عبدالرحمن العضياني
01-May-2009, 11:16 PM
أعضاء منتدى قبيلة عتيبه يسعدني أن أقدم لكم مشاركة الشاعر ضيف الله عماش العتيبي في المرحلة الثانية من مسابقة شاعر العرب حيث أتى بمقدمة يمتدح فيها الشيخ صنيتان بن محمد الضيط ويثني على بعض صفاته ويشكره على الدعم , ثم قدم قصيدة المشاركة والتي أسماها ( بداية ونهاية ) تحدث في بدايتها عن المسابقة والتنافس الجميل بين الشعراء فيها والاتكال على الله في ذلك وتطرق للشكوى من الأيام الماضية وشع الأمل بالقادم بعد أن وجد ما كان يبحث عنه ثم امتدح شاعريته وطلب المساندة له , والقصيدة كانت جيدة من حيث الترابط ووحدة الموضوع وكانت أجمل من قصيدته في المرحلة الأولى
.هذه المقدمة في الشيخ صنيتان الضيط :
في مبتدى نص الكلام الحمد لله والشكر=وصلت ثاني مرحلة واطمح اليا أعلى مرحله
خصاً ليا صار الحزام اللي يشد به الظهر=شيخاً تربع في سنام المجد باسم المرجله
من يحتزم به فالشدايد ماذكر ضيم الدهر= وان كبرت القالات حلال الامور المعضله
تعيش ياراساً يفوح من الحميا والسطر= يطري عليَه لابدالي لازماً مايجهله
وانا لو انشدكم عنه قلتو صنيتان الفخر = رفتو اسمه من كلامي فالبيوت الاوله
الضيط محمود السجايا راع الكف الاغر = شيخاً تربع في سنام المجد باسم المرجله
موضوع قصيدة المشاركة(نهاية وبداية):
تجمعنا على بيض النوايا والقلوب اصحاح=على عرش التنافس في مجال الشعر وابداعه
تنافس يجمع الاخوان لاسارق ولا مزاح = على ضوء الكلام اللي جمعنا وابرك الساعه
حضرنا فالوعد والطير مايشهر بدون اجناح= وكلاً لاحضر في ماقفه شكره على ذراعه
توكلنا على اللي قدر الارزاق والارواح = سفرنا في بحر مظلم مااحد يعلم قاعه
ولا يابحر ياللي صفَق موجك يغرق السباح = لعلك يابحر ماتغرق البابور وشراعه
ثلاث سنين ياحلم العدالة واليدين شحاح = متى مدري متى الإنصاف يتشافى من اوجاعه
عيوني كم تخيل البارق اللي في مزونه لاح= تحن رعوده ولا زان إلِي صيفه ومرباعه
لكني من هنا حصلت قفل الباب والمفتاح = بحكم اللي رسم للحق درباَ بان مطلاعه
نهاية عمر الاحزان وبداية مولد الافراح = فمان الله ياكلمة ظروف الوقت قطاعه
بزغ نور الامل والياس ليلاَ ظلمته تنزاح = خلاصة رحلة احلامي يعيش الحق واتباعه
امام النقد ياشرد القوافي والعم ماطاح = ماجيت ألا بعملة بين شرايه وبياعه
اسوق ابداعي المنظوم وعيوني على الارباح= يقولون الوفا مايحصده ياكود زراعه
لو الابداع طيراً فالسماء ينزل على الملواح = على خد الورق وحروف شعري صار ميقاعه
بنيت من الثقة قصراً يقاوم عاتي الارياح = تشيده العزيمة مابني بالسمع والطاعه
نخيتك ياخويَ الجنب وانته فاللزوم سلاح = ابيك بماقفاً قدك ولاتجهل عن اوضاعه
ابملك بك قلوباً من ملكها يعتبرها وشاح = على صدره غلاه أغلى من الياقوت بانواعه
سعيد الحظ من يبقى صدى صوته ليا من راح = يخلده الزمان اللي عليه يشير باصباعه
بعد جينا على بيض النوايا والقلوب اصحاح =سلام الله عليكم يالنشاما وابرك الساعه
وفي الختام نتمنى ان تحوز على رضاكم والسلام ختام ,,
.هذه المقدمة في الشيخ صنيتان الضيط :
في مبتدى نص الكلام الحمد لله والشكر=وصلت ثاني مرحلة واطمح اليا أعلى مرحله
خصاً ليا صار الحزام اللي يشد به الظهر=شيخاً تربع في سنام المجد باسم المرجله
من يحتزم به فالشدايد ماذكر ضيم الدهر= وان كبرت القالات حلال الامور المعضله
تعيش ياراساً يفوح من الحميا والسطر= يطري عليَه لابدالي لازماً مايجهله
وانا لو انشدكم عنه قلتو صنيتان الفخر = رفتو اسمه من كلامي فالبيوت الاوله
الضيط محمود السجايا راع الكف الاغر = شيخاً تربع في سنام المجد باسم المرجله
موضوع قصيدة المشاركة(نهاية وبداية):
تجمعنا على بيض النوايا والقلوب اصحاح=على عرش التنافس في مجال الشعر وابداعه
تنافس يجمع الاخوان لاسارق ولا مزاح = على ضوء الكلام اللي جمعنا وابرك الساعه
حضرنا فالوعد والطير مايشهر بدون اجناح= وكلاً لاحضر في ماقفه شكره على ذراعه
توكلنا على اللي قدر الارزاق والارواح = سفرنا في بحر مظلم مااحد يعلم قاعه
ولا يابحر ياللي صفَق موجك يغرق السباح = لعلك يابحر ماتغرق البابور وشراعه
ثلاث سنين ياحلم العدالة واليدين شحاح = متى مدري متى الإنصاف يتشافى من اوجاعه
عيوني كم تخيل البارق اللي في مزونه لاح= تحن رعوده ولا زان إلِي صيفه ومرباعه
لكني من هنا حصلت قفل الباب والمفتاح = بحكم اللي رسم للحق درباَ بان مطلاعه
نهاية عمر الاحزان وبداية مولد الافراح = فمان الله ياكلمة ظروف الوقت قطاعه
بزغ نور الامل والياس ليلاَ ظلمته تنزاح = خلاصة رحلة احلامي يعيش الحق واتباعه
امام النقد ياشرد القوافي والعم ماطاح = ماجيت ألا بعملة بين شرايه وبياعه
اسوق ابداعي المنظوم وعيوني على الارباح= يقولون الوفا مايحصده ياكود زراعه
لو الابداع طيراً فالسماء ينزل على الملواح = على خد الورق وحروف شعري صار ميقاعه
بنيت من الثقة قصراً يقاوم عاتي الارياح = تشيده العزيمة مابني بالسمع والطاعه
نخيتك ياخويَ الجنب وانته فاللزوم سلاح = ابيك بماقفاً قدك ولاتجهل عن اوضاعه
ابملك بك قلوباً من ملكها يعتبرها وشاح = على صدره غلاه أغلى من الياقوت بانواعه
سعيد الحظ من يبقى صدى صوته ليا من راح = يخلده الزمان اللي عليه يشير باصباعه
بعد جينا على بيض النوايا والقلوب اصحاح =سلام الله عليكم يالنشاما وابرك الساعه
وفي الختام نتمنى ان تحوز على رضاكم والسلام ختام ,,