سعود العصيمي وحمل الامانه

[علي الثبيتي]

اد الامانه يالعصيمي ياعسى عمرك يطول= واحرص ترى دنياك دواره مثل دور العجل!!
تراك تنشد في نهارن يذهل الناس ويهول= تلقاه فكتابك مسجل كل ماصار وحصل!!

[سعود العصيمي]

انا بقول الله متمسك ومع نهج الرسوول= والله يحاسب كل مخلوقٍ على قد العمل.



وانت احسب حسابك لهذا اليوم من فعل وقول =ياللي توصيني ابا اوصيك في قول وفعل.

[عنـاد الحزيمي]

ياسلااام سلم

((ماني بلاروقي ولا برقاوي))
(( انا ثبيتي جد روق وبرقا))

ههههههههههههه ..

< شطح عن المحاوره

المهم صح السنتكم . كاايف من البدايه

متاابع لـ الإستفاده ،


تحياااتي

[علي الثبيتي]

ترى الامانه ماحملها راعي القلب الكسول =ومن طبق الثنتين والله مايحالفه الكسل!!
اللي نفاه الدين مايرضونه اصحاب العقول=وشيٍ يضر بساير الاديان ينفاه العقل!!

[علي الثبيتي]

عناد ابعد البنزين عن النار
قبلك رياجيل اشطحوا وراحو فيها خخخخخخخخخخخخخخخخخخ

صح بدنك يالغالي

[سعود العصيمي]

اسمعك وادري ياعلي ياصاحبي عن ماتقول = وش حاصل ووش ماحصل ياعلي عندك علم قل.

الله يكافينا من صدوف الزمن عرضٍ وطول = والمتكل بالله غير اللي على الله ماتكل.

[علي فلاح العضياني]

الله الله الله

صح لسانك يالنشمي



و صح لسانك يا سعود

متااااابعين

[علي الثبيتي]

لونك امدير الاداره وش تقدم من حلول= نبا الكلام المنطقي والا الغلط ماله محل!!
وش يكسب الجمال فجمالن مهي قد الحمول=تسمع رغاها من زراها كل ماشد الحمل!!

[ابو لمار]

الله الله الله

صحت السنتكم وقلوبكم يامبدعين

طاروووق متميز معنى ومبنى

ابو فهد
صح لسانك لين ترضى
مبدع ولاغرابه

ابو طايل
صح لسانك لين ترضى
مبدع ووافي

الاشراف جاب المشاكل يابو طايل
واشغلك تقاااعد ههههههه


متاااابع للابداع




تقبلوا مروري

[مشاري الكرشمي]

طيب طيب متابعين

[سعود العصيمي]

قلها لرجل ماعرف باب الخروج من الدخول =ماعندنا ياعلي للمخطي لاسمن ولاعسل.




حنا ليا قمنا فعلنا والرجال الها فعول = واللي فعوله ماتدسم شاربه يشبع بصل.

[سعود العصيمي]

النشمي=


اد الامانه يالعصيمي ياعسى عمرك يطـول=واحرص ترى دنياك دواره مثل دور العجل!!
تراك تنشد في نهارن يذهل الناس ويهـول=تلقاه فكتابك مسجل كل ماصـار وحصـل!!





سعود العصيمي =


انا بقول الله متمسك ومع نهـج الرسـوول=والله يحاسب كل مخلوقٍ علـى قـد العمـل.
وانت احسب حسابك لهذا اليوم من فعل وقول=ياللي توصيني ابا اوصيك في قـول وفعـل.



النشمي=


ترى الامانه ماحملها راعي القلب الكسول=ومن طبق الثنتين والله مايحالفه الكسل!!
اللي نفاه الدين مايرضونه اصحاب العقول=وشيٍ يضر بساير الاديان ينفاه العقـل!!




سعود العصيمي =



اسمعك وادري ياعلي ياصاحبي عـن ماتقـول=وش حاصل ووش ماحصل ياعلي عندك علم قل.
الله يكافينا من صدوف الزمن عـرضٍ وطـول=والمتكـل بالله غيـر اللـي علـى الله ماتكـل.




النشمي=


لونك امدير الاداره وش تقدم مـن حلـول=نبا الكلام المنطقي والا الغلط ماله محـل!!
وش يكسب الجمال فجمالن مهي قد الحمول=تسمع رغاها من زراها كل ماشد الحمل!!



سعود العصيمي =



قلها لرجل ماعرف باب الخروج من الدخول=ماعندنا ياعلي للمخطي لاسمن ولاعسـل.
حنا ليا قمنا فعلنـا والرجـال الهـا فعـول=واللي فعوله ماتدسم شاربه يشبـع بصـل.



ابوفهد صح لساااانك


وبيض الله وجهك ،،

[حاكم الغنامي]

الله الله


صحت الاللسن والقلووب

رائع

[رعد الروقي]

ترى الامانه ماحملها راعي القلب الكسول
ومن طبق الثنتين والله مايحالفه الكسل!!




قلها لرجل ماعرف باب الخروج من الدخول
ماعندنا ياعلي للمخطي لاسمن ولاعسـل.


يا سلام





النشمي // سعود العصيمي






صحت السنتكم

[قادح شرار]

يا سلااااام سلّم ..

صحت ألسنكم يا عتابه ..