يالعازمي ضلم وش حاله بهذا الليال؟؟

[كبتن عتيبه]

عيد العازمي اسمع طال عمرك...



يالعازمي (ضلم) وش حاله بهذا الليال؟=بعد ليال الربيع اقفت عراقيبها!!
لو مابغيت الإجابه ماطرحت السؤال=جتك السؤالات وأنت الأجوبه جيبها!!

[جمال العضياني]

الكبتن
صح لسانك

بدايه موفقه


بانتظار العازمي



متاااابعين

[قادح شرار]

وأنا أنتظر الأجابة عن التفاصيل المناخية ( لضلم ) .. :)

صح لسانك يا الكبتن ..

وصح لسان ( حسن كراني ) مقدما ً ... :)

[عيد العازمي]

هلا وغلا بالكبتن



يا استاذنا (ظلم) يكتب هكذا وانت ظال ؟= تحلم بعلم النقل مادام تخطيبها!!


ان كان ودك تطب السوق يابن الحلال = الديره اللي تباها عاويٍ ذيبها!!

[عيد العازمي]

جمال هلا

وصح بدنك


قادح شرار


حسن كراني مات رحمه الله


ماسدوك الاحياء


ههههههه

[قادح شرار]

هلا وغلا بالكبتن



؟= تحلم بعلم النقل مادام تخطيبها!!


أما في هاذي صدقت يا عيد ... :)

[كبتن عتيبه]

الله الله


نبى نشيل العصا عنكم ياولد الحلال=وأثرك لابد العصا ياعيد توميبها!!
حنا نريد الدسم.. ونريد كيف الدلال=جتك النشاما وكمّل في مواجيبها!!

[كبتن عتيبه]

قادح شرار


مساء الخير

[نوآف الغنامي]

ههههههه


صح الله السنتكم


يا استاذنا (ظلم) يكتب هكذا وانت ظال ؟
تحلم بعلـم النقـل مـادام تخطيبهـا!!

ههههههههههه

ابدعت يا استاذ عيد :)

وانا اقول لو تدرّس املاء احسن من الرياضياااات :)

هههههههههههه

متاااااابع ..

..

[جمال العضياني]

نبى نشيل العصا عنكم ياولد الحلال
وأثرك لابد العصا ياعيد توميبها!!




ياسلاااام


واصلوااااااااااا

[علي الثبيتي]

يا استاذنا (ظلم) يكتب هكذا وانت ظال ؟= تحلم بعلم النقل مادام تخطيبها!!

اما في هاذي انت الاستاذ ياعيد وصح لسانك ولسان الكبتن

[بندر المرشدي]

يا استاذنا (ظلم) يكتب هكذا وانت ظال ؟
تحلم بعلـم النقـل مـادام تخطيبهـا!!




صح لساااااااااانك ياعيد





نبى نشيل العصا عنكم ياولد الحلال
وأثرك لابد العصا ياعيد توميبها!!



صح لساااااااانك يالكبتن نقض كايف

[ابو لمار]

يا استاذنا (ظلم) يكتب هكذا وانت ظال ؟
تحلم بعلـم النقـل مـادام تخطيبهـا!!




صح لساااااااااانك ياعيد مبدع
ماتفوت فرصه




نبى نشيل العصا عنكم ياولد الحلال
وأثرك لابد العصا ياعيد توميبها!!

صح لسانك ياكبتن مبدع
كبتنتها صح لله درك

[كبتن عتيبه]

لا هنتوا على حضوركم الرائع

[محمد العتيبي]

الله الله

كبتن عتيبه وووو العااااازمي

ابدااااع في ابداااع

صح لساااانكم يالغاااالييين
..

[عيد العازمي]

من حين نشدت عن ظلم يالكبتن والكهرب يطفي عندنا

لاحول هههههه



ان شلتها شيل معها الضلع مابه جدال = حطه على درب عدوانك واشاعيبها!!


يامرحبا وابشرو بالفال جنب العقال = حنا نعز الرجال اللي شعا طيبها!!

[عيد العازمي]

لا هنتوا على حضوركم الرائع

[محمد العتيبي]

كبتن عتيبه



يالعازمي (ضلم) وش حاله بهذا الليال؟=بعد ليال الربيـع اقفـت عراقيبهـا!!
لو مابغيت الإجابه ماطرحت السـؤال=جتك السؤالات وأنت الأجوبه جيبها!!



العازمي


يا استاذنا (ظلم) يكتب هكذا وانت ظال ؟=تحلم بعلـم النقـل مـادام تخطيبهـا!!
ان كان ودك تطب السوق يابن الحـلال=الديره اللـي تباهـا عـاويٍ ذيبهـا!!



كبتن عتيبه




نبى نشيل العصا عنكم ياولد الحلال=وأثرك لابد العصا ياعيد توميبها!!
حنا نريد الدسم.. ونريد كيف الدلال=جتك النشاما وكمّل في مواجيبها!!



العازمي


ان شلتها شيل معها الضلع مابه جدال=حطه على درب عدوانك واشاعيبها!!
يامرحبا وابشرو بالفال جنب العقـال=حنا نعز الرجال اللي شعـا طيبهـا!!

[عبدالمجيد الثعلي]

كبتن عتيبه + العازمي


إبداع >>> على جمر هاديء


واصلوا علىى القوّه

[كبتن عتيبه]

هههههه

الله يعينكم...




أخاف ماعاد يبقى في ديركم جبال=هاثم (مرقابكم) تفقد مراقيبها!!
والله ونعم العرب والله ونعم الرجال=مير أنت تعرف هل السيل ومطاليبها!!

[عيد العازمي]

حنا ديرنا معزتها ذياب العيال = والا جبال الحجر يحرم نماريبها!!


ياكبتن الله يديمك كلنا راس مال = لوكان بعض العرب معرف هناديبها!!

[عيد العازمي]

محمد العتيبي


عبدالمجيد


الف هلا


مشرفين

[عبدالله الجـــذع]

مبدعين ياعمالقه


مشاعيب وعلووم


متابعين متابعين


محبكم

.,

[كبتن عتيبه]

الله الله


العام تبكي طميَّه ياكريم السبال=واليومه اتقلَّي الضلعان ماليبها!!
ياعيد لو ما المصالح والطمع فالريال=ماجاتك البدو تفتل رؤس أشانيبها!!

[علي فلاح العضياني]

الله الله



ابدااع في ابداااع



صحّت الالسنه و القلوب

[عيد العازمي]

هههه


كلٍ معرّض ياكبتن للفنا والزوال = مار الرجال الفهيمه مانكشف غيبها!!


اثرك رفقتك رفقة مال والا محال = رفقتك ياكبتن عتيبه هذا عيبها!!

[كبتن عتيبه]

الله الله


ماباقيٍ غير وجه الله عزيز الجلال=ياعيد الأيام دايرةً دواليبها!!
اللّي ماينفع رفيقه ياعريب الخوال=مالي برفقته ..وأن جت ويش اسويبها؟!



الختام من عندك


طال عمرك



أستاذنك وأستاذن الحاضرين




تقديري

[عيد العازمي]

الله الله


تدور الايام بين الشمس والا الظلال = والطيب اللي تعلّم من تجاريبها!!


خابرك ماتارد الا بالحبال الطوال = وانا معك لين تصفالك مشاريبها!!


صح لسانك ياكبتنا


شرفتنا وكل من حضر شرفنا

[نايف بن ملحق الثعلي]

كبتن عتيبه
عيد العازمي
الله الله علي القوه