على روس المراقيب يطلع كل قرناس"

[احمد الزايدي]

على روس المراقيب يطلع كل قرناس=ويعرف فعله (ا)بكل وقت (ا)وكل ديره

وأنا تاجر ذهب ماأشتري وابيع فنحاس=أتاجـر فـالـذهـب والذهب يبغا بصيره

[طائر الاشجان]

تهيٌض يالعتيبي .. نصيتك عاصب الراس = ورجل صدٌ ياصاحبي ماجاك خيره
لقيت فالخلا منعزل وتصيح للناس = ولاكنٌك مع الناس في شبه الجزيره

[احمد الزايدي]

نصيت الله يحييك ياعباس فرناس=أرحب بك وربي عليم(ن) بالسريره


لا عز الله ماقلت الصحيح ومعك وسواس=وكل الناس شهدو لمن يشعب بعيره

[نوآف الغنامي]

الله الله

صحت السنتكم

واصلوا واصلوا

..

[طائر الاشجان]

عساكم للبقى والله يجنبٌكم الباس = وتحيون فـ رخا حفظ ربي والستيره
علوم الناس تبقا حبر في وسط قرطاس = ليا هب الهوا .. تسبق الطير فـ مطيره

[طائر الاشجان]

خطاء املائي في البيت الاول نرجوا التعديل من المختصين

لقيت فالخلا = لقيتك فالخلا

[طائر الاشجان]

خيال الصفرا

حياك الله شرفت ونورت وصح بدنك

[احمد الزايدي]

ياطائر صارت علومك أخماس مع سداس= أضنك يالسنافي شربت اليوم بيره

وموت أكليب جت سبته من سهم جساس=بعدها قامت الحرب بجيوش مغيره

[طائر الاشجان]

هههههه مغير حليب اباعر


انا ماجبت غير الذهب والدرٌ والماس = ولاكنٌك تدٌور على حرق الظفيره
نبا منك المكاسب لقيتك مصدر افلاس = ونفسي ويش تكسب من الروح الفقيره

[ولــ منجوم ـــد]

صحت الآلسن

وعشااااااااااااكم ساااااالمين

يالقروووووم

[احمد الزايدي]

أنا ادور تراني على التقدير لاباس=والاشفت الذهب مامعك حبة شعيره


طموحك في دجاجه معاها رز أبو كاس=لا تتكبر دام الكبر تعرف وش مصيره

[احمد الزايدي]

ولــ منجوم ـــد


صح بدنك يالغالي


لك مني فائق الاحترام والتقدر

[احمد الزايدي]

طائر الأ شجان


صح السانك ، والنهايه عندك لاهنت يالغالي


لك شكري وتقديري

[طائر الاشجان]

ترا قاع البحر ماوصله غير غطاس = ومن نظره يعرف البحور الي غزيزه
ومن باب التواضع عطيتك ثوب واللباس = ابيك تصير بكره مع شيوخ العشيره

[طائر الاشجان]

احمد الزايدي

صح بدنك وتشرفت بمجاراتك ولاهنت يالغالي

[طائر الاشجان]

ولد منجوم

حياك الله شرفت ونورت