وان وقفتو ماقعدنا دام للميقاف خانه!! سعود العصيمي

[عيد العازمي]

ابو طايل كم هير

:)

:)



يالعصيمي قبل عام العام تحت امرك ريالي = في سبيل اللي مع الهيلا كسب شان ومكانه!!


أوّله واللي بعدها قام نعتوت العيالي = وان وقفتو ماقعدنا دام للميقاف خانه!!

[سعود العصيمي]

مرحبا ومسهلا

يابو طلال


قبل عام العام وريالك تشيله وانت غالي = والرفيق اللي يمثل ربعته مرفوع شأنه.

انحسبتم بالغروبي وانحسبتم بالزوالي = خلك اوزانه وانا ياعيد مقافي وزانه.

[نوآف الغنامي]

هههه

صح لساااااااااااانك وعلى شاااااااااااااانك يبو طلال ..

بدايه جميله جدااا ..

وننتظر العصيمي ..

..

[احمد الزايدي]

الله الله


صح السانك ياعيد العازمي مليون


وصح السان ابوطايل مقدما



متابع لأبداعكم

[فواز السعيدي]

الله الله



محرااف للعرااف




متابع غصب

[زياد المزرمي]

الله الله

صح اللسانك يا بوطلال

وصح اللسانك يا سعود


متابعين

[محمد العتيبي]

الله الله

صح لساااانكم على هذا الأبداع ..

متابع للنهايه :)

[عيد العازمي]

طيب طيب



الريال اللي دخل خزنتك ماكنّه غدالي = مانحسّب للخساير نضمن الطاله ضمانه!!


علّم اللي مادرا ياسعود عن سيف المعالي = كل ماهجرس ضميره ترجم المعنى لسانه!!

[عيد العازمي]

خيال الصفراء

......................


احمد الزايدي


...................


فواز السعيدي

........................


زياد الشطيطي


.......................



محمد العتيبي


.....................



صحت ابدانكم

وتشرفكم محل الاهتمام والتقدير

[سعود العصيمي]

مادخل في حسابي الا مكسبي من راس مالي = وانت رجالٍ كريمآ ياخذ ويعطي خوانه.


انت طارح لك سؤال وجاك اجابه والسؤالي = هل دريت اعن اخر الاخبار ياعنتر زمانه.؟

[سعود العصيمي]

......................


احمد الزايدي


...................


فواز السعيدي

........................


زياد الشطيطي


.......................



محمد العتيبي


صحت ابدانكم

وحياكم الله جميعآ

[عيد العازمي]

ساندينك يالعصيمي فالقدايم والتوالي = مار قلبك يالعصيمي ممتلي كبر ولعانه!!


وقفتي مع كل ربعي والنخيش اللي طرالي = والرفيق اللي ضروفه خانته ماله مهانه!!

[سعود العصيمي]

كم وكم مرة نمدك فالخفاف وفالثقالي = مار اظنك يابن عاصي ممتلي راسك شطانه .

لو بغيت اتحول الموضوع مافيها مجالي = والنخيش وكلمتك لاجله ماتحسب لك معانه.

[عيد العازمي]

فزعتك ماسرّت اللي طاح من فوق الجبالي = عقبها ماحدن يدوّر عندك املا الاستكانه!!


لاتفرّق في عتيبه بين الاقصى والموالي = ماتعرف الاجنوبك مار درب الطيب ,عانه!!

[ابو لمار]

الله الله الله

عيد العازمي

سعود العصيمي

صحت الالسن والقلوب
مبدعين يالثنين

واصلواااااااا
متااابع للابداع



تحيااتي لكماااا

[سعود العصيمي]

يابو طلالالال المنتدى ذبحني الليله مايفتح الا بعد التعب.


وينهو عنه الجمل زومان سواق الجمالي = مافزع له لو بكلمة حق لو شدت بطانه

مانفرق بينهم حنا لهم في كل حالي = علمك الاول صحيح وعلمك الثاني خيانه

[سعود العصيمي]

عيدالعازمي=

يالعصيمي قبل عام العام تحت امرك ريالـي=في سبيل اللي مع الهيلا كسب شان ومكانه!!
أوّله واللـي بعدهـا قـام نعتـوت العيالـي=وان وقفتو ماقعدنـا دام للميقـاف خانـه!!



سعودالعصيمي =


قبل عام العام وريالك تشيله وانت غالي=والرفيق اللي يمثل ربعته مرفوع شأنه.
انحسبتم بالغروبي وانحسبتم بالزوالـي=خلك اوزانه وانا ياعيد مقافي وزانـه.


عيدالعازمي=


الريال اللي دخل خزنتـك ماكنّـه غدالـي=مانحسّب للخساير نضمن الطاله ضمانه!!
علّم اللي مادرا ياسعود عن سيف المعالي=كل ماهجرس ضميره ترجم المعنى لسانه!!



سعودالعصيمي =


مادخل في حسابي الا مكسبي من راس مالي=وانت رجالٍ كريمآ ياخذ ويعطـي خوانـه.
انت طارح لك سؤال وجاك اجابه والسؤالي=هل دريت اعن اخر الاخبار ياعنتر زمانه.؟



عيدالعازمي=


ساندينك يالعصيمي فالقدايـم والتوالـي=مار قلبك يالعصيمي ممتلي كبر ولعانه!!
وقفتي مع كل ربعي والنخيش اللي طرالي=والرفيق اللي ضروفه خانته ماله مهانه!!




سعودالعصيمي =


كم وكم مـرة نمـدك فالخفـاف وفالثقالـي=مار اظنك يابن عاصي ممتلي راسك شطانه .
لو بغيت اتحول الموضـوع مافيهـا مجالـي=والنخيش وكلمتك لاجله ماتحسب لك معانـه.



عيدالعازمي=


فزعتك ماسرّت اللي طاح من فوق الجبالي=عقبها ماحدن يدوّر عندك املا الاستكانه!!
لاتفرّق في عتيبه بين الاقصى والموالـي=ماتعرف الاجنوبك مار درب الطيب ,عانه!!




سعودالعصيمي =


وينهو عنه الجمل زومان سواق الجمالي=مافزع له لو بكلمة حق لو شدت بطانـه
مانفرق بينهم حنا لهم فـي كـل حالـي=علمك الاول صحيح وعلمك الثاني خيانه

[سعود العصيمي]

ابو طلال


المنتدى

مايفتح عندي الا بعد التعب

وانت كذالك


الختام عندك ان حبيت


صح الله لسااانك ملايين


يابحر


وبيض الله وجهك.


ومشكورين جميع الاخوااان الذين مروا على هذه الصفحة.

[معجب العتيبي]

الله الله

يال جمال الابداع عندما يكتمل


ولا يكتمل الا اذا التقى العملاقان عيد وسعود


صحة السنتكم

[قادح شرار]

هههههههههه .

صحت ألسنكم يا عفاريت .. :)

تقبلوا مروري ..

[سلطان بن دحيم]

صحة السنتكم

ابداع لا يعلى عليه