مساكم الله بالخير اقرب شاعر على الهوا مباشره

[ابن مره]

مساكم الله بالخير
اولا يشرفني تواجدي في هذا الصرح العملاق الي يزهاه اسم الهيلا

وثانيا : اقرب شاعر يقرب دونه



سلام الله على العتبان والي زارو العتبان=ابها الصرح الكبير الي عتيبه بنو ارباعه
وبعدها جيت يالشعار والميدان ياحميدان=توكلنا على الله كل مركب ينشر اشراعه

[@ـايل]

مساك الله بالنور والسرور يابن مره ...

والله يحييك في منتدى الهيلا اللي يزهابكم...

وصح لسانك ...وبدايه رائعه ..

وبأنتظار قبيلك وصح لسانه مقدمًا ...

............

[عبد الرحمن الفرهود]

هلا يامرحبا ترحيبة الخلان بالخلان=تفضل ياعميل الخير يامبرك من ساعه
مادامنك على الله متكل عوذ من الشيطان=وكل فالملاقا يابن مره يفسر اذراعه

[مشهاب]

هههههههههه ناوي ارحب ولكن سد اكليب فالملعبه
وصحت السنتكم

[ابن مره]

يدوم ابك البقا واليل توه والعلوم ازيان=وانا بارسم لك الدرب وعليك السمع والطاعه
ابو زيد اليماني كنسل التسويق فالدكان=غدا به علم مدري وين شرايه وبياعه

[ابن مره]

هايل
الله يبقيك

ولاهنت على المرور

[عبد الرحمن الفرهود]

تسنع ياجمل قدام نشريلك رسن وبطان=بحلت افتق يتعب ياهل المعروف رقاعه
بعد ماشاف سمسار البضاعه ركز الكرعان=يروح وينثني للقات مصيافه ومرباعه

[ابن مره]

باروود المعذره على طلوعي البارح لكن النت والله فصل عندي


لكن استلم لاعدمناك



رميت الرميه الاولى لاكن ماناشت النيشان=لكن حقي عليك الثانيه ترميه من قاعه
قبل يومين محذوف الاسد في سلة النسيان=واشوف اليوم وسط السوق قامت تصفق اصباعه

[عبد الرحمن الفرهود]

علامك ماتحث الرجل مثل افلان والافلان=عسى ماهيب نفسك من سوايا الجار ملتاعه
ولكن كثرة الترحيب ماقد شبعت ضيفان=تطيع الشور جنب عن جبال اطويق وسباعه

[عبد الرحمن الفرهود]

الاخ ابن مره مرمرتني بالانتظار صح السانك وطاروق اخر ان شاء الله

تمشى وسط الفيصليه واحد طفران=مخابيه الثلاث اللي بهن سبحه وولاعه
ولكن العياده وسطها معجب وابن سرحان=وتبرا علتك باصاحبي من كشف سماعه

[ابن مره]

استلم


بغيت اسمعك واثر الحكي ما ياصل الصقهان=دخيل الله اثر ماكل خلق الله فزاعه

احسب انك خوي الدرب واثرك طير ابن برمان=انا مدري جهل ولامن الشعار بك راعه

[ابن مره]

باروود ماعليش كان والله طالع من النت ومشغول

لكن للمعلوميه وابي فكرك مايروح بعيد

ترا يوم اني اقول

ابو زيد اليماني كنسل التسويق فالدكان.. غدا به علم مدري وين شرايه وبياعه

والضاهر ما لقطتها ورديتها لك في الرد الثاني البيت الثاني

قبل يومين محذوف الاسد في سلة النسيان..واشوف اليوم وسط السوق قامت تصفق اصباعه

كان قصدي مكاين ام اسد الي انتشرت بين الناس اشاعتها


وطاروق اخر انشالله

والله لايهينك وابيض وجه