ياقادح الناس بعدك كم خذت من بعير = وانته على حالتك ولااختلف لونها

[عقاب العنزي]

السلام عليكم

مسا الخير



ياقادح الناس بعدك كم خذت من بعير = وانته على حالتك ولااختلف لونها

لكن خلك مع السلمان وانحر مطير = ازريت في لابتك لاتملي عيونها

[نوآف الغنامي]

الله الله


صح لسانك مدد بلا عدد

وعلى شاااانك


وننتظر قااااادح ..

..

[علي الثبيتي]

عقاب العنزي صح لسانك
وننتظر ابوعاتق وصح لسانه

[عقاب العنزي]

خيال الصفرا

صح بدنك وياهلا ومسهلا

تقديري

..

[عقاب العنزي]

النشمي

صح بدنك ولاهنت يالغالي

..

[قادح شرار]

الله الله


بعير يقوى الحمل , وبعير ما فيه خير = وبعض البعارين ودّك لو يذكّونها
أنته , وشاهر , وابن مجوّل ..ومثلك كثير = عاداتكم لازموها !! لا تخلوّنها

[قادح شرار]

جميع الأخوان اللي شرفتوا الصفحة ..

لكم الشكر الجزيل ..

[قادح شرار]

نلتقي الليلة يا عقاب إن شاء الله ..

[عقاب العنزي]

وهو كذلك الليله الوعد ان شاء الله

تقديري

..

[عقاب العنزي]

مالوم ربعك يوم ٍ خلوك رتبة خفير = منته بندّ الذياب ان حدت اسنونها

ياطير ياللي إلك عامين عاجز تطير = خلك في شونك وخل الناس في شونها

[علي الثبيتي]

الله الله
صحت السنتكم

[عقاب العنزي]

النشمي

شاكر لك مرورك المشرّف

تقديري

[قادح شرار]

ههههههه . الله يكافيك ..

الله الله



الحال ميسور والدنيا تراها بخير = وإن عوّدت للذياب .. امفقّع عيونها
ودي أجاملك وأقول أنت شاعر خطير = مير البلا في رحاتك ..بان مطحونها !!

[قادح شرار]

حيا الله أبو فهد ..

منوّر الصفحة يالعود ..

[عقاب العنزي]

طيب طيب



يامكبر الفرق ياواد الرشا مع جرير = ياعسرها مير بعض احيان ياهونها

ماني بحاجة مجامل دام سيفي شطير = لكن روس العرب لاتغادر امتونها

[قادح شرار]

الله الله


كنت أحسب إنك بحر . لكنك أثرك غدير = ما أنته بقد الهقاوي و لا انته ب(دونها) !!
إن طعتني رد سيفك يا ولد فالجفير = كم ناس وقت الملاقا خابت ظنونها



يا صبح أصبح .. صح لسانك يا عقاب .. وتصبح على خير ..

[عقاب العنزي]

نتناقل الشعر قبل البل تعرف الشعير = لكن ّ سوق المعاني حسب قانونها

ياثبيت بعد المعزه والمقام الكبير = طاحت متاريسكم وانهدت احصونها

صح بدنك ياقادح وتلقى خير


تقديري

..