يا باغي الخير حياك الله مر على الاقتراح

[ابو محمد الدعجاني]

السلام عليكم ورحمة اله وبركاته

صبحكم الله بالخير جميع اعضاء مشرفين زوار

بصراحه يا اخوان كل قبيله يحقلها انها تتفاخر بتاريخها وامجادها وبطولاتها

والهيلا ولا فخر لها تاريخ تعجز كثير من القبايل عنه وفعلها حدر السيف

الحدب ما اخذته بطيب ..


ولكن الحين حنا الله انعم علينا بالاسلام والامن والامان وعندنا خطر يهدد

كل القبايل بدون استثناء والحمدلله الحين العتيبي والشمري والقحطاني

والمطيري و العجمي والعنزي والظفيري وووووووووووووالخ

والمعذره من كل القبايل اللي ماذكرتهم بالاسم كلهم اخوان بالدين

والمله وايضا الوطن الواحد ليه نعود للجاهليه الاولى ونجيب المواضيع

اللي تجرح لحمتنا وتفرق شملنا وتزرع فينا الكره والله يا اخوان انا ما ابري

نفسي صحيح لي ردود في هالمواضيع وجرتني الحميه الجاهليه ولكن

ما استحي لا ذكرت غلطي وتعلمت منه وتركته ..

والله يا اخوان انا بنعمه كبيره اولها ان اكثر القبايل دينهم واحد وسلومهم

وحده وطبوعهم ماتختلف كثير عن بعضها ..

ليه اجل انتناحر بماضي مرير ووقت جاهليه الله لا يعوده علينا وعلى كل

مسلم ونجيب طاري ماضي اسود ..

يا اخوان مادام الله انعم علينا بالمله الصحيحه والدين القيم لازم نتحابب

في الله ونلم الشمل بذكر المحاسن ونترك المساوء..

يا اخوان والله انا لاقرينا هالمواضيع اللي تثير الفتن انا نكره الناس ويزيد

كرهنا في بعض والنتيجه وشهي امه محمد صلى الله عليه وسلم

واحفاد الصحابه رضوان الله عليهم يتفاخرون بالجاهليه الاولى اللي

ماتشبع ولا تغني من جوع ..


اقتراحي هو ان اي موضوع او قصيده او محاوره تسيء لاي قبيله يتم

حذفها يعني نسوي جرد عام على المواضيع بالمنتدى ..

لازم نبدي بنفسنا وهذا خير والخير محد يرده وهذي عوايدنا من قديم

سباقين بالطيب .

وسلامتكم.

دعوها فانها نتنه

ان الله لا يغير في قوم حتى يغيروا ما في انفسهم

اخوكم ::ابراهيم الدعجاني

[ولد المزاحمة]

انا معك وبقوة انا اعتبرها امور لاتغني ولاتسمن من جوع لأنها لاامور رحلت مع الذين رحلوا ولكن في هذا الوقت ليس الفتى من قال كان ابي ولكنه من قال انا . والتاريخ محفوظ للجميع

اخوي ابراهيم بيض الله وجهك وهذي بادرة طيبة تحسب لك وان شالله لك اجر.

[إستراحة محارب]

معكم قلباً وقالباً

[ابو محمد الدعجاني]

انا معك وبقوة انا اعتبرها امور لاتغني ولاتسمن من جوع لأنها لاامور رحلت مع الذين رحلوا ولكن في هذا الوقت ليس الفتى من قال كان ابي ولكنه من قال انا . والتاريخ محفوظ للجميع

اخوي ابراهيم بيض الله وجهك وهذي بادرة طيبة تحسب لك وان شالله لك اجر.


جزاك الله خير اخوي ولد المزاحمه وشاكر ردك الطيب

[ابو محمد الدعجاني]

معكم قلباً وقالباً


اخوي استراحة محارب بيض الله وجهك وشاكر رد الطيب

[ابو محمد الدعجاني]

تمنيت ان القى رد او تاييد من الاداره او من المشرفين

[د/ نايف العتيبي]

ابــــن غزاي
طيب ولا يجي منك إلا الطيب
لاشلت يمينك على الدرر
هـــكذا العقلاء دائما..
الفخر بما يحقق المسلم لدينه ووطنه
وليس بالتراشق والذم وسباب الآخرين،،، وأمجاد السابقين
نحييها بالازدياد في المحبة والدين والبراءة من أفعال الجاهلين
فالأخلاء بعضهم لبعض عدو يوم القيامة إلا المتقين ..
افعلوا الخيرات وحققوا المنجزات هي التي تبقي ذكركم ومجدكم
إلى يوم الدين ..

بارك الله في مسعاك ابن غزاي وتقبل احترامي

[ابو ضيف الله]

ابن غزاي جزاك الله كل خير وبارك فيك
وهذا دليل انك اصيل وفيك خير ولا تخاف من كلمة الحق

وانا اضم صوتي لصوتك

[ابو محمد الدعجاني]

اخوي الدكتور نايف

اخوي ابوضيف الله

سعدت برايكم ومشاركتكم دمتم بالخير دائما