حياك جاي ياطائر الاشجان

[المكافح]

سلام من عد غزير المجمي=ماغاض جمه لو تسعين قطان


ياطائر الاشجان ياولد عمي=سمعت لي فالمنتدى حس دندان

[سلطان بن دحيم]

الله الله

صح لسانك

مبدع بس يخرب عليك تنسيق البيت كنك ما تبانا نقراه هههههههه

[طائر الاشجان]

المعذره ياولد العم توني اشوف بدعتك


الله الله


يامرحبا والخير يمٌك ويمٌي = في ظل ابو متعب ونايبه سلطان
ان كانها فالمنتدي ماتهمٌي = لاسال واديها ولا هلت امزان

[طائر الاشجان]

حياك الله ياسلطان ومبروك بشت الاماره :)

[المكافح]

دام البقا ياعاصبين المعمي= في ظل ابو متعب سلايل كحيلان


وش رايكم فاللي شرب مايسمي= ويرفع عصاته فوق راضي وغضبان

[طائر الاشجان]

لاخير في بندق تهف وتزمي = نصله ولو فيها ثلاثين نشيان
الي ركزها فوق متنه ويرمي = زاده على الي كان شرهه وحقران

[المكافح]

كفو ياطاير بالفعل ماتذمي= حنا عتيبه مرجحة كل ميزان


دمه حاشا ماهو مطابق لدمي= ماضاع حق وقافي الحق ديان

[طائر الاشجان]

والنعم ياربعي ويا كل هميٌ = الارض ودي مابها غير عتبان
والي يخص الناس لازم يعمٌي = حتى ماينقد فوقنا كل شرهان

[حاكم الغنامي]

الله الله


صحت الالسن والقلوب


متابع

[المكافح]

به حية(ن) تنفث على الناس سمي=الحيه ام جنيب مدادة لسان


عن سمها لازم تحط المكمي= والا نداك يصير ياطاير احزان

[طائر الاشجان]

حافظ طريقي يابيض الوجه صمٌي = والي تمٌد لسانها موتها حان
لوٌ الضواري كلها لي تلمٌي = ماغيٌرت فسمي وانا طير الاشجان
مالله كتب نلعب مباشرة :)


صح لساانك يالمكافح وتشرفت بمجراتك ياولد العم ولنا لقاءات ان شاءلله

[المكافح]

عز الله انه يشرفني اللعب معك ياولد العم والحقيقه انا المستفيد من خبراتك اولا واخرا والله لايحرمنا منك ولا من مجاراتك يالغالي

[بندر المرشدي]

صحت السنتكم