يالمكافح ماانت ساري ولا تابع دليل

[رعد الروقي]

.






يالمكافح ماانت ساري ولا تابع دليل=اعتقد في يداك مدري رجولك سلسله
تعتزي وتصيح وتقول خيل وماش خيل=ما كسبت من المشاوير غير البهذله

[المكافح]

دام ممشايه معك هقوتي مابه حصيل=ان سكتنا مشكله وان هرجنا مشكله


الحقايق ماتغرك لكن انته بخيل=مير من ذاق المخلل يعافه باكمله

[رعد الروقي]

ضاع كدي فيك شهرين يالله ياعقيل=كيف نفسك تجحد افضال راع الأوله
العرب وشلون يرضون مفري الصميل=صبهم فاعلى صميله وعيبه فاسفله

[المكافح]

اخي الفاضل العمده صح لسانك مدد ماهو عدد لكن الفجر اذن ونكمل بعد الصلاه ان شاء الله واتشرف باللعب معك وانا المستفيد من شاعريتك الفذه

[رعد الروقي]

هيا لا تقول مقاطعين ههههه


صح بدنك ملايين والفايدة لي




لكن بعد الصلاة ما يمديني عندي مسراح




ربما فالليل ان شاء الله




بيض الله وجهك على حرصك على الصلاة


سلام

[عبدالله الجـــذع]

محراف رائع

وشعار اجمل واروع

صحت الالسن

وفي انتظار اكمال الطاروق

محبكم
,