والضعوف اللي منول تجي خلف النزول .....عانهـا وسـط الدوايـر تجـر عبيهـا

[آلاد غنـــام]

الزمـان الشيـن هـذا يبـوه كـل زول=غير عميـان البصيـره تلاعـب غيهـا
انت ما شفت اختلاف الليالي يا مهبـول=شف وتلقا ميـت النـاس ياكـل حيهـا
والضعوف اللي منول تجي خلف النزول=عانهـا وسـط الدوايـر تجـر عبيهـا
والصديق اللي مصادقك اله عشرين حول=شجـرهٍ ترقـد تحتهـا ويذهـب فيّهـا
مير لا تبني البنايه علـى درب السيـول=كـم قليبـاً عقـب سيلـه تنـادا طيهـا
وعرف انك يا ابو قلبين لو عمرك يطول=الليالـي السـود دارت عليـك رحيهـا
والمهم انصحك رافق حكيميـن العقـول=الرجـال اهـل المـروه ترافـق زيهـا
والردي يخذلك وهو مع الناس مخـذول=وان جزيته بالحسانـي جـزاك بسيهـا
وان بغيت من النضا زاملـه دور ذلـول=وخـل بالـك لصلهـا لا يغـرك نيهـا
والعلوم البايهه لا تصيـر الهـا رحـول=كبهـا ويجـيـك بالبايـهـه ركبيـهـا
ونفسك ارفع قدرها لو يقول اللي يقـول=لا تخليـك المخاليـق بـيـن لحيـهـا
وان نصوك من النشاما رياجيل زحـول=الكرامـه كـان تقـدر عليهـا هيـهـا
مير جعل بلادنا الشرع فيها مـا يـزول=من حدود الشـرق فيهـا ليـا غربيهـا
دوله تطبع مناهج علـى نهـج الرسـول=أمـنٍ فيهـا المواطـن وأمـن طرقيهّـا


للشاعر / مقحم بن دحيم الغنــــــامي

[محمد العتيبي]

صح لسان الشاعر / مقحم بن دحيم الغنامي

وصح لسانك يالغالي
..

[آلاد غنـــام]

انت طيب يامحمد شكرا

[ابن صنهوت]

صح السان مقحم وسلمت يا بن غنام كلا من ذهب

[سلطان نايف العضياني]

والضعوف اللي منول تجي خلـف النـزول
عانـهـا وســط الـدوايــر تـجــر عبـيـهـا


هنا مربط الفرس يالاد غنام


مشكور على النقل

[أبونواف]

مشكور أخوي ماقصرت على النقل .

[سلطان بن دحيم]

صح لسان الشاعر ولاهنت على النقل

[آلاد غنـــام]

ابن صنهوت

طيب ووافي