

محاوره جميله وشعار رائعين تسلمون على هذا الابداع وصحت السنتكم