اقرب يا ناصر لا تذاير من بـــعـــيـــد ...

[علي فلاح العضياني]

طارروق يصلح لك من طواريقك

ههههههه


اقرب يا ناصر لا تذاير من بعيد=نبا نعنّ الخيل في ميدانها
طرحك ربّي في يد الخصم العنيد=اللي فعوله ما اتّقى برهانها

[حاكم الغنامي]

الله الله


صحت الالسن والقلووب


متابع

[ناصر المرشدي]

انت وان طمرت في حلقي الله يعين عليك

ههههههههههههه

يهيب ياللي لايمل ولايهيد=تقول الافعى معطيته لسانها
حرارة
تحت الحراره وش تسوي يالجليد=ماتاصل الشعله ولادخانها

[حاكم الغنامي]

انت وان طمرت في حلقي الله يعين عليك

ههههههههههههه

يهيب ياللي لايمل ولايهيد=تقول الافعى معطيته لسانها
حرارة
تحت الحراره وش تسوي يالجليد=ماتاصل الشعله ولادخانها



ههههههههههههههههههههه


ياســـــــــــــــــــــــلام صح لسااااااانكـ

[نوآف الغنامي]

هههههههه


الله الله

صحت السنتكم

ابداع لا يستغرب من الطرفين !!

واصلوا ..


متاااابع ..

..

[علي فلاح العضياني]

تهبا و يهبا كل شيطانٍ مريد=مدام نفسك راقصٍ شيطانها
ان كنت تقصدني تراك أكبر بليد=و ان كنت تقصد روحك ارفع شانها

[مرزوق حمدان العتيبي]

..
.

الله الله
كلكم مافيكم حيله ...
ربي وربكم الله ..
..

[ناصر المرشدي]

من زاود ازود منه لايمكن يزيد=اوزن قدر روحك على ميزانها
هذا على فلاح فالح لاجديد=يطيح قدم الحبه ونيشانها

[ناصر المرشدي]

حاكم الغنامي

شرفتنا بتواجدك الله لايهينك

وحنا بلشنا مع السارفه هذا

[ناصر المرشدي]

خيال الصفرا


لاهنت على المتابعه

وصح بدنك

[ناصر المرشدي]

مرزوق


حياك الله


وينك يارجال مالك شوفه

[علي فلاح العضياني]

مفروض ما أغنّي مع أمثالك قصيد=ألعب مع رجالٍ طوال أيمانها
ناصر ليا شفته ... ذبحت الشاه عيد=أوطّي الخوصه على لحيانها

[بندر المرشدي]

ياسلام ياسلام لقاء حامي الوطيس

[علي فلاح العضياني]

هلا والله



يالله حيّ ابو محمد يا مرحبا

[علي فلاح العضياني]

حياك الله يابو سلطان

[ناصر المرشدي]

يقول لي عرفي ياجعلك ماتفيد=وش الك فاللي كلمته ماصانها
الناس تبدع من فكر وانته تعيد=مع عمتك طول الحياه وزانها

[نايف بن ملحق الثعلي]

الله الله محاوره
رائعه والليل الليل

[علي فلاح العضياني]

من احتكاكي معك تقدر تستفيد=بكره تجيب من العلوم سمانها
أعيدها توكيد للعلم الاكيد=ترى الرساله واضحٍ عنوانها

[ناصر المرشدي]

نيتك من كثر التقلب ماتبيد=ياللي لحنك تجيبه من الحانها
عصاك ماهي سيف من خضر الجريد=وانته ماترفعها وطيبك خانها

[عبدالله الجـــذع]

الله اكبررررررررررررررر


ابو فلاح وناصر


لله دركما اينما حليتما

ابداع منقطع النظير بحق

متابعين

[شـــلـــهوب]

علي العضياني


ناصر المرشدي


وطاروق شرس


صحت السنتكم ومتابعين



الا ياعلي ماعينت موضوع الاصعر؟ :)

[علي فلاح العضياني]

زبيده اللي عند هارون الرشيد=تشري له المقضاه من دكانها
لوّ الجنازه تونس السيف الحديد=صاحت يا ناصر و ازعجت جيرانها

[ابو لمار]

الله الله

علي فلاح

ناصر المرشدي

صحت السنتكم وقلوبكم


مبدعين مبدعين


متاااابع للفائده



تحيااتي لكماااا

[ناصر المرشدي]

الله يبارك في حياة ام ابو زيد=غطت عصيدتها على ورعانها
اثر فعولك فالجنايز ياشديد=دعواك قفل دونها بيبانها

[عبدالله الجـــذع]

زبيده اللي عند هـارون الرشيـد
تشري له المقضـاه مـن دكانهـا
لوّ الجنازه تونس السيف الحديـد
صاحت يا ناصر و ازعجت جيرانها

وش اقووول

الله يبارك في حياة ام ابو زيد
غطت عصيدتها على ورعانها
اثر فعولك فالجنايـز ياشديـد
دعواك قفل دونهـا بيبانهـا


ابداااع x ابداااع

[سلطان بن ثعلي]

علي + ناصر

صحت الالسن والله ياشعار

ومشكورين على هالطاروق الناري

لكم تحياتي واحترامي