تقدم ياعلي عندي لك علوم

[عبدالله الاصعر]

ياسلام الله على اللي لهم مجد(ن)تليد=عزوة كل العرب تعترف بمجادها
ياعلي لو بكره يموت صاحبكم رشيد=السفينه بعد ابو زيد من يقتادها

[نوآف الغنامي]

الله الله

والله لا يعوووق بشر :)


صح الله لسانك يالاصعر وعلى شانك ..


وننتظر على ..

متاااابع ..

..

[علي فلاح العضياني]

مرحبا بالشاعر اللي ليا غنّا القصيد=ما يغنّي من بيوت القصيد جدادها
لا تكرّر في كلام الرياجيل و تعيد=الخبل طبعه ليا أوحى قصيده عادها

[نوآف الغنامي]

لا تكرّر في كلام الرياجيل و تعيد=الخبل طبعه ليا أوحى قصيده عادها

ههههههههههه

لله درك يبو فلاح

صح لسانك وعلى شانك ..

..

[عبدالله الاصعر]

ياعلي يسعد مساك وعسى حضك سعيد=المعاني مانت جالس على مرصادها
احمد الله واشكره تاجر وعندي رصيد=ما سرقت ولا طلبت العرب من زادها

[علي فلاح العضياني]

خيال الصفراء

صح بدنك طال عمرك و لا هنت على تواجدك المشرف

[عبدالله الاصعر]

صح بدنك ياخيال الصفراء


ولك تحياتي

[سعد الذابح]

الله الله

سرا ليلك يالاصعر

انا في صفك

مبدع يابو فلاح بس تراني في صف الاصعر

[عبدالله الاصعر]

سعد الذابح


صح بدنك


وبيض الله وجهك


لك تحياتي

[علي فلاح العضياني]

أنت شاعر مار لك نظرةٍ ماهي بعيد=ليتك تبيع الذلول و تبيع شدادها
فيه شاعر مع هل الشعر من نوعه فريد=و فيه شاعر ما نقص ربعه و لا زادها

[علي فلاح العضياني]

هلا والله بسعد الذابح





يالله حيّه


المهم حضورك ما يهم في اي صف


تحياتي

[سعد الذابح]

أنت شاعر مار لك نظرةٍ ماهي بعيد=ليتك تبيع الذلول و تبيع شدادها
فيه شاعر مع هل الشعر من نوعه فريد=و فيه شاعر ما نقص ربعه و لا زادها

هذا والله العلم

الليل يالاصعر لازم ترد

[رعد الروقي]

الاصعر //علي العضياني






صحت الالسن مدد




متابع هنا

[عبدالله الاصعر]

نضرتي نضرة صقر كل مايشهر يصيد=دايم الجزلات في مخلبه يصطادها
انت شاعر فالمعاني ذكي مانت اببليد=مار انا اللي لازم اخطامها وقيادها

[سعد الذابح]

نضرتي نضرة صقر كل مايشهر يصيد=دايم الجزلات في مخلبه يصطادها
انت شاعر فالمعاني ذكي مانت اببليد=مار انا اللي لازم اخطامها وقيادها

الله الله

بيض الله وجهك يالاصعر

عزالله انها الضربه القاضيه

[عبدالله الاصعر]

سعد الذابح

وجهك ابيض

لكن والله مايقضي عليه شي


هذا جيت سما


الله يخارجنا منه


لك التحيه

[جمال العضياني]

الله الله
الله الله
الله الله

صح لسان الاصعر والفالح
واصلوا متابعين



دايم انا مااحضر الا في الوقت الضايع!!

[علي فلاح العضياني]

ودّي انّك يالعتيبي تفيد و تستفيد=فكّر بمصدارها من قبل ميرادها
دايم علومك على خبرنا مابه جديد=و الديون الاوله ما دفعت أقصادها

[علي فلاح العضياني]

هلا والله بجمال


يالله حيّه

بالعكس جيت بوقتك هههههههههه

[جمال العضياني]

الليل سر الليل يالاصعر وازهل الصف .

خل الفالح يغني لحاله!!!!

[عبدالله الاصعر]

صاحبك ظابط برتبة لواء ماهو عميد=قايد القوات ماهو بمثل افرادها
كل ليل لبيتك وكلمتك هاذي تعيد=وان بغيت حقوقك اتجيك في ميعادها

[علي فلاح العضياني]

الله الله

الله الله


صح لسانك يالاصعر

و بيض الله وجهك و تشرفت بمجاراتك طال عمرك

[عبدالله الاصعر]

جمال العضياني صح بدنك


وتسلم يالغالي


ولك تحياتي وتقديري

[عبدالله الاصعر]

ابو فلاح الشرف والله لي انا


باللعب معك ولاهنت يالغالي


تصبح على الف خير

لك تحياتي وتقديري