حنا ضرينا بالشبب واللي يبا نار وشبب = ياقف على ساق وقدم والعرف لاهل المعرفه !!

[زياد المزرمي]

الليله الليله نبا نلعب على عز وطرب = وليا انتها الطاروق ياليت الاداره تحذفه

حنا ضرينا بالشبب واللي يبا نار وشبب = ياقف على ساق وقدم والعرف لاهل المعرفه

[عقاب العنزي]

الليله الليله يبين الراس ويبين الذنب = وتبا تبيح سدود بعض العالم المتعجرفه

ياللي ضريتوا بالشبب هذا ترى سلم العرب = مير استريحوا يامطير اهل الهروج المكلفه !!

[زياد المزرمي]

اللي علانا يرفع خشيمه ويفتل بالشنب = نفرك خشميه والشنب من غير نشده ننتفه

مالبسك ثوب الستر الا حصى مهد الذهب = الضلع يصدر له ذهب والبنك زايد مصرفه

[حاكم الغنامي]

الله الله


صحت الالسن والقلووب


متابع

[زياد المزرمي]

حاكم الغنامي

صح بدنك يالغالي

ومشكوور على المرور

[عقاب العنزي]

الاتصال مش ولا بد يفصل ويرجع لكن العذر منك لو تأخرت



انا هنا نايب عن لسان البلاغه والادب = لكن ّ كيف افهّم العالم وهي متخلفه

ماعاد في مهد الذهب ياصاحبي كيلو ذهب = ماباقي ٍ غير النحاس اللي ربوعك تصرفه

[عقاب العنزي]

حاكم

ياهلا ومرحبا وصح بدنك

تقديري

[عقاب العنزي]

اخوي زياد

حقيقه الاتصال مايجمّل مره لكن الوعد الليله يالذيب

تمسى على خير

[فايز بن سرحان الثبيتي]

مالبسك ثوب الستر الا حصى مهد الذهب
الضلع يصدر له ذهب والبنك زايد مصرفه

نعم نعم يازياد كلاااااااااااام عليه الكلام

صح لسانك


ماعاد في مهد الذهب ياصاحبي كيلو ذهب
ماباقي ٍ غير النحاس اللي ربوعك تصرفه



الله الله الله


هذي والله القاضيه

ياعقااااااااااااااااااب

لله درك لله درك

[زياد المزرمي]

ماني بخابر في شمال المملكه ذيبٍ قنب = الا حصيني ٍ عرضلي يا جماعه بطرفه

يا عقاب ما والله تشوف وعينك بليا هدب = النيل ما ينقص لو انك طول عمرك تغرفه

[زياد المزرمي]

هلا بك يا عقاب

ان كنت متواجد ابشر يالغالي

[زياد المزرمي]

ابن سرحان

صح بدنك يالغالي

ومرورك يشررفنا

[عقاب العنزي]

سموني اهل العرف قبل اعرفك ( بالرقم الصعب ) = ماني حصيني وابن وايل بالمواقف تعرفه

دام المحيط الاطلسي موجود يالنيل العذب = وجه التقارن بينهم يازياد ماهي منصفه

[عقاب العنزي]

ابن سرحان الثبيتي

صح بدنك واشادتك وسام على صدري لاسيما من شاعر بحجمك

تقديري

..

[محمد النخيش]

الله الله




طاروق منتاز جدا جدا



وشعراء منتازين




صح ألسنتكم متابع...

[سعود العصيمي]

ماني بخابر في شمال المملكه ذيبٍ قنـب
الا حصيني ٍ عرضلي يا جماعه بطرفـه
يا عقاب ما والله تشوف وعينك بليا هدب
النيل ما ينقص لو انك طول عمرك تغرفه


زياااد الشطيطي

صح لسااانك راائع بلا شك.


سموني اهل العرف قبل اعرفك ( بالرقم الصعب )
ماني حصيني وابـن وايـل بالمواقـف تعرفـه
دام المحيط الاطلسـي موجـود يالنيـل العـذب
وجه التقـارن بينهـم يازيـاد ماهـي منصفـه



عقاااب العنزي


صح لسااانك مبدع

[عبد الله الدغيلبي]

يا سلام يا سلام

طاروق رائع

وصحة ألسنتكم

شعار مبدعين

ومتابع ..

[زياد المزرمي]

حنا مطوعة الصعب من باب باس وبالغصب = خصيمنا ماله سوا دمع المحاجر يذرفه

ترا المحيط الاطلسي مالح ولا هو منشرب = الخير بالنيل العذب ما دوّجت به سلحفه

[زياد المزرمي]

محمد النخيش

صح بدنك يالغالي

ومشكور على المرور العطر

[زياد المزرمي]

سعود العصيمي

صح بدنك يالغالي

والرائع مرورك الكريم

[العتيبي أبا غيث]

بيض الله وجيهكم

شعار ولا فيكم حيلة

فالكم البيرق

[زياد المزرمي]

عبد الله الدغيلبي


صح بدنك يالغالي


والرائع مرورك العطر

[علي فلاح العضياني]

الله الله الله



صح لسانك يا زياد

و صح لسانك يا عقاب


شعراء مبدعين بكل صراحه


تحياتي

[زياد المزرمي]

العتيبي ابا الغيث

صح بدنك يالغالي

منورنا بمرورك العطر

[عقاب العنزي]

والله ونعم ٍ مير لاجوكم هلا السيف الحدب = فيه الذي شاف هدفه فيه الذي ضاع هدفه ؟

مدري تحبون الحجف ولاتحبون الرطب = يااصحابنا ياللي ورا مهد الذهب متجردفه

[عقاب العنزي]

محمد النخيش

صح بدنك وياهلا

..

[عقاب العنزي]

سعود العصيمي

صح بدنك والابداع انت منهله

..

[عقاب العنزي]

عبدالله الدغيلبي

صح بدنك وشرفتنا

..

[عقاب العنزي]

ابو غيث

وجهك ابيض وفالك المليون

..

[عقاب العنزي]

علي العضياني

صح بدنك وشهادتك وسام من شاعر بحجمك

..

[زياد المزرمي]

صح اللسانك يا عقاب

وما علاكم زود

نترك مع اللي طلبك:)

[عقاب العنزي]

صح بدنك وياهلا ومرحبا يازياد وتشرفت باللعب معك

تقديري

[سلطان بن دحيم]

كلام جميل

صحة السنتكم

مبدعين اثنينكم