أبن مـره الفـا يا مـرحـبـا ياهلابه"

[احمد الزايدي]

أبن مـره لفـا يا مـرحـبـا ياهــلابه=مرحبا في محل أهل الكرم والشجاعه


كان تبغا الصداقه كان تبغا الحرابه=أختر اللي تباه وقول سمع(ن) طاعه

[%الصامل%]

إييييييييييييييييييييييييييه مع الابداع لنا موعد


صح لسانك أحمد الزايدي

[ابن مره]

ابن مره عريب اجدود زاير عتابه=والبقى بك عدد نجم تبين شعاعه
لا اطلبك دين ولا لك معانا طلابه=غير ماجبت رديته وزودت صاعه

[احمد الزايدي]

والنـعـم بأبن مــره ياهـلا مرحــبابه=والقـناعـه تراها كـنز يأهل القناعه


أدري أنك ماتطلبني وأنا من شبابه=ناس وافين دايم يعشقون الرفاعه

[عيد العازمي]

احمد الزايدي


وافي ومبدع


صح لسانك


ابن مره


هلابك


وصح لسانك مبدع

[احمد الزايدي]

عيد العازمي

صح بدنك

وحياك الله يالغالي

جزل ورائع دايما

[ابن مره]

انت الى الحين حايل دون وجهك ضبابه=بس انا باضهر اعلومك بعد ربع ساعه
هيه يا احمد ليا الله حط بك وسط غابه=تمسك الذيب مع شدقيه ولا كراعه

[ابن مره]

العازمي

والبقى بك

لاهنت على المتابعه

[احمد الزايدي]

أنا ذيب(ن) تراني وأبن مره يهابه=صيدته صادها والسبع كله سباعه


عايش وسط غابه ضارين بالحزابه=أنـج لا يلـزمـك ذيب قــوي ذراعه

[ابن مره]

انت ذيب لاكن من بندقي جته اصابه=ذيب منصاب يعني بين موت ومجاعه
ادري انك بلشت ولا عرفت الاجابه=والعرب شاهدو الاحداث عبر الاذاعه

[احمد الزايدي]

أحمد الله سليم (ا)من الأصابه وأجابه=كل من يعتدي ماله شفيع (ا) وشفاعه

مـاأبتلش فـالاجـابه بس عـندي رحـابه=والوداعه تراها عند راع الوداعه

[ابن مره]

ياحليل احمد الله يستره في ثيابه=هاوي السوق لاكن مايعرف البضاعه
سلمو لي عليه الله يرعى جنابه=الحقيقه طلع دكتور تنقصه اشاعه