امولــــــــه [الأرشيف] - الهيـــــــــــــلا *** منتدى قبيلة عتيبة

ابو خالد الدلبحي

17-May-2004, 09:02 PM

احبة الشعـر.. طـاب مساءكم..

.
.
.. (( امـولـه )) .. (( طفلة ))...

.. تستعـد للأحتفال بعـيد مروركـم من هنـا..

.. ( شماليه )..!

.. ولدت في صالة احـد المطارات عندمـا مــرت ... (( امـولـه ))..

قصيده لشاعر/ ممدوح الراوي

اعجبتني فتمنيت ان تحوز على رضاكم

مـرت تجـر العطـر والثقـل والزيـن=وانا مثـل كل..الشبـاب .. وقفـوا لـه

عطـره يـذر العطـر علـى البساتيـن=ثقله يسولف عن نسب..عـن.. حمولـه!

فستانهـا ذايـب بخصـره مـن الليـن=وخصره من الفستان .. ياخـذ عمولـه!

ايـوالله انـي حاسـدك .. يالفساتـيـن=ياحظك.. بخصره ! بعرضه ! بطولـه !

بعيونها سيوف العـرب يـوم.. حطيـن=منها النفاذ .. (( بجلد قلبك )) .. بطوله!

اقفـت وانـا عيني..عليهـا ل..هالحيـن=مالوم عيني (( ياخذ العقل )) .. زولـه

وناديتها.. (( يامترفه )) وبطـرف عيـن=قالت:انا قلت: ايه قالـت:..(( امولـه ))

(( اموله )) ميّة مرحبـا قالـت: اهليـن=(( اموله )) عندي بيت.. ممكن اقولـه ؟

قالت لي: قوله قلت:الانسان..مـن طيـن=اما انك انتي طين.. ماهي..( امْعقوله )!)

انتـي اظنـك بالعطـر .. تستحمـيـن=واجـزم بأنـك بالجمـال .. امْغسولـه

شوفي شكـل شفايفـك .. قاهـر التيـن=والجمر يكـوي .. والثمـان امْعسولـه

قالت: منين؟ وقلت لـه: يعنـي.. منيـن=ماتعرفين اللي ذبل.! .. (( من ذبوله ))!

قالت وشسمك بس تمتمت..(( ميميـن ))=وآخر ثلاث حروف..(( دوح ))..امْغيوله

قالت: معي للقاهره ؟ قلت له:.. وين !!=عادي.. تقول القاهره ...( بكل سهوله )!

(( امل )).. انا رجال بلشـان.. بالديـن=ويني ووين القاهره... (( يامْهبوله ))...

اقساط.. وحسابـات.. والراتـب 2000=وحزمة مشاكل .. اتعبتني ... حلوله ...

(( اموله )) روحي لازم انتي تروحيـن=انتي المطار مصاحبك .. من طفولـه...

و تذكريني عنـد .. الاهـرام .. تكفيـن=تذكري حـال النحيـل.. و.. نحولـه...
.

.

(( اموله )) انتـي تذكـره لاتحجزيـن=روحي (( كـذا )) تستقبلـك اي دولـه

.