تسجيل الدخول

مشاهدة النسخة كاملة : النشمي اعصب العمامه وتعال

الطيار..
30-Apr-2009, 07:06 PM
خلووووووووووها::eek:



الثبيتي تالي الايام مانعرف صفاته=اختلف شكله ولونه واختلف طبعه ودله
اعلنو عبر القناه الثانيه قصة وفاته=وانتهى عمره وهو بين المطمه والمضّله
علي الثبيتي
30-Apr-2009, 08:55 PM
النشمي
خلوها

الثبيتي شيخ وعتابه تحت فية عصاته= وانت من ضمن الجبر وان ماعجبك الوضع خله!!
ماعلى النشمي من الرخمه ومن راع الشماته= في يمينه سيفه الصارم على الطاغي يسله!!
علي الثبيتي
30-Apr-2009, 08:57 PM
يالطيار انا عندي محاوره على الكنود
ولكن اختر وقت اخر وانا مستعد
الطيار..
01-May-2009, 12:37 AM
موعدنا ليلة الاحد من بعد التاسعه مساء


واستلم



قول لي ويش الدليل الشيخ يعرف من عباته=انتبه تخرج يسار الدرب والمعنى تزله
الحوار يحن يومن الجمل مظهر لهاته=وانت لونك تعقد الحبل جالك من يحله
الطيار..
01-May-2009, 09:39 PM
وبك يالنشمي لونك تصنع قنبله ذريه يمديها جهزت

اسهرتنا تبي ترد ولانسري
علي الثبيتي
02-May-2009, 08:32 PM
يقلع الطيار وشيوخ العبي داخل قناته= والا انا شيخاً وامشيها على مذهب ومله!!
متهم مازال مجرم لين يثبت لي براته=بالوثايق والحقايق والقراين والادله
رائد الكيرعاني القحطاني
02-May-2009, 08:34 PM
الله الله

واصلو واصلو

متااااااابع بصمت

للجميع تحياتي
فايز بن سرحان الثبيتي
02-May-2009, 08:44 PM
الثبيتي تالي الايـام مانعـرف صفاتـه
اختلف شكله ولونه واختلف طبعه ودله
اعلنو عبر القناه الثانيه قصـة وفاتـه
وانتهى عمره وهو بين المطمه والمضّله

الله الله يالطيار بداية هجومية



الثبيتـي شيـخ وعتابـه تحـت فيـة عصاتـه
وانت من ضمن الجبر وان ماعجبك الوضع خله!!
ماعلى النشمي من الرخمه ومـن راع الشماتـه
في يمينه سيفه الصارم علـى الطاغـي يسلـه!!

ابو فهد وااااااااااافي لاعدمناك


صحت قلوبكم

متابع للطاروق وعساكم على القوة
الطيار..
02-May-2009, 08:48 PM
الثبيتي مشكله والمشكله في حب ذاته=الجبل دفه بيدك ولن تعبت اقعد بظله
هذه وجهت نظرك وكل واحد له مراته=وانت كبرت العيون وخللوها بالاخله
علي الثبيتي
02-May-2009, 08:50 PM
الله الله

واصلو واصلو

متااااااابع بصمت

للجميع تحياتيهلاوغلا يارائد
الطيار..
02-May-2009, 08:51 PM
رائد الكيرعاني


صح بدنك


مشكور على المرور
علي الثبيتي
02-May-2009, 08:52 PM
هلا وغلا يابوريان وصح بدنك
الطيار..
02-May-2009, 08:53 PM
ابن سرحان

صح بدنك

وحيااااك


تحيتي
علي الثبيتي
02-May-2009, 09:11 PM
انته امراسل صحافه والخبر وده وهاته= علم اللي فيه غل الله يزيده فوق غله!!
من قصر عن لازمه مافاد لو طالت حياته=ليش تكذب والعوارف خابرين العلم كله!!
الطيار..
02-May-2009, 09:30 PM
وبك انا ماني مراسل دار جدي من احماته=وانت فيك الوهم كثر الوهم صاير لك جبلّه
خابرين اللي ليا شاف العداء طاحت عصاته=مايهوش ولايحوش وقدرته دمعه يهله
فايز بن سرحان الثبيتي
02-May-2009, 09:47 PM
صحت قلوبكم
الطيار..
02-May-2009, 09:49 PM
وبك يالطيار لا جيت بطن المطار = مانت مقلع لو ركبنا معك فالطايره
وان تعديت المدرج وخالفت المسار = صرت في ضني كما الحبه اللي عايره

هههههههههههههههه

يالله دخيلك هذي وين رايحه يابن سرحان

لايكون اخذت غفوه
فايز بن سرحان الثبيتي
02-May-2009, 09:52 PM
راجع الصفحة الرئيسية وانت تعرف


ودنا نغير لكم الطاروق
علي الثبيتي
02-May-2009, 10:11 PM
كف يدك لاتقرب سلة السيف وشباته= وانت من سيف الثبيتي صايبك راعه وذله!!

المنافق لو يصلي دوم ماتقبل صلاته= الصلاة اللي مرايا للعرب ماهي ب لله!!

عصاته سرت
واعطانا فرصه للتعديل ولم يتم ذلك
على العموم يالطيار تصبح على خير
الطيار..
03-May-2009, 12:00 AM
لاتدقق اقبل اللي يجي هههه




خل عنك السيف لاهل السيف واقبل مكرماته=انت عايش في نكد والناس ف..اناسه وفله
المنافق عارفينه زين وتسوي سواته=وانت شايب شاب راسك مار صل الفرض صله
الطيار..
03-May-2009, 12:01 AM
تصبح على خير