شــــــــــــــاعرفي عتـــــــــــابه!!

[عيد العازمي]

,

مساء الخير للجميع وموعد للاستفاده من الاسطوره:)



لو يدق الهاجس المعتاد سرّاله قبيله = كيف مايسري بالاسطوره ,رضا والا نهابه؟!


عن مجال الضحك ردّيت الزناد عن الفتيله= ويش سرعك من بطاك ءتصير شاعر في عتابه!!

[العطاوي هادي]

صح لسانك العازمي , العوازم كثير منهم شعراء أصاحب معنى يقودهم حبيب في شعر المحاورة.

[آلاد غنـــام]

كلكم طيبين



شكرا

[سلطان الجـذع]

ارحب ارحب




لو يدق الهاجس المعتاد مافي يدك حيلة = الاسامي ماتشابه والفعايل ماتشابه !!
ربعك اللي جادوا بسرج الاصيلة والاصيلة = حق ومن ابسط حقوقي لاتسوي لك طلابه !!

[فواز السعيدي]

الله الله


ابداااااااااااع



متااابع

[ابو لمار]

,

مساء الخير للجميع وموعد للاستفاده من الاسطوره:)



لو يدق الهاجس المعتاد سرّاله قبيله = كيف مايسري بالاسطوره ,رضا والا نهابه؟!


عن مجال الضحك ردّيت الزناد عن الفتيله= ويش سرعك من بطاك ءتصير شاعر في عتابه!!

الله الله الله
صح لسانك ياعيد
مبدع ولاغرابه الابداع من اهل الابداع


وعليك بالجذع وازهل الصف
الجذع تالي الايام متغيّر ههه
وصح لسانه مقدما



متااابع للفائده

[سلطان الجـذع]

..

العطاوي صح بدنك بالنيابه :) ...

ونعم بـ ربعنا العوازم هم اهل الشعر ...


لاهنت على حضورك

[سلطان الجـذع]

..


ولد غنام وانت أطيب ..

بيض الله وجهك على حضوركـ هنا

[سلطان الجـذع]

..

فواز السعيدي ..

مرحبا مليون .. شرفتنا بتواجدك يالغالي ...


ولاهنت

[سلطان الجـذع]

..

ارحب ارحب ياصديقي ابو لمار :) ...

انا اقول تبي تفزع لي ضد هـ المجرم ....

وانت قايمٍ معه ههههههههههههههه ..


كل الشكر لوجودك هنا

[عيد العازمي]

ايه ايه




نص عمرك راح مضحي بين قيس وبين ليله = صرت مرسول الغرام اللي تسبب في عذابه!!


مزحميٍّ ساق رجله فالدروب المستحيله = وإن بغيت اريّحه دقّيت في زاره نصابه!!

[ابو لمار]

ارحب ارحب




لو يدق الهاجس المعتاد مافي يدك حيلة = الاسامي ماتشابه والفعايل ماتشابه !!
ربعك اللي جادوا بسرج الاصيلة والاصيلة = حق ومن ابسط حقوقي لاتسوي لك طلابه !!

الله الله الله
صح لسانك يابو عبدالله
رد وافي يامبدع

بس برضه انا ضدك
في صف العازمي


واصلوااا متاااابع

[عيد العازمي]

العطاوي صح بدنك ولاعلاكم زود

[عيد العازمي]

ولد غنام وانت أطيب ..

بيض الله وجهك على حضوركـ هنا

[عيد العازمي]

فواز


متابعتك تشريف لنا


صح بدنك

[عيد العازمي]

ابو لمـــــــــــــــار


مراحب والله


واكتشفت انك مميز حتى في اختيار الصف


,,,,,,,,,,


شرفتني وازهل الجذع مره


وصح بدنك يالغالي

[سلطان الجـذع]

طيب طيب




خلها تمشي على اليمه ورحلتها طويله = لين اسمعك الكلام الفصل في مسرى الذيابه !!
انت لو عندك ولاء وبقلبك شوية فضيلة = صرت عبد اللي معلمك القرايه والكتابه !!

[عيد العازمي]

علّم اللي مثل سوس الحب لايومي شليله = فالمكان اللي تروده مالقيناله مهابه!!


لو عربون الولاء فالدم يظهرله فصيله = كان ياسلطان ماتظهر بدالي بالنيابه!!

[خالد المقاطي]

الله الله




ابو طلال .. ابو عبدالله


صح الله لسانكم يالذيابه


قيس وليلي اجل يابو طلال ههههههههه



متابــ ع




..

[عيد العازمي]

ابو فيحان


هلا والله


وينك يارجل


عساكم بخير


وجودك غير الليله


وصح بدنك طال عمرك

[سلطان الجـذع]

انت شوف الغل كيف استوطن الكبد الغليلة = وكان في بالك سؤال اسئل وانا اعطيك الاجابه !!
انتبه !! عين الرضا ياعيد عن عيبك كليلة = لاتخليها تولع نار من بين القرابه !!

[فايز بن سرحان الثبيتي]

عيد العازمي

لـو يـدق الهاجـس المعتـاد سرّالـه قبيـلـه
كيف مايسري بالاسطوره ,رضـا والا نهابـه؟!


سلطان الجذع

لو يدق الهاجس المعتاد مافـي يـدك حيلـة
الاسامـي ماتشابـه والفعايـل ماتشابـه !!

ابراز عضلات قبل لقاء الديربي ..

رغم انني في اجازة ولكنني مررت من هنا للاطلاع وتسجيل الحظور من اجل هذه الاسماء الراقية .


صحت قلوبكم

[سلطان الجـذع]

...


خالد المقاطي .. مرحبا مليون ..

منّور الحته الليله :)

[سلطان الجـذع]

...


ابن سرحان حيااااك الله وتواجد الغانمين امثالك

يعني لنا الشئ الكثيــر الله لايحرمنا من هـ الطلة :)

[عيد العازمي]

يشهد الله مايهم اللي على جنبه خميله= والسفيه اللي على دربه نقل باقي زهابه!!


انت عمّتنا دعاويك الخفيفه والثقيله = وان تهاونّابها غار الجبل ما ,مات دابه!!

[عيد العازمي]

عيد العازمي

لـو يـدق الهاجـس المعتـاد سرّالـه قبيـلـه
كيف مايسري بالاسطوره ,رضـا والا نهابـه؟!


سلطان الجذع

لو يدق الهاجس المعتاد مافـي يـدك حيلـة
الاسامـي ماتشابـه والفعايـل ماتشابـه !!

ابراز عضلات قبل لقاء الديربي ..

رغم انني في اجازة ولكنني مررت من هنا للاطلاع وتسجيل الحظور من اجل هذه الاسماء الراقية .


صحت قلوبكم


ابن سرحان هلا وغلا

تشريفك غير يابو ريان لاعدمناك

وصح بدنك

كلنا اجازه :)


لكن الاستفاده من الاسطوره اهم :)


مقدرين تواجدك طال عمرك

[سلطان الجـذع]

الزمن ياصاحبي لو ينكشف باقي حصيلة = ماملى قلبك سرور ولاملى صدرك رحابه !!
انت من عرض الرجال اهل البواتير الصقيلة = لاتضايق يوم جسمك جت على قدة ثيابه !!

[علي الثبيتي]

هوامير الشعر والابداع هنا
صحت لسنتكم

انت عمّتنا دعاويـك الخفيفـه والثقيلـه//وان تهاونّابها غار الجبل ما ,مات دابه!!
عيد اثاريك مجرم محترف

[سلطان الجـذع]

...

صح بدنك ياهامور كبيـــر :)

وشرفتنا بتواجدكـ ياابو فهد ...

[نايف ابن حديد]

العازمي

سلطان الجذع


صحت السنتكم


متابعين الابداع

[عيد العازمي]

هجمتين ,,وثالثه ,ماعاد فالدعوى عقيله = وان هداك الله بريق الشمس لاتطرد سرابه!!


ماسك الحبلين في عرف النشاما ياحليله = والرعد قدمه بروق الخير في وجه السحابه!!

[عيد العازمي]

الدكتور النشمي


هلا وغلا


هههههههههه


لاتفسر على نواياك يابوفهد

انا طالب ولازلت طالب معكم

[عيد العازمي]

نايف بن حديد


مراحب والله


وصح بدنك يالغالي

[سلطان الجـذع]

الجديل اللي يماري فيه منسوع الجديلة = ماكسب ياصاحبي ود المتيّم فالصبابه !!
الاكيد انا نلاحظ في حمول شعيل ميلة = والكلام ان زاد يفقد جل معناه وصوابه !!

[عيد العازمي]

استاذي الاسطوره


مجمل ومشكور على اتاحة الفرصه للاستفاده منك :)



وصح لسانك


وشكري لكل من شرفنا هنا


ونعود الى اكمال الاجازه :)


تصبحون على خير

[سلطان الجـذع]

...


لاياشيخ :) ..... استاذك !!!!!!! ههههههههه

بيض الله وجهك ياابو طلال ... وصح لسانك مليون ....


والى لقاء قادم بحول الله ...


وشكري لكل من شرفنا هنا

[ابن سهاج]

العازمي


سلطان الجذع



صحت السنتكم ومبدعين الى آخر مدى

[سلطان بن دحيم]

صحة السنتكم



ابداع لا يعلى عليه


تحياتي

[مرزوق الجعيد]

كلمة ابدااااااااااااااااااااااااع قليله بحق الشاعرين

متاااااااااااااااااابع لكم

مميزين واسماااااااااااااااء لها ثقلها في مجال المحاوره

[رعد الروقي]

العازمي // سلطان




صحت السنتكم



طاروق كايف


وشعراء قمة