ياهل التاريخ تعالو جاي !!!

[عبادي المقاطي]

السلام عليكم وصباح الخير

احب اشكر القائمين على هذا المنتدى الرائع المتكامل حقيقه

من اداره ومشرفين واعضاء اللي يوافونا بالقصص القديمه

ويبقى تاريخ يحفظ ويدون فقط ولا يستخدم ضد الغير من باب حنا اطيب

الكل عارف نفسه وقيمته


وارجع للموضوع انا حافظ بيتين وماعرف تكملتهاا

اتمنى من اللي يعرف يجيبها لنا كامله وهذي هي البيتين:

ياذيب عن جال العويند لاتغيب ......... من اشبعك ياذيب ماتلحق جزاه

عشاك ابو صفره وكل ابلج حبيب....... ثربه يزل الحول ماكفى نداه



االبيتين تتكلم عن معركه العويند واعتقد انها بين عتيبه ومطير

وابو صفره شيخ من شيوخ مطير اعتقد انه من الموهه ان مخاب ظني


اتمنى منكم اعطائي العلم اليقين


انتظر ردودكم والله لايهينكم

[خالد بن مورق]

معركة العويند واحدة من أشهر واولى المعارك بين عتيبة ومطير وحدثت عام 1273 للهجرة

أسباب المعركة :

لما رأت مطير ان عتيبة ضربت بسطوتها في وسط نجد بعد معركة سناف الطراد طمعت في اعادة أمجادها القديمه في نجد بعد اجلائهم لعنزه وقبل أن تخرجهم منها قحطان فجاؤ بعددهم وعتيدهم لمحاربة عتيبة وهذي هي بداية المعارك بين عتيبة ومطير لان عتيبة ومطير كانو قبل 1269هـ حبايب ولم يوجد في كتب التاريخ ألا انهم كانوا يتعاونون مع بعض قبل تلك المعركة ولما اجلت عتيبة قحطان بدت المشاكل بين مطير وعتيبة ومنها معركة العويند الأولى.

المعركة :

رأى الدويش انفراد عتيبة بوسط نجد فجمع مطير علوى وبريه والتقت جموعهم بجموع تركي بن حميد على العويند في يوم تشيب فيه الولدان والتحمت الجموع وسالت الدماء وتناثرت الجثث وقتل من مطير الكثير ومنهم عدة شيوخ وانهزمت جموع الدويش.

المصادر : يقول ابن بليهد رحمه الله عن معركة العويند : "واما الوقعة الثالثة فكانت بين تركي بن حميد ومعه رؤساء عتيبة الهيظل وبن جامع وجندهم عتيبة وبين الدويش رئيس مطير وانتهت المعركة بهزيمة مطير بعد قتال عظيم ، وهناك شجرة اعرفها بينها وبين ماء العويند كثيب الماء الذي يحيط بماء العويند ويقال لها شجرة ابي صفره أضيفت الى ابي صفره لأنه قتل عندها وهو من رؤساء مطير " أ.هـ كلام ابن بليهد ج/1 ص 46

من القصائد التي قيلت في العويند الأولى ...

يـا راكب اللي ما ترقـع رهـوقـه
حرً على قطع أشهب اللال صبار
هاته ودنـه وانسـف الكور فـوقـه
أسبق من اللي يدهل العش بالغار
كـودً على عيرات الأنضا لحوقه
فـجً عضـوده مـا قـطع في رحـا الزار
وحسو الرويقي نسم النضو فوقه
والـحـسو قدامـك مـن الصيف مـعـتار
ملفاك شيخً زين الله وفوقه
ضيـف الله اللي يـكرم الـضيف والـجـار
ليا قال ويش النضو يا للي تسوقه
قـله مـن ابـن حميد يـوصلك الأخـبـار
رد البرا من فوق عقله خنوقه
وثـور ظـعنـهـم نـاحـرن عـقلـة الـجار
جونا بجمع جات علوى تسوقه
حـمرً على مـاوصـف الخشم سنجـار
جونا يبون العد والعد فوقه
ربـعٍ مـسقـيـة الـعدا كـاس الامــرار
خذنا الجمل والبيت والقين فوقه
وتـسعين لحية في حجا القوز ما سار
كم جادلٍ ريح العويدي نشوقه
مـن عـقـبـنـا قـامـت تـقـلـط لقصار
انه ضيف الله عن الورد فوقه
مير أبتـخص حتى تسمـع بـالاشـوار


وقال ايضا الشاعر فهم الجنيبي العصيمي في قتل الفارس المسمى ابو صفرة الدويش

ياذيب عن جا ل العويند لا تغيب
من أشبعك ياذيب لا تنسى جزاه
ربع بابو صفرة وكل ابلج حبيب
شـيــخً نــوانـا بـالـبـلا والله بـلاه




منقووول من موضوع الكاتب الخنفري

[المرعـب]

ابو صفره من الموهه من الرخمان من علوى من مطير

والقصه كما نقلتها انت فوق

[عبادي المقاطي]

بيض الله وجهك يابن مورق

ومن اللي قتل ابوصفره هل هو عقاب بن شبنان ؟

وماقصرت يالمرعب على الاضافه

وانا اعتقده انه من الموهه تجمعهم مع الدوشان

وكانت على مشيخة وطبان الدويش بس ماحضره للهيبة عتيبه

وشجاعه من ابو صفره قاد الجمع والله العالم

وماقصرتوا جميع

[فيصل بن سيف العصيمي]

الابيات لفهم الجنيبي العصيمي